“အမှောင်ကိုခွင်း၊ အလင်းကိုဆောင်၊ ရခိုင်အလင်းရောင်။” စာပီမြင့်မှ လူမျိုးမြင့်ရေ။ စာပီပျောက်ကေ လူမျိုးပျေက်တေ။ ရခိုင်လူမျိုးလွတ်လပ်ချင်ကေ ရခိုင်စာကို အယင်သင်ကတ်။
ကျွန်တော်ရို့၏ “အမှောင်ကိုခွင်း၊ အလင်းကိုဆောင်၊ ရခိုင်အလင်းရောင်”ဘလော့သည် အိန်တာနက်ထက်မှာ တက်လာသမျှ ရခိုင်ဘာသာနန့် ဆောင်းပါး၊ကဗျာ စသည်တိကို ရှာဖွီတင်ဆက်ဖို့အတွက် စမ်းသပ်ပြုလုပ်နိန်ပါသည်။ လိုအပ်ချက်တိဟိပါက c'box မှာအမှာစာရေးထားခကတ်ပါ။ အတတ်နိုင်ဆုံး အကောင်းဆုံးဖြစ်အောင် ကြိုးစားနိန်ပါသည်။ ဆက်သွယ်ချင်ပါက alrevelation@gmail.com ကိုဆက်သွယ်နိုင်ပါရေ။

“ကမ္ဘာ့ငွေကြေးအကျပ်အတည်းနန့်  နောက်ပြန်လှည့်စီးပွါးရေးအမြင်”

သူရိယ၀ံလက်


(ဓါတ်ပုံထဲမှာ အနီနန့် ပန်းနုရောင်ရေ ငွေကြေးအကျပ်အတည်းနန့် စီးပွါးရေးထိုင်းမှိုင်းရေပြဿနာကို ရင်ဆိုင်ကြုံတွီ့ နိန်ကတ်ရရေ တိုင်းပြည်တိဖြစ်ပါရေ။)


ကမ္ဘာ့နတ်ဆိုးကြီးလို့  တင်စားခေါ်ဝေါ်နိုင်ရေ ငွေကြေးအကျပ်အတည်းက အမေရိကန်နိုင်ငံမှာ ဗဟိုပြုသောင်းကျန်းပြီးကေ ကျန်ရေကမ္ဘာ့နိုင်ငံတိကိုပါ ကူးစက်ပျံ့ နှံ့ လားနိန်ရေ။ ဒေ ငွေကြေးအကျပ်အတည်းမုန်တိုင်းကြီး တိုက်ခြင်းကို ခံလိုက်ရရေ ဘဏ်လုပ်ငန်းကြီးတိနန့်  စီးပွါးရေးအဆောက်အအုံတိကလေ့ ဒုနန့် ဒေး ထိန်းမနိုင်သိမ်းမရ ယိုင်လဲပြိုကျလားခရရေ။ အမေရိကန်အိမ်ယာမြီရောင်းဝယ်ရေးဈီးကွက်က မြစ်ဖျားခံပနာ ဖြစ်လာရရေ ဒေအကျပ်အတည်းကို အစခါ ယင်းလောက်ပြင်းထန်လာလီခဖို့ လို့  ထင်မထားခကတ်။ အဂုဆိုကေ ကမ္ဘာ့စီးပွါးရေးစနစ်ကြီးတခုလုံးကိုပါ ပြန်ပနာဆန်းစစ်ကြည့်ကတ်ရဖို့ အချိန်ကို ရောက်ဟိလာရေ။ ကမ္ဘာလုံးဆိုင်ရာ ငွေကြေးအကျပ်အတည်းက အရာအားလုံးကိုပြောင်းလဲစီပနာ(Everything changed with the global financial crisis) စီးပွါးရေးလောကကြီးတခုလုံးကိုပြန်ပနာရှုမြင်ခြင်းအလှည့်အပြောင်းကာလတခုကိုအရောက်
်ပို့ ပီးလိုက်တေလို့  ပြောကတ်ရဖို့ ထင်ရေ။

