ဒုက္ခတိကို
မျိုချထားကတ်ရဘတ်စီ
သွီးတိအရောင်မပြောင်းသိမ့်ဝေ
ဒေလမ်းကြောင်းအတိုင်းရာလားကတ်မေ
လွတ်လပ်ခြင်းပလ္လင်ထက်မှာ
ရာစုပန်းခင်းပွင့်နိန်ရေ …..။
နှစ်ကာလနန့် ပြက္ခတိန်
ရင့်လို့ ကြွီကျလားဘတ်စီ
သွီးတိအရောင်မပြောင်းသိမ့်ဝေ
ဒေမြစ်ကြောင်းအတိုင်းရာစီးကတ်မေ
မျှော်လင့်ခြင်းကမ်းစပ်မှာ
အနာဂတ်လှိုင်းတိ ထနိန်ရေ…..။
ရီဝီးမြီခြား
ကမ္ဘာ့ရွာအဖျားကို ရောက်ဘတ်စီ
သွီးတိအရောင်မပြောင်းသိမ့်ဝေ
ဒေအာဂါအတိုင်းရာ ပျံကတ်မေ
လခြမ်းရပ်ဝန်းမှာ
ရက္ခကြယ်တိလင်းပနာ
မျိုးဆက်သိက္ခာ
စာမျက်နှာသစ်
ထုဆစ်ကမ္ပည်းထိုးကတ်မေ …..။
သားထွီးချေ
(အနာဂတ်လှိုင်းဘလော့မှ)
Subscribe to:
Post Comments (Atom)
Posts
0 မှတ်ချက်:
Post a Comment