ဒေတခေါက် မျက်မှောက်ရေးရာ ဆွေးနွေးခန်းမှာ ဦးကျော်ဇံသာ က သမိုင်းသုတေသီ ပညာသျှင်များဖြစ်ဂတ်တေ နယူးယောက်တက္ကသိုလ်က ဒေါက်တာအေးကျော် နန့် Dr. Lian H
Sakhong ရို့ကို ပြည်ထောင်စုမြန်မာနိုင်ငံသမိုင်း သမိုင်းမှန်သင်ကြားရေးဆိုင်ရာများကို
ဆွေးနွေးသုံးသပ်တင်ပြထားပါရေ။


ဦးကျော်ဇံသာ ။ ။ ပထမဦးဆုံး ဒေါက်တာအေးကျော်ကို မီးချင်ပါရေ။ မြန်မာနိုင်ငံမှာ သင်ကြားပီးနီရေ ပြည်ထောင်စုမြန်မာနိုင်ငံသမိုင်းဆိုစွာကို ဘဝင်ကျပါလား။ ဆရာသင်ကြားပီးခစွာ။၊ သူများကို
ပို့ချပီးခစွာ ဆရာကိုယ်တိုင် ကျောင်းသားအဖြစ် သင်ခရစွာတိနန့် ပတ်သက်လို့။

ဒေါက်တာအေးကျော် ။ ။ အကျနော်အနီနန့် ကျောင်းသားဘဝအနီနန့်၊ ဆရာဘဝအနီနန့်၊ သုတေသီပညာသျှင်ဘဝအနီနန့်၊ အားလုံးကို တွက်ကြည့်ရေအခါမှာ အဂုလက်ဟိပြည်ထောင်စုမြန်မာနိုင်ငံသမိုင်းဆိုစွာ အတုအယောင် ပြည်ထောင်စုသမိုင်းရာဖြစ်တရေ။ အစစ်အမှန် ပြည်ထောင်စုမဖြစ်ပါ။ ယပိုင်ဆိုကေ အမှန် ပြည်ထောင်စုကို လိုလိုလားလား ဖြစ်မယ်ဆိုလို့ဟိကေ အကျနော်ရိုး တိုင်းရင်းသားသမိုင်းကိုလည်း ထည့်သွင်း ဖော်ပြရဖို့။ အဂု ဇာဖြစ်နေလဲဆိုကေ
အကျနော်ရိုးပြည်ထောင်စုမြန်မာနိုင်ငံသမိုင်းစွာ အင်္ဂလိပ်ခေတ်တုန်းက George ဘုရင် သက်တမ်းရှည်ဖို့အတွက် George ဘုရင်ကို လေးစားပူဇော်ရရေပိုင် တခါလာကေလေ့ အနော်ရထားမင်း၊ တခါလာကေလေ ကျန်းစစ်သား၊ နောက်တခါလာကေလေ အလောင်းဘုရား၊ နောက်တတခါလာကေလေ့
ဘုရင်နောင် ဆိုကေ အကျနော်နိုင်ငံမှာ အရေးကြီးရေ ဥပမာ ရခိုင်သမိုင်းမှာ အရေးကြီးရေ မင်းဘာကြီးအကြောင်းကို တစိလေ့မပါ။ လုံးဝမပါဘူး။ ဒေပိုင်ဖြစ်နီလို့ စစ်မှန်ရေ ပြည်ထောင်စုသမိုင်းမဟုတ်ပါ။ အဓိကပြောရကေ ဒေသမိုင်းက ဗမာသမိုင်းသာ ဖြစ်ရေ။ တိုင်းရင်းသားအားလုံးနန့် ပါဝင်ပတ်သက်နီရေ သမိုင်းမဟုတ်ပါ။

ဦးကျော်ဇံသာ ။ ။ ဆရာကို နောက်တခွန်းလောက် ထပ်မီးချင်ပါရေ။ အနော်ရထား အလောင်းဘုရားရို့ကို သူရို့က ပြည်ထောင်စု မြန်မာနိုင်ငံပေါ်ထွန်းအောင် unified လုပ်ခရေ unifier တိ။
ပြည်ထောင်စုကြီးဖြစ်လာဖို့အတွက် မူလဘုတ စည်းရုံးပီးခသူတိလို့ မြန်မာသမိုင်းပညာရှင်တိက သုံးသပ်ပါရေ။ ဒေစွာကို လက်ခံလို့ မဖြစ်ယပိုင်ပါလား။


