လူမျိုးစုအသီးသီးအတွက် စာပီသည် အသက်ဟုဆို လျှင် လွန်လီဖို့မထင်ပါ။ စာပီကြောင့် လူ မျိုးတိ၏ ဂုဏ်သည် မြင့်တက်ကြတ်ရပါသည်။ ရခိုင် အမျိုးသားအတွက် လုပ်နိန် သူရို့သည်ခန့်ခန့်ညားညား ဟိနိန်သောရခိုင်စာပီကိုဘေးဖယ် မထားသင့် ပါ။ ဖော်ထုတ်ရီးသားလားရန် တောင်းဆိုပါသည်။ တစ်ဖက်မှ အပြောအဆို အရီးအသားများ သည် အလုံးအရင်း ဖြင့် လွှမ်းမိုးလျှ က် ဟိပါသည်။ မလေးချား၌ ဟိသောရခိုင်အဖွဲ့ အစည်းရို့သည် ရခိုင်ဝေါဟာရတိကိုယုံးသုံးစာများတွင်အထူး အလီးပီး၍ ဖော်ထုတ်ရီးသားသင့် ပါသည်။ တဖက်နှင့်ဆက် ဆံရသော စာများရီးသားမူ ဟိခလျှင် ၎င်းရို့နားလည် ဇီရန်တဖက်မှလီသံဖြင့် ရီးသားရခြင်း မှအပ ရခိုင်-ရခိုင် အချင်း ချင်းကမ်းသော စာလွှာတိကို ရခိုင်ဝေါဟာရ သတ် သတ်ဖြင့်ရာ ရီးသားပီးဇီချင်ပါသည်။



ရခိုင်အတွက်သီးသန့် အသိပီးရန် ထုတ်ဝီသောစာ စောင်၊ လက်ကမ်းစာစောင်တိတွ င် တဖက်မှ စကားဖြင့် ရီးသား ခြင်းမှာ လုံးဝမသင့်ပါ။ ၀ရဇိန်စာစောင်နှင့် ရခိုင် လွတ်လပ်ရေး စာစောင်တိသာလျှင် ရခိုင်ခြင်းဖြင့် ရီးသား ပါသည်။ ARRC ယုံးတိတွင် ရခိုင် သငယ်ရို့ကို စာသင်ပါသည်။ အင်္ဂလိပ်စာ၊ သချာင်္ နှင့်မြန်မာစာ တိကို သင်ပါသည်။ အင်္ဂလိပ်စာ ကိုသင်ခါ English to Arakan System ကိုအသုံး ပြု ၍ သင်ပါက အကျိုးဖြစ်ထွန်းနိုင်ပါသည်။ သချာင်္တွင် ရခိုင်ဝေါဟာရတိကို ထည့်သွင်း၍ သင်ကြားနိုင်ပါ သည်။ ရခိုင်သငယ်ရို့ကို မြန်စာ သင်ခြင်းသည် လုံးဝ မသင့်သော လုပ်ရပ်ဖြစ်ပါသည်။ ကွန်ပျူတာပညာကို လေ့လာနိန်သော ရခိုင်ချေရို့ ကို ရခိုင်-အင်္ဂလိပ် ဘာသာရပ်ကို ထိုးဖောက်၍ သင်ကြားပီး သင့်ပါသည်။ အိန်တာနတ်ကို ချိတ်ဆက် ၍ အသုံးပြုလာ နိုင်ချိန်တွင် ၎င်းဘာသာရပ်သည် ရခိုင်စာပီ ပင်မအတွက် အထောက်အပံ့တစ်ခုဖြစ်လာရန်မလွဲပါ။ ရခိုင်အင်္ဂလိပ်ဘာ သာရပ်ကိုလူကြီးမင်းရို့ အားမပီး၊မဖော်ထုတ်လျှင် နောက် မှာဂျေး ကျန်ခပါလိမ့်မည်။

