ဝံလက်ဖြူ



သာမန်နိုင်ငံပြောင်းအလုပ်သမားချေဘ၀က ကမ္ဘာ့နံပါတ် ၉၉ ယောက်မြောက်အချမ်းသာဆုံးသန်းကြွယ် သူဌေးဖြစ်လာ ဖို့  လို့  တယောက်လေ့ ကြိုတင်
ခန့် မှန်းဟောကိန်းထုတ်ခ၀ံ့ဖို့ မဟုတ်။ယကေလေ့ မဖြစ်နိုင်ခြင်းကိုပြောင်းပြန်လှန်ပနာ ဖြစ်အောင်လုပ်တတ်တေ လူတိလေ့ အသက်ရှင်နိန်ထိုင်နိန်ကတ်တေ ဒေကမ္ဘာ့မြီပြင်ထက်မှာ မဖြစ်လို့ တ ထစ်ချ ယုံကြည်နိန်ကတ်တေ တခြားလူတိ၏အမြင်ကို အံ့သြဖို့ ကောင်းလောက်အောင် ပြောင်းပစ်နိုင်ခရေ လူတစ်ယောက် ကတော့ကေ အထက်ကပြောခရေ အယင်ကသာမန်အလုပ်သမားချေ အဂုလူအများက လေးစားတန်ဖိုးထားနိန်ရရေ ကမ္ဘာကျော် သူဌေးကြီး ဂျော့ရ်ှဆိုးရော့စ် (George Soros) ဆိုရေ ပုဂ္ဂိုလ်ကြီးပင် ဖြစ်ပါရေ။

မြန်မာနိုင်ငံပြင်ပမှာ နိုင်ငံရေး၊ လူမှုရေး၊ ပညာရေး၊ကျန်းမာရေး၊ မီဒီယာ အစဟိရေနယ်ပယ်တိမှာ အလုပ်လုပ်နိန် ကတ်တေ မြန်မာပြည်ကလူမျိုးပေါင်းစုံရေ ဂျော့ရ်ှဆိုးရော့စ်ကို မသိရေလူ ကကောင်းယှားရေလို့ ပြောရဖို့  ထင်ပါရေ။ ဆိုးရော့စ် တည်ထောင်ထားရေ ပွင့်လင်းလူ့ ဘောင်
အဖွဲ့ အစည်းကြီး (Open Society Institute) က အထောက် အပံ့တိနန့်  အသက်ဆက်ရပ်တည်နိန်ကတ်ရရေ နိုင်ငံရေး ပါတီအသင်းအဖွဲ့ တိ အများကြီးဟိရေပိုင် ဘွဲ့  လွန်ပညာ ရပ်တိကို နိုင်ငံရပ်ခြားမှာ ဆိုးရော့စ်ပီးရေဖဲသာနန့်  စာသင်နိန်ကတ်တေ မြန်မာပြည်က ကျောင်းသားကျောင်းသူတိလေ့ အများကြီးလို့  ပြောကတ်ရပါဖို့ ။ ဆိုးရော့စ်၏ကျေးဇူးက မြန်မာနိုင်ငံသားတိပါးမှာ ဆပ်လို့ မကုန်နိုင် အောင် တင်နိန် ရေလို့ ပြောကေ လွန်လီဖို့  မထင်ပါ။ဆိုးရော့စ်ထောက်ပံ့ပီးခရေ အဖွဲ့ အစည်းတိစာရင်းကို ဒေလင့်ခ်ကို နှိပ်ပနာ ရှာကြည့်နိုင်ပါရေ။