ဒေါက်တာအေးကျော် ။ ။ ယင်းစွာကို unified လုပ်ရေလို့ ပြောကေလေ့ တပိုင်းက unifier လုပ်စွာက တရားသဖြင့် unified လုပ်ရေ လုပ်နည်းလုပ်ဟန် မဟုတ်။ ဥပမာ အကြောင်းမရှိ အကြောင်းရှာပြီးကေ ထိုင်းနိုင်ငံကို လားတိုက်စွာ။ အကြောင်းမရှိ အကြောင်းရှာပြီးကေ ကျနော်ရို့ရခိုင်ကို လာတိုက်စွာ။
တိုက်ရုံတင်မက ရခိုင်မှာဟိရေ မြောက်ဦးမှာဟိရေ နန်းတော်ကိုလည်း မီးတိုက်ရေ။ ဘုန်းကြီးတိကိုလည်း လူဝတ်လဲစီရေ၊ ရှိသမျှ ပစ္စည်းပစ္စယအားလုံးကို ဟူလားရေ။ နောက်တခုက ရခိုင်သမိုင်းဆိုစွာကို
သင်ခွင့်လုံးဝ မရှိ။ နောက်တခါ ရခိုင်စာလည်း လုံးဝ ပျောက်ကွယ်လားပိုင် ဖြစ်နီရေ။ ယပိုင်ဆိုကေ ဒေနည်းနန့်ဲ့ ကြီးပွားအောင် လုပ်တဲ့ဘုရင်စံနစ်စွာ တိုင်းရင်းသားပြည်ထောင်စု စံနစ်ကို အထောက်အပံ့ပြုရေ စံနစ် လုံးဝမဟုတ်ပါ။



ဦးကျော်ဇံသာ ။ ။ Dr. Lian H Sakhong အနီနန့်လည်း ဆရာကြီးဒေါက်တာအေးကျော် ပိုင် ရန်ကုန်တက္ကသိုလ် သမိုင်းဌာနကနီသမိုင်းဘာသာကို စတင်လေ့လာခရေလူတယောက်ဖြစ်ပါရေ။ ဆရာအနီနန့် ဇာပိုင်မြင်ပါလဲ ဆရာ ယင်းမှာ ဖြတ်သန်းသင်ကြားခရရေ သမိုင်းကျောင်းသာ တယောက်အနီန့် သမိုင်းသင်ကြားခရစွာ ဘဝင်ကျပါလား။ ဇာပိုင်ပြန်ပြောင်း သုံးသပ်လိုပါသလဲ။ နိုင်ငံတကာ တက္ကသိုလ်တိမှာ ပါရဂူဘွဲ့တိ ယူပြီးပြီဆိုတော့ ဇာပိုင်မြင်ပါသလဲ။

