2/14/2010

ရခိုင်ပြည် အမျိုးသားကောင်စီ ကြီးကြပ်မှုနန့် ANC ညီလာခံ တခုကို ထိုင်းမြန်မာ နယ်စပ်တနီရာမှာ ဖေဖေါ်ဝါရီလ ၆
ရက်နိန့်ကနေ ၉ ရက်နိန့်ထိ ကျင်းပပြုလုပ်ခပါရေ။ ဂု ညီလာခံက ဥက္ကဌ အသျှင်
ဦးသီဟ၊ ဒုဥက္ကဌ ဦးခင်မောင်၊ ဒုဥက္ကဌ(၁) ခိုင်ကောင်းစံနန့် အထွေထွေ
အတွင်းရေးမှူး အဖြစ် ကိုထွန်းဇော်၊ တွဲဘက်အတွင်းရေးမှူး
ဦးခိုင်စံလင်းရို့ အပါအ၀င် ဗဟို အလုပ်အမှုဆောင်ကော်မီတီ၊ ဗဟိုကော်မီတီ
စုစုပေါင်း (၁၅) ဦးကို ရွီးချယ်တင်မြှောက်ခစွာကို တွိ့ရပါရေ။ ညီလာခံ
အပြီးမှာ အသစ် ဖြစ်ပေါ် လာရေ အေအန်စီက ပေါ်လစီရေးရာနန့် ပတ်သက်ပြီး ယေဘုယျ
ယှင်းလင်းထားရေ ကြေငြာချက် တစောင် ထုတ်ပြန်စွာကို တွိ့ရပါရေ။ ယင်း
ကြေငြာချက်ထဲမှာ အမျိုးသား ညီညွတ်ရေး အပေါ် အထူးအလီးပီး ဖေါ်ပြထားစွာကို
တွိ့ရရေ အတွက် အထွေအထွေ အတွင်းရေးမှူး အသစ် ဖြစ်လာရေ ကိုထွန်းဇော်ကို
အမျိုးသား ညီညွတ်ရေးနန့် ပတ်သက်ပနာ သဘောထားကို သိရအောင် နိရဉ္စရာကအဂုပိုင်
တွိ့ဆုံ မိန်းမြန်းထားပါရေ။

 
မိန်း
- ANC အနီန့် ရခိုင်ပြည်သူတရပ်လုံး
သွီးစည်းညီညွတ်ရေးကို တည်ဆောက်ဖို့ ဆြိုပီး ANC ၏ ထုတ်ပြန်ချက်မှာ ဖေါ်ပြထားစွာကို တွိ့ရပါရေ။ လက်တွိ့မှာ
ရခိုင်အမျိုးသား စည်းလုံး ညီညွှတ်ရေးက အဖတ်ဆယ်မရအောင် ပြိုကွဲ နီပါရေ။
ယင်းကြောင့် ရခိုင်အမျိုးသား စည်းလုံး ညီညွှတ်ရေးကို ဇာပိုင်
တည်ဆောက်လားဖို့ဆိုစွာ ကိုပြောပြပီးနိုင်ပါဖို့လား။

ဖြေ။ ။ ကျနော်ရို့ အမျိုးသား စည်းလုံးညီညွှတ်ရေးက နိန်ပြီးကေ ကျနော်ရို့
ပါတီ အဖွဲ့အစည်း၊ ရခိုင်ပြည်မှာဟိရေ နိုင်ငံရေး အင်အားစု အသီးသီး၊
ပါတီအဖွဲ့အစည်း အသီးသီး တိကြားမှာ မတူ ကွဲပြားရေ အခြီခံမူဝါဒ
သဘောတရားဟိပါရေ။ ယင်းအပေါ်မှာ ကျနော်ရို့ တတ်နိုင်သလောက် နိန်ပြီးကေ
တူညီအောင် ညှိနှိုင်းလားပါဖို့။

ပြီးကေ တယောက်နန့် တယောက် တဖွဲ့နန့် တဖွဲ့ အကြား အချင်းချင်း အပြန်အလှန်
နားလည်မှုဟိအောင်၊ ပြီးကေ ကျနော်ရို့ ယုံကြည်မှု တည်ဆောက်ရေး လုပ်ငန်းတိကို
လုပ်ပြီးမှ အခြီခံသဘော တူညီချက်တိအပေါ်မှာ မူတည်ပြီးကေ ဆက်လက်ပြီး
ညီညွှတ်ရေးအတွက် ကြိုးပမ်းလားဖို့ဆိုရေ သဘောတရားတိဟိပါရေ။