ဂျော့ရ်ှဆိုးရော့စ်ကို ဥရောပတိုက်အလယ်ပိုင်းမှာတည်ဟိရေ ဟန်ဂေရီနိုင်ငံ၏မြို့ တော် ဘူဒါပပ်စ်မှာ ၁၉၃၀ သြဂုတ်လ ၁၂ ရက်နိန့် မှာ မွီးဖွားခပါရေ။ ၁၉၄၄ ခုနှစ်မှာ ဟန်ဂေရီနိုင်ငံကို နာဇီတိဝင်သိမ်းပြီးရေနောက်ပိုင်း ၁၉၄၇ ခုနှစ်မှာ ဂျော့ရ်ှဆိုးရော့စ်ရေ အင်္ဂလန်နိုင်ငံကို ပြောင်းလာပြီးကေ ၁၉၅၂ ခုနှစ်မှာ လန်ဒန်စီးပွါးရေးကျောင်းက ဘွဲ့ ရခပါရေ။ ရထားသံလမ်းစောင့်၊ စားသောက်ဆိုင်စားပွဲထိုး စရေ အလုပ်ကြမ်းတိလုပ်ပနာ ကျောင်းတက်စရိတ်တိကို ကိုယ့်လုပ် အားနန့်  ကိုယ်ရုန်းကန်ရှာဖွေလို့  စာသင်ခရရေ။ ၁၉၅၆ ခုနှစ်မှာ အမေရိကန် နိုင်ငံနယူးယောခ်မြို့ ကို ပြောင်း လာပြီးကေ ငွေကြေးအရောင်းအ၀ယ်
လုပ်ငန်းနန့် အစုရှာယ်ကဇတ်စွာတိကို လုပ်ပနာ ချမ်းသာကြွယ်ဝလာရေ။ အဂုအချိန်မှာ ဂျော့ရ်ှဆိုးရော့စ်ရေ ကမ္ဘာကျော်သူဌေးတယောက်ဖြစ်တေပိုင် ဒီမိုကရေစီပြုပြင် ပြောင်းလဲဖြစ်ထွန်းမှု တိကို အားပီးကူညီနိန်ရေ နိုင်ငံရေးလှုပ်ယှားသူတယောက်လေ့ဖြစ်ပါရေ။ သူ၏အောင်မြင်မှုနန့်  ပတ်သက်လို့  သူပြောရေ စကားက “ ငါမှားစွာကို ငါသိလို့ ရာ ငါချမ်းသာရေ” ဆိုရေ စကားပင် ဖြစ်ပါရေ။ ကိုယ့်အမှားကို ကိုယ့် အသိအမှတ်ပြုဆင်ခြင်နိုင်ခြင်းက အောင်မြင်ရေ လူတယောက်ဖြစ်လာအောင် လမ်းညွှန်ပြပီးခရေ လို့  ပြောကတ်ရဖို့  ထင်ပါရေ။

လူတယောက်၏အပြင်ပန်းလက္ခဏာအင်္ဂါရပ်ကို အလွယ်တကူ ကြည့်မြင်တွီ့ နိုင်ကေလေ့ အတွင်းအနှစ်သားကို မြင်ဖို့  ခက်ခဲရေ။ ယင်းပိုင်ဗျာလ် အနာဂတ်မှာ လူတယောက်ဇာဖြစ်လာ
ဖို့ လဲဆိုစွာ ကြိုတင်ဟောကိန်းထုတ်ခန့် မှန်းဖို့ က မဖြစ်နိုင်ပါ။ယကေလေ့မိမိ၏အားနည်းချက်အားသာချက်တိကို ရက်ပြတ်ဆင်ခြင်သတိပြုဗျာလ် အောင်မြင်ခြင်းအတွက် လိုအပ်တေ ကိုယ်စွမ်းကိုယ်စကို ဖြည့်ဆည်းနိုင်ကေ လူတော်တယောက်ဖြစ်လာ
ဖို့ စွာက ကျိန်းသီနိန်ပါရေ။

အားလုံးသိကတ်တေအတိုင်း ဒေနိန့် ကာလမှာ အကြောင်းအမျိုးမျိုးနန့် အဖရခိုင်ပြည်ကို စွန့် ခွါဗျာလ် နိုင်ငံရပ်ခြားမှာ ရောက်ဟိနိန်ကတ်တေ ရခိုင်သူရခိုင်သားတိက အများကြီး။ ဒေအထဲမှာ အထက်ပြောခရေ ဂျော့ရ်ှဆိုးရော့စ်ပိုင် အနာဂတ်မှာတောက်ပလာဖို့  ရခိုင့်ကြယ်တိမပါလို့ မပြောနိုင်ပါ။ အောင်မြင်မှုစင်မြင့်ကိုတက်လှမ်းဖို့  အသိပညာဆိုရေ အဓိကခြီလှမ်းကို အားဖြည့်လျှောက်လားနိုင်ကေကမ္ဘာ့အာကာပြင်ထက်မှာ အမြင့်ဆုံးကို ဇကုန်ပျံနိန်ရေ၀ံလက်ငှက်တိကို
တွီ့ မြင်လာကတ်ရဖို့ စွာက သေချာနိန်ပါရေ။ ။ ။

အနာဂတ်လှိုင်းဘလော့မှ