ဈီးကွက်ရာဟိကေ စီးပွါးရေးပြဿနာရပ်တိအားလုံးကို ဖြေရှင်းလို့ ရနိုင်ရေ ဆိုရေ အမြင်က အဂုဆိုကေ ကကောင်းမသေချာရေ စီးပွါးရေးပေါ်လစီတခုအဖြစ်ကို ရောက်လို့ ပါလတ်တေ (The Market is no longer seen as the solution to every economic problem)။ လွတ်လပ်တေဈီးကွက်တိနန့် အစိုးရက တတ်နိုင်သမျှအနည်းဆုံး ၀င်ရောက်စွက်ဖက်ခြင်း (free markets and minimal state intervention) ရေ စီးပွါးရေးကို အားကောင်းမောင်းသန်ဖြစ်စီရေလို့  ထင်မြင်ယူဆထားခကတ်တေ လစ်ဘရယ်အရင်းရှင်ဝါဒနန့်  ဈီးကွက်ကိုလွတ်လပ်စီခြင်း (Market liberalization) ကို ပြန်လို့ အဓိပ္ပါယ်ဖွင့်ဆိုပီးရဖို့  အနေအထားကို ကမ္ဘာ့ခေါင်းဆောင်ကြီးတိက စိုင်းစားလာကတ်ရရေ။

အမေရိကန်ဗဟိုဘဏ်ဥက္ကဌဟောင်း အလန်ဂရန်းစပန် (Alan Greenspan) က ပုဂ္ဂလိကဘဏ်တိ၏အကျိုးစီးပွါးရေ အစုရှယ်ယာရှင်တိနန့် သူ့ ရို့ ၏ပိုင်ဆိုင်မှုတိကို ကာကွယ်ထိန်းသိမ်းနိုင်ဖို့ လို့  ထင်ထားခစွာရေ မှားလားခရေ လို့  အင်တာဗျူးတခုမှာ ၀န်ခံပြောလားခရေ။ ငွေကြေးအရောင်းအ၀ယ်သမားတယောက်အဖြစ် ထင်ယှားရေ ဂျော့ရ်ှဆိုးရော့စ်ကလေ့ ဒေငွေကြေးအကျပ်အတည်းပြဿနာရေ အပြင်ရှောခ့် (External shock)
သို့ မဟုတ် အပြင်ကလာရေ တွန်းအားတိကြောင့်မဟုတ်ပဲ ငွေးကြေးစနစ်ကိုယ်တိုင်က ချို့ ယွင်းနိန်
လို့ ရာ ဖြစ်တေလို့  ကောက်ချက်ချ ပြောဆိုလိုက်တေ။အနာဂတ်မှာ ဒေပိုင်ငွေကြေးကပ်ဆိုက်ခြင်းကို ဖြေယှင်းလာနိုင်ဖို့  ဈီးကွက်တိဇာပိုင်အလုပ်လုပ်လဲဆိုစွာကို နားလည်ရေ စိုင်းစားခြင်းလမ်းကြောင်းသစ် (a new way of thinking) တခုလိုအပ်တေလို့  ဂျော့ရ်ှဆိုးရော့စ်က ဖြည့်စွက်ပြောလိုက်သိမ့်ရေ။