Dr. Lian H Sakhong ။ ။ ဟုတ်ပါရေ ကွှန်တော်ရို့သင်ကြားရရေသမိုင်းမှာ သမိုင်းက အခုန ဒေါက်တာအေးကျော် ပြောပိုင် ပြည်ထောင်စုစံနစ်ကို ဦးတည်ပြီး ရေးသားပြုစုရေ သမိုင်းမဟုတ်ပါ။ သင်ရိုးညွှန်တမ်းမှာ သင်ရေသမိုင်းဘာသာရပ်ကို သမိုင်းသုတေသီတိကို သုတေသနပြုခွင့်ပီးရေ အတိုင်းအတာကို အားလုံးပေါင်းပြီး ကြည့်လိုက်ကေ အမျိုးသားနိုင်ငံကို ထူထောင်ဖို့၊ ဗမာအမျိုးသားအင်ပါယာကို ထူထောင်ဖို့ ဦးတည်ရေသမိုင်းတိဖြစ်ရေဆိုစွာကို ကျနော်ရို့ သေချာတွက်လို့
ရပါရေ။ ဇာဖြစ်လို့လဲဆိုကေ သူရို့က သမိုင်းကို ဦးတည်ပြီး ရီးသားနီရေနီရာမှာ (ဗမာ)အမျိုးသား နိုင်ငံတော်ကို  ဦးတည်ရေ။ ယင်းအတွက် သူရို့က ဇာပိုင် ဦးတည်အခြီခံပြီး ရီးလဲဆိုကေ သမိုင်းရီးရေ အလုပ်၊် သမိုင်းကို သင်ကြားရေအလုပ်ကို national building process နန့် ဒွန်းတွဲပြီးကေ သင်ကြားပို့ချနီစွာကို တွိရပါရေ။ national building ဆိုရေနီရာမှာ သူရို့အနီနန့် ဇာပိုင်မြင်လဲဆိုကေ ယင်း nation အမျိုးသားနိုင်ငံနီရာမှာ လူမျိုးတမျိုးရာ ဟိရဖို့။ ဘာသာစကားတခုရာပြောရဖို့။ ကိုးကွယ်ယုံကြည်မှု
ဘာသာမှာလည်း သာသနာတခုကိုရာ ကိုးကွယ်ရဖို့။ တတိုင်းပြည်လုံးမှာရှိရေလူတိ ဒေစွာကိုလုပ်ရမယ်လို့။ ယင်း အမျိုးသားနိုင်ငံ ထူးထောင်ရေးလမ်းစဉ် nation building ပေါ်မှာ ဦးတည်ပြီး လာနီရေခါ သူရို့ဗမာမင်းတိ ဘုရင်နောင်၊ အလောင်းဘုရား စသည်အားဖြင့် ကျနော်ရို့ တိုင်းရင်းသားတိကို
တိုက်ခိုက်ချေမှုန်းရေ ရှင်ဘုရင်တိကို ချီးမွမ်းတဲ့အပြင် ကျနော်ရိုး တိုင်းရင်းသာတိ အခန်းကဏ္ဍကို တန်တူရည်တူ ဖော်ပြခွင့်မပီးဆိုစွာကိုတိါရပါရေ။ ဒုတိယအနီနန့်။ ဆက်ပြီးကေ ပြောချင်စွာက ကျနော်ရို့ပြည်ထောင်စုသမိုင်းဆိုစွာ ပင်လုံမှာ စပြီး ဖြစ်ပါရေ။ ပင်လုံ မစခင်တုန်းက ကျနော်ရို့ချင်း၊ ကချင်။ ရှမ်းစရေ တိုင်းရင်းသားစွာ အခုန ဆရာရို့ပြောနီရေ။ ပုဂံခေတ်ကနေ ကုန်ဘောင်ခေတ် သီပေါမင်း ပါတော်မှုချိန်အထိ ယင်းသမိုင်းတိက ကျနော်တို့ တိုင်းရင်းသားတိနန့်တခုလေ့ မဆိုင်ပါ။။ ကျနော်ရို့ သမိုင်းမဟုတ်ပါ။ ပြည်ထောင်စုသမိုင်းကို ဦးတည်ချင်ရေဆိုကေ ဗမာသမိုင်း ကို သင်ကြားရဖို့ဖြစ်တေပိုင်၊ ရခိုင်သမိုင်းကိုလည်း သင်ကြားရဖို့။ ချင်းသမိုင်း၊ ကချင်သမိုင်း၊ ရှမ်းသမိုင်းတိကိုလည်း ရေးသား သင်ကြားခွင့်ပီးရဖို့ ။ သုတေသန ပြုခွင့်လည်းပီးရဖို့။ စာအုပ်စာပီထုတ်ဝီခွင့်လည်းပီးရဖို့လို့ပြောချင်ရေ။ ။

ဦးကျော်ဇံသာ ။ ။ Dr. Lian H Sakhong ပြောရေအထဲမှာ ဗမာအမျိုးသားနိုင်ငံတော် တည်ထောင်ချင်ရေ ရည်ရွယ်ချက်နန့် သင်ရေဆိုကေ ဒါ သမိုင်းကို တနည်းအားဖြင့် ပညာသင်ကြားရေး academic ကို political
agendaနဲံသင်ရေ ပညာရေး လွတ်လပ်ခွင့် ရှိလား။ ပညာရေး လွတ်လပ်ခွင့် မရှိဘဲ indoctrination များ ဖြစ်နီရေမလား။ ဆိုဗီယက်ရိုိ့ဘာရို့မှာလို လုပ်ခရေ ကွန်မြူနစ် ပညာရေးတိပိုင် indoctrinated လုပ်စွာ။ လူငယ်တိကို ဘောင်သွင်း လုပ်ချင်ရေ ပညာရေးများ ဖြစ်နီရေမလား။ ဆရာဦးအေးကျော် ဒေစွာနန့်ပတ်သက်ပြီး ကျနော်တို့ထက်ကြီးတဲ့ နီရာကနီခရေ ပုဂ္ဂ္ဂိုလ်ဆိုတော့ ဇာပိုင်သဘောရပါသလဲ။

ဒေါက်တာအေးကျော် ။ ။ အခုန ဆရာကျော်ဇံသာ ပြောရေပိုင် ဒေကိုလိုနီခေတ် အဓွန်ရှည်အောင် လုပ်ရေအခါမှာ imperial empire ဆိုရေ ဘုရင်စံနစ် ဗြိတိသျှအစိုးရတိ သင်တန်း ခိုင်မာဖို့အတွက် လုပ်နည်းပါ။ ။ယပိုင်ဆိုကေ ယင်း ဘုရင်တွေအကြောင်းကို ဗမာပြည်ကို ဘယ်လို သိမ်းပိုက်တယ်ဆိုတဲ့
အကြောင်းကို သူက empire ကြီး တည်ထောင်ရေစနစ်အနီနန့်ကြည့်စွာ။ ယပိုင်ဆိုကေ အခုကလည်း အနော်ရထားမင်းစွာ unified လုပ်ရေ။ အလောင်းဘုရားကို unified လုပ်ရေလို့ ပြောနီစွာ ယင်း အင်ပါယာကြီး ကြီးအောင်လုပ်နီရေ သဘောနန့် အတူတူရာဖြစ်ပါရေ။ ။ ယပိုင်ဆိုကေ ပြည်ထောင်စုဆိုရေ။ အနစ်သာရ လုံးဝပါစာ မတွိရ။

