အကျွန်ရန်ကုန်မှာနီခခါ အကျွန်ကိုယ်တိုင် ရယ်လို့မဆုံးဖြစ်ခရရေ ဟာသချေတိပါ။ ယင်းခါက အကျွန့်အိမ်မှာ တလစာမီတာကြေးစာရွက်တရွက် ဖေးသာမသွင်းရသိမ့်ဘဲ (ရပ်ကွက်ထဲမှာ လည်လို့ကောက်တေ ၀န်ဆောင်မှုကားနန့်လည်း လွဲလားပြီးကေ) ငွေနောက်ဆုံးသွင်းရဖို့ရက်နန့်ကပ်နီလို့ မီတာယုံးကိုကိုယ်တိုင်လားသွင်းရဖို့ အနီအထားဖြစ်နီပါရေ။ အကျွန်ကလည်း အလုပ်လားရလို့ မီတာယုံးဖွင့်ရေအချိန်နန့် မကိုက်ဖြစ်နီပါရေ။ ယင်းခါ အကျွန့်အိမ်ကနှမလည်း ရန်ကုန်ကိုအလည်လာဆိုက်ပါ။ နောက်ဆုံးသူ့ကိုရာ မီတာယုံးကိုလားသွင်းခိုင်းဖို့အကြံရလို့ သူ့ကိုခိုင်းလိုက်ပါရေ။ မီတာယုံးက အိမ်နန့်ဆိုကေမ၀ီးပါ။ ယေကေလည်း အကျွန်က သူ မလားတတ်ဘဲဖြစ်နီလတ်မည်လို့ ဆိုက်ကားနန့်လားလီ၊ မီတာယုံးကိုပို့လို့ပြောဆိုပြီးကေ ခိုင်းပစ်ခပါရေ။ သူလည်း ယင်းနိ နိခြင်းလောက်ရောက်ခါ အရာဝမ်းကွဲနှမတယောက်ကိုအဖော်ခေါ်လို့ ဆိုက်ကားတစီးကိုခေါ်ပျာလ် မီတာယုံးကိုလားကတ်ပါရေလတ်။ ဆိုက်ကားနန့်လားလိုို့ လမ်းတ၀က်ရောက်တေခါ စိုးရိမ်ပြီးကေ ဆိုက်ကားသမားကို ထပ်ပြောပါရေလတ်။ “မီတာယုံးကိုတယောက် (တရောက်) ပို့နော်” လို့။ ယေကေ ဆိုက်ကားသမားကပြန်မီးပါရေလတ် “ဒါဆိုရင် နောက်တစ်ယောက်ကို ဘယ်ပို့ပေးရမလဲ” လို့။



ကြာတော့ကြာပါပျာယ်။ အကျွန့်အမိရန်ကုန်ကို လည်ဖို့ရောက်တေခါ ဈီးပြုဖို့လားပါရေ။ ဈီးထဲရောက်ခါ ငါးသည်မမှာ ငါးသဒိုက်တကောင်မြင်လို့ ဇာလောက်လဲမီးလိုက်ပါရေ။ ငါးသည်မက (၃၀၀) လို့ပြောပါရေလတ်။ ယေကေ အမိကလည်း “အူး….ယေကေ ကောင်းကောင်းတန်ရေ။ ရခိုင်မှာတောင် အေလောက်အကောင်ဆိုကေ (၅၀၀) လောက်အနည်းဆုံးကျဖို့လို့စိုင်းစားပျာယ် ယင်းငါးကိုဝယ်ဖို့ပြောလိုက်စွာနန့် ငါးသည်မစွာ ငါးကို ဇတ်ခနှန်းယူပနာ ချိန်ခွင်မှာ ဘင်းခနှန်းထည့်လိုက်ပြီးကေ ချိန်ခွင်ကလျှာပြန်မလာအောင် လက်ခလည်နန့်ထိုးလို့ အလီးတိထည့်ပစ်လိုက်စွာ မေမေလည်း သူရို့ပါးစကိုကြောက်လို့ တခွန်းလည်းပြန်မပြောဝံ့ခဘဲ ၀ယ်လို့အိမ်ကိုပြန်ပါလတ်တေခါ ဈီးခရင်းမှာ ငါးတကောင်တည်း တခုလည်း ထပ်ဝယ်ဖို့မရခပျာယ်။ ဖေးသာကုန်လာခလို့။

အမိမီးစွာက ယင်းငါးတကောင်ကို ဇာလောက်လဲလို့။ ဈီးသည်မပြောစွာက တဆယ်သားကို ၃၀၀။ (ရခိုင်မှာက ငါးအကောင်တစိချေကြီးကေ တကောင်ချင်းစီဈီးနှုန်းသတ်မှတ်တေ။ ငါးငယ်ကေ တစုစီစုပနာ တစုကို မည်သည်လောက်ဆိုပြီးကေ ရောင်းပါရေ။)

(စောသဇင်ခိုင်)
-------------

(ရက္ခိတရို့ ဆုံရပ်မြီဘလော့မှ)