ငါ့ဖက်က ခြီလှမ်းတိက
ရှေ့ဆက်ဖို့ကြိုးစားခပါသိမ့်ရေ...
သူ မဟိရေ အ၀ီးတနီရာကို ထွက်လားဖို့
ငါ့မှာ ခွန်အားမဟိခလို့လေ..။

သူ ကမ်းလင့်ပီးဖို့ လက်တစ်စုံကို မျော်ယင်း
အနာဂတ်ကို သူနန့်အတူတူလျောက်လှမ်းချင်ရေ
နာကျင်မှုဟိကေလည်း သူ့နားမှာရာ
ငါက ထာဝရနီချင်ခရေလူပါ..။

ဒုက္ခအခက်အခဲတိဟိကေတောင်
သုခအဖြစ်ရာ ငါယူဆပြီကေ
သူ့နားမှာ ငါဟိချင်ခရေလူပါ။

ရက် လ နှစ်တိ ပြောင်းလားကေတောင်
သူသာ အရောက်လှမ်းလာလတ်ပါ
မျော်လင့်စောင့်စားခြင်းတိကို ငါမမှုချင်ပါ..။

ငါ့နှလုံးသားမှာ တည်မြဲနီရေ နိရာတခုကို
သူ့အတွက် ငါချန်ထားပြီးသားပါ..။

အချစ်ကံခေလို့ အချစ်ကံနည်းခကေတောင်
သူ့ကြောင့် အချစ်ဆိုစာကို သိခွင့်ရခလို့
ငါ့ကို ငါကြေနပ်ပါရေ..။

သူ့ဘားက တုံပြန်မှုတခုခုကို
မရနိူင်မှန်း သိကေလည်း
ငါ တမ်းတမ်းတ မျော်ကိုးယင်း
လှည့်မကြည့်တမ်း ထွက်လားခရေ
သူ့ကိုရာ
မချိမဲ့ချိမဲ့ အားတိနန့် အားတင်းပြုံးပြယင်း
နာကြင်စွာ ငါခံစားရပါရေ..။


(ကျောက်ဖြူသူချေဘလော့မှ)