ဦးကျော်ဇံသာ ။ ။ ဆိုကေသူရို့ကတော ဇာပိုင်တွက်သလဲဆိုကေတိုင်းရင်းသားတိက သူ့ယဉ်ကျေးမှုကို သူသိလာကေ။ သူရို့ယဉ်ကျေးမှုအတိုင်း သူတို့သမိုင်း သင်ကြားလာကေ သူရို့လူမျိုးရေးစိတ်တွိ ပိုဝင်လာဖို့။
ယင်းအခါမှာ တိုင်းရင်းသား စည်းလုံးညီညွတ်ရေးကို ပိုထိခိုက်လိမ့်မယ်လို့ အာဏာပိုင်တိဘက်က တွက်ကောင်းတွက်မယ်။ ယင်းပိုင်မျိုးကော မဖြစ်နိုင်ပါလား။


ဒေါက်တာအေးကျော် ။ ။ ယင်းအယူအဆစွာ ဗြိတိသျှလက်ထက်တုန်းက ဗြိတိသျှအင်ပါယာကြီးအတွက် တွက်ထားရေအယူအဆနန့် အတူတူပဲ။ တခုလေ့မခြားး။ ကျနော်ရို့ George ဘုရင်အကြောင်းကို တေးခြင်းဆိုရရေ။၊ George ဘုရင်အကြောင်းကို ထောပနာပြုရရေ။ အခုလည်း ဇာထူးလဲ - အနော်ရထားမင်းကို ကျောင်းတက်ကေ ဆိုရရေ။ ကျန်းစစ်သားမင်းကိုလည်း ဆိုရရေ။ အယူဆတခုလေ့မထူး။ အမှန်မာ ပြည်ထောင်စုမြန်မာနိုင်ငံ သမိုင်းကို ပြည်ထောင်စု မြန်မာနိုင်ငံရဲ့  အနှစ်သာရကို ဖော်ဆောင်မယ်ဆိုကေ ရခိုင်သမိုင်းကို သင်ပီးရဖို့်၊ ရခိုင်စာကို သင်ပီးရဖို့်။ ကရင်သမိုင်းကို
သင်ပီးရဖို့် ကရင်စာကို သင်ပီးရဖို့်။ ချင်းစာကို သင်ပီးရဖို့်။ ချင်းသမိုင်းကို သင်ပီးရဖို့်။ ယပိုင်မှာ့ တယောက်နန့် တယောက် နားလည်းမှုရဖို့်။ အခုဟာက တလမ်းမောင်း စံနစ်ဖြစ်နီလို့ ဗမာကိုရာ ငါရို့က နားလည်း၊ ဗမာက တခြားလူတိကို နားလည်းစရာမလိုလို့ ထင်နီစွာ ကျနော်တို့မြန်မာနိုင်ငံမှာ
နှစ်ပေါင်းတော်တော်ကြာပြီ။ ယင်းကြောင့် ဗမာပြည်ဟာ မအီးချမ်းစွာ၊ မတည်ငြိမ်စွာ၊ မတိုးတက်စွာ။


ဦးကျော်ဇံသာ ။ ။ ဆိုကေ Dr. Lian H Sakhong က ဇာပိုင်သဘောရပါသလဲ။ တိုင်းရင်းသားတွေဟာ သူ့ကိုယ်ပိုင် ယဉ်ကျေးမှု၊ သူ့စာပေကို ဒေါက်တာအေးကျော် ပြောသလို လွတ်လွတ်လပ်လပ် သင်ကြားရဖို့ဆိုကေ။ တိုင်းရင်းသား အစွဲအလန်းတွေ ပိုပြီး ပြင်းထန်လာလိမ့်မယ်လို့ အာဏာပိုင်တိက
တွက်ကောင်းတွက်ပါလိမ့်မယ်။ ယင်း တွက်ချက်မှုကို Dr. Lian H Sakhong ဇာပိုင်ပြောချင်ပါလဲ။


Dr. Lian H Sakhong ။ ။ယင်းပိုင်တွက်စွာကိုက မှားနီဗျာလ်။ အသံဖိုင်နန့် အပြည့်စုံကို ဆက်ဖတ်လီ


------------------------

AMP ကအသျှင်၏တင်ပြချက်ကိုကူးယူဖော်ပြအပ်ပါရေ။