ရခိုင်သားသို့

ကျွန်တော်ရို့၏ “အမှောင်ကိုခွင်း၊ အလင်းကိုဆောင်၊ ရခိုင်အလင်းရောင်”ဘလော့သည် အိန်တာနက်ထက်မှာ တက်လာသမျှ ရခိုင်ဘာသာနန့် ဆောင်းပါး၊ကဗျာ စသည်တိကို ရှာဖွီတင်ဆက်ဖို့အတွက် စမ်းသပ်ပြုလုပ်နိန်ပါသည်။ လိုအပ်ချက်တိဟိပါက c'box မှာအမှာစာရေးထားခကတ်ပါ။ အတတ်နိုင်ဆုံး အကောင်းဆုံးဖြစ်အောင် ကြိုးစားနိန်ပါသည်။ ဆက်သွယ်ချင်ပါက alrevelation@gmail.com ကိုဆက်သွယ်နိုင်ပါရေ။

ရခိုင်သားသို့

အို…ရခိုင်သား
မင်းကိုယ်တိုင်က
“နီ”မင်းကြီးတဆူဖြစ်ယင့်သားနန့်
အီးစက်နိန်ရရေ
ဘဝစုပ်ထဲမှာရာ
မင်းနိန်လို့ပျော်ရေလား…။

အို…ရခိုင်သား
မင်းကိုယ်တိုင်က“လီ”ဖြစ်ယင့်သားနန့်
ချွဲလုံးတိတဖြိုင်ဖြိုင်ကျနိန်ရရေ
ဘဝစုပ်ထဲမှာရာ
မင်းနိန်လို့ပျော်ရေလား….။

အို…ရခိုင်သား
မင်းကိုယ်တိုင်က
“လမင်း”ကြီးတဆူဖြစ်ယင့်သားနန့်
ပူလောင်၊ မှောင်မိုက်နိန်ရေ
ဘဝစုပ်ထဲမှာရာ
မင်းနိန်လို့ပျော်ရေလား…။

အို…ရခိုင်သား
မင်းကိုယ်တိုင်က
“ခြင်္သီး”တကောင်ဖြစ်ယင့်သားနန့်
မြက်စားလို့နိန်ရရေ
ဘဝစုပ်ထဲမှာရာ
မင်းနိန်လို့ပျော်ရေလား…။

အို…ရခိုင်သား
မင်းကိုယ်တိုင်က
“ကျား”တကောင်ဖြစ်ယင့်သားနန့်
ခွီးကိုရာကြောက်နိန်ရရေ
ဘဝစုပ်ထဲမှာရာ
မင်းနိန်လို့ပျော်ရေလား…။

အို…ရခိုင်သား
သေချာစဉ်းစားပါ
ယင်းဘဝစုပ်တိထဲမှာရာ
အသက်ထက်ဆုံး ဘဝတုံးအောင်
ဇာတ်မြှုတ်ဖို့လို့ရာ စဉ်းစားပါကေ
လောကပြောင်းပြန် ဖြစ်လားဖို့…။
………………
၂၇-၅-၂၀၀၉
၈:၄၆ am

(ကျော်ဒိုင်ယာရီဘလော့မှ)