ဒေပိုင် ငွေကြေးနတ်ဆိုး တရက်ထက်တရက်ကြီးပါလတ်တေအချိန်မှာ ကမ္ဘာ့နိုင်ငံအစိုးရတိ
နန့် စီးပွါးရေးပညာရှင်တိက ဒေပြဿနာကို ဇာပိုင်ဖြေရှင်းကတ်ရဖို့ လဲ…။ ဇာ ဘောကဗေဒပညာရှင်က ဒေပိုင်ပြဿနာရပ်တိ ကြုံတွီ့ လာနိုင်ရေလို့  ဟောကိန်းထုတ်
ခန့် မှန်းပြောဆိုဖူးခရေလဲ ….။ ဇာသူ့ အိုင်ဒီယာက ဒေပြဿနာအတွက် အဖြေဖြစ်နိုင်ဖို့ လဲ ဆိုရေ မိန်းခွန်းတိနန့်  ကမ္ဘာ့မီဒီယာမျက်နှာစာကနိန့်  ကျောင်းစာသင်ခန်းတိထဲမှာပါ လွှမ်းမိုးထားလာနိန်ရေ။အေပိုင်အချိန်မှာ ၂၀ ရာစု ဗြိတိသျှဘောဂဗေဒပညာရှင် ဂျွန်မေနာတ်ကိန်းစ် (John Maynard Keynes) ၏ အိုင်ဒီယာက ထိပ်ဆုံးကို ပြန်ရောက်ပါလတ်တေ။ နောက်ပြန်လှည့်စီးပွါးရေးအမြင်လို့ ခေါ်ကတ်ရဖို့ ထင်ပါရေ။ ကိန်းစ်က စီးပွါးရေးကပ်ဆိုက်ခြင်း
နန့် ထှိုင်းမှိုင်းခြင်းတိကို အစိုးရက ၀င်လို့  ထိန်းညှိပီးပနာစီးပွါးရေးကိုဝင်စွက်ဖက်တေအစိုးရပေါ်လစီ (Interventionist Government Policy) တိ ချမှတ်ကျင့်သုံးခြင်းကို အားသန်ဇောင်းပီးခရေ ဘောဂဗေဒပညာရှင်ဖြစ်ပါရေ။ ဒေနှစ် ၂၀၀၈ မှာ စီးပွါးရေးဆိုင်ရာနိုဗယ်လ်ဆုကို ဆွတ်ခူးရဟိထားရေ ပေါလ် ခရုဂ်မန်း (Paul Krugman) ဆိုကေ ကိန်းစ်၏အမြင်ကို ထောက်ခံရေ လက်သစ်ကိန်းစ်ဝါဒီတယောက်ဖြစ်ပါရေ။

ဗြိတိန်ဝန်ကြီးချူပ် ဂေါ်ဒွန်ဘရောင်းက အစိုးရကတချို့ တ၀က်ပိုင်ဆိုင်ရေ ဘဏ်လုပ်ငန်းတိပါရေ စီးပွါးရေးပြုပြင်ပြောင်းလဲမှုဆိုင်ရာအစီအစိုင်ကိုချမှတ်လိုက်ခြင်းက ငွေကြေးအကျပ်အတည်းကို ဖြေရှင်းဖို့  ကမ္ဘာလုံးဆိုင်ရာပုံစံသစ်တခုဖြစ်ပါလတ်တေ။ အေယှင့်က ကိန်းစ်၏စီးပွါးရေးဆိုင်ရာ အတွေးအခေါ်တိပြန်ပနာဆန်းသစ်လာခြင်းကို ပြလိုက်ခြင်းပင်ဖြစ်ပါရေ။ ယေကလေ့ ကမ္ဘာနန့် ချီပနာ ဖြစ်နိန်ရေ ဒေငွေကြေးအကျပ်အတည်းရေ အလွယ်တကူနန့် အချိန်ပိုင်းအတွင်းမှာ ပျောက်ပြယ်လားဖို့ တော့ မဟုတ်ပါ။ ဒေကပ်ဆိုးအရှိန်က လာဖို့  ၂၀၀၉ ခုနှစ်ထိပါ ရိုက်ခတ်လားနိုင်စွာ ကျိန်းသီနိန်ပါရေ။ စီးပွါးရေးပညာရှင်အများစုခန့်  မှန်းထားရေ အချက်တခုက လာဖို့ အနာဂတ်မှာ အမေရိကန်ကို ဗဟိုပြုထားရေ ကမ္ဘာ့စီးပွါးရေးပုံစံထက် အများအခြေပြု ဗဟုသဘောဆောင်ရေ စီးပွါးရေးအခင်းအကျင်းသစ်တခု ပေါ်ထွက်လာနိုင်ကြောင်းပင် ဖြစ်ပါရေ။ ။ ။

အနာဂတ်လှိုင်းဘလော့မှ

0 မှတ်ချက်:

“အမှောင်ကိုခွင်း၊ အလင်းကိုဆောင်၊ ရခိုင်အလင်းရောင်” ဘလော့ကို တမင်တကာလာကတ်တေဖြစ်စီ၊ လမ်းမှားလို့ရောက်လာကတ်တေဖြစ်စီ ကျွန်တော်ရို့ “ရခိုင်အလင်းရောင်” မိသားစုမှ အထူးပင်ကျေးဇူးတင်ပါရေ။ နောက်ထပ်လည်း လာလည်ကတ်ပါလို့ ဖိတ်ခေါ်ပါရေ။