ဘုရင့်နောင် အကြောင်းကို သင်ရ၍ယင်းပုဂ္ဂိုလ် ကို အားကျခြင်းမာ သဘာဝသဖောတရား အတိုင်းဟုဆိုနိုင် သော်လည်း ဆုတ်ယုတ်မူပြလက္ခဏာရာ ဖြစ်ပါသည်။ မဟာပညာကျော်၏အ ကြောင်းကိုသင်ရ၍ မဟာပညာကျော်ကို အားကျခြင်း အတုယူခြင်းမှာဂါး တည့်မတ်မှန်ကန်သော သဘာဝမှန်အားကျမူရာဖြစ်ပါ သည်။ အားကျမူလမ်းကြောင်း အမှန်ကို ရော က် အောင် ရခိုင်အဖွဲ့အစည်းတိမှ ဖော်ထုတ်ပီး သင့်ပါသည်။လမ်းကြောင်းအမှန်ထက်သို့ရောက်သူရို့၏နှလုံး သားမှာအားကြီးသောမျိုးချစ်စိတ် မဖြစ်ပဲ နိန်ပါမည်လား။

ရခိုင်ကဗျာတိ၊ စကားထာ(ပန်းဝှက်တိ၊စကားပုံတိ၊ သူရဲကောင်းရာဇ၀င်တိ၊ စိတ်ခွန်အားပီး ရခိုင်စာကောင်း
ပီမွန်တိ အများကြီးဟိပါသည်။ တဖက်မှရင်နာဖို့လုပ်ရပ်တိကို ပြောကြတ်လျှင်မုန်းတီးစိတ် ဖြစ်ရပါသည်။ အမျိုးခြား အရီးအသားတိကို သာလျှင်ဖက်တွယ်ထားကြတ်ပါသည်။ ရက္ခိတဖြစ်သောမိမိရို့သည် သူများစာပီကို စောင့်ယှောက်နိန် ခြင်းမျိုး ကားမဖြစ်သင့်ပါ။ တစ်ဖက်စာပီကို မသင်ရမပြောရဟု ပိတ် ပင်ခြင်းမဟုတ်ပါ။ မိမိစာပီကို တတ်မြောက်ပြီးမှရာ အခြားစာပီကို လေ့လာသင့်ပါသည်။

တဖက်မှ စကားလုံးတိ ကို ရှားလို့ရီးပနာရခိုင်အမျိုး သားညီလာခံလုပ်သည်မှာလည်း မသင့်တော်ပါ။ အပေါ် သို့တက်ပါဟူသော စာတန်းမှာလည်း နှလုံးနာဇီပါသည်။ ရခိုင်သားတိလာသော ရခိုင်ယုံးများတွင် ရခိုင်စာကိုသာရီး ဇီချင်ပါသည်။ အယူသည်းခြင်းဟု မယူဆဘဲ ရက္ခိတ ခြင်းဟုရာ ထင်မှတ်ပီးပါ။

မလေးချားတွင် အသိပညာကြွယ်ဝသောရခိုင်လူငယ်တိများစွာတွိနိန်ရပါသည်။သူရို့တိနန့် ချိတ်ဆက်မိအောင် ကြံဆောင်သင့်ပါသည်။ မလေးချားဟိ ရခိုင်သားအားလုံးသည်လက်တွိဆန်သော မျိုးချစ်စိတ်ကို မွီးသင့်ပါသည်။ တိမ်ကော ကာနိန်သော ရခိုင်ရာဇ၀င် ၊ စာပီနှင့် ယဉ်ကျေးမူတိကို တူးဖော်သန့်စင်ကြတ်ပါဟု တိုက်တွန်း လိုက်ရ ပါသည်။ "ရာဇ၀င်၊ စာပီနှင့်ယဉ်ကျေးမူ ပျောက်လျှင် လူမျိုး ပါပျောက်တတ်သည် ဟုဆိုသော ဦးအောင်သာဦး၏သတိပီးစကားကို မိန့်မထား သင့် ပါ။

-------------
စာပီဂုဏ်ဖြင့် အမျိုးဂုဏ်မြှင့်မည်

(ရခိုင်စာပီထူးချွန်သူတစ်ဦး)



ဝန်ခံချက်။ ။(ရက္ခဝံလက်မဂ္ဂဇိန်း (၁) မှကူးယူဖော်ပြပါသည်။)