မိန်း - ANC စွာ တပ်ပေါင်းစု အဖွဲ့အစည်း
တခုဖြစ်ရေအတွက် ပါဝင်ရေ နိုင်ငံရေးပါတီ အသီးသီးက ထိပ်ပိုင်း ခေါင်းဆောင်တိ
ပါဝင်လာစွာကို တွိ့ရပါရေ။ ယကေလေ့ အဂု ANC ဒုတိယ
အကြိမ် ညီလာခံက ရွီးချယ်ရေ အထဲမှာ AASYC က
ထိပ်ပိုင်းခေါင်းဆောင်တိဖြစ်တေ ဥက္ကဌရို့ အထွေအထွေ အတွင်းရေးမှူးရို့က
ပါဝင်လာခြင်း မဟိစွာက ဇာကြောင့်ပါလဲ။

ဖြေ။ ။ ကျနော်ရို့ ဒေ ဒုတိယအကြိမ် ရခိုင်ပြည် အမျိုးသားညီလာခံက ရွီးချယ်ရေ
နီရာမှာ အဖွဲ့အစည်း အသီးသီးမှ ကိုယ်စားလှယ်များ စုံစုံညီညီ
တက်ရောက်ကတ်ပါရေ။ ယင်းချင့်ကတော့ခါ ကျနော်ရို့၏ ဒီမိုကရေစီနည်းလမ်း တကျ
ရွီးချယ် တင်မြှောက်မှု အပေါ်မှာ မူတည်ပါရေ။ AASYC က ခေါင်းဆောင်တိအနီနန့် ထိပ်ပိုင်း နီရာတိမှာ မပါဆိုစွာက
ညီလာခံမှာ တက်ရောက်ရေ ကိုယ်စားလှယ် အသီးသီး၏ ရွီးချယ်မှုအပေါ်မှာ မူတည်ပါရေ။


မိန်း
- လွန်ခရေနှစ်က မလေးယှားမှာ ဒုတိယအကြိမ်မြောက် ANC ညီလာခံ တခုကို ကျင်းပခစွာကို တွိ့ရပါရေ။ ယင်းညီလာခံနန့်
ဖြစ်ပေါ်လာရေ ANC အပေါ်မှာ ဇာပိုင်မြင်ပါရေလဲ။

ဖြေ။ ။ ကျနော်ရို့ အနီနန့်ကတော့ခါ ANC စွာ
တခုတည်းရာဟိပါရေ။ မလေးယှားမှာ ကိုညီညီလွင်ရို့ ဦးဆောင်ပြီး ပြုလုပ်ခရေ
အစည်းအဝေးနန့် ပတ်သက်လို့ ပြောရကေ ယင်းအချိန် မတိုင်ခင်ကပင် ၂၀၀၆
ခုနှစ်မှာ ဖွဲ့စည်းခရေ ANC ၏ ဗဟို အလုပ်အမှုဆောင်တိက ကိုညီညီလွှင်ကို တရားဝင် ထုတ်ပယ်
ထားခပြီးသားပါ။ ယင်းကြောင့် ယင်း ANC နန့်ပတ်သက်ပြီးကေ တခုလည်းပြောစရာမဟိပါ။ ပြီးကေ ANC စွာ ၂ ခု ဟိပါ။ တခုတည်းသာ ဟိပါရေ။ ပြီးကေ ယင်း ANC ညီလာခံစွာ တရားမဝင် ညီလာခံဖြစ်တေ ဆိုစွာကို ကျွန်တော်ရို့
အတိအလင်း ထုတ်ပြန်ထားပြီးသား ဖြစ်ပါရေ။

မိန်း - ရိုဟင်ဂျာလို့ အမည်ခံယူနီသူတိ အပေါ်မှာ ဇာပိုင်သဘောထား အမြင်တိ
ဟိပါရေလဲ။

ဖြေ။ ။ ရိုဟင်ဂျာ အမည်ခံကတ်တေ လူတိနန့် ပတ်သက်ပြီးကေ ပြောရဖို့ဆိုကေ
ရခိုင်ပြည်မှာ လွတ်လပ်ရေ ဥပဒေပြု လွှတ်တော်တရပ်
မပေါ်ပေါက်သရွိ့ကာလပတ်လုံးကတော့ခါ ကျနော်ရို့ ယင်းကိစ္စအပေါ်မှာ ပြေပြေ လည်လည်
ဖြေယှင်းနိုင်ဖို့ မဟုတ်သိမ့်ပါ။ ယင်း အတွက်ကြောင့်လည်း စစ်မှန်ရေ
ဖယ်ဒရယ် ပြည်ထောင်စု တခု ပေါ်ပေါက်ပြီး ရခိုင်ပြည်မှာ လွတ်လပ် တရားမျှတရေ
လွှတ်တော်တရပ် ပေါ်ပေါက်မှသာ ဒေကိစ္စကို ဖြေယှင်းနိုင်ဖို့လို့ ပြောချင်ပါရေ။
.....................................
( မင်းဆက်ခိုင် မေးမြန်းသည်။ )
(မူရင်း Narinjara မှမြန်မာဘာသာသတင်းကို
ရခိုင်ပိုင်တတ်နိုင်သလောက်ပြန်ထားပါသည်။)