ခိုင်အောင်အောင်



ဒေနိန့် ကာလ အနောက်နိုင်ငံတက္ကသိုလ်ကြီးတိမှာ ပြဿနာကိုအခြီခံပနာလေ့လာသင်ယူရေ (Problem- Based Learning) အဆင့်မြင့်ပညာသင်စနစ်ကို ကျင့်သုံးနိန်ကတ်တေ။ အေ ပီဘီအလ်(PBL) ဆိုရေ ချဉ်းကပ်မှု ပုံစံသစ်ကို ကနေဒါနိုင်ငံက မခ်မာစတာဆီးတက္ကသိုလ်ကျောင်း (McMaster University Medical School) မှာ လွန်ခ ရေ နှစ်ပေါင်းသုံးဆယ်ခန့်  ၁၉၈၀ ပတ်ဝန်းကျင်လောက်က စပနာကျင့်သုံးခရေလို့  မှတ်တမ်းတိမှာ ဖော်ပြထားစွာတိ ကို တွိရရေ။ ဒေစနစ်၏လက္ခဏာရပ်တိက ပညာသင်ကြားရေးပုံစံစွာ စိန်ခေါ်မှုတိနန့် ပြည့်နိန်ရေ ကြိုးဝိုင်းကြီး တခုပိုင် ဖြစ်နိန်ပနာ ခက်ခဲနက်နဲရေပြဿနာရပ်တိကို ပြဌါန်းထားပြီးကေ ယင်းပြဿနာတိကို ဖြေရှင်းလာနိုင်အောင် ပို့  ချသင် ပီးခြင်းပင် ဖြစ်တေ။ ကျောင်းသားတိကို အုပ်စုချေတိ ဖွဲ့ ထားပနာ အချင်းချင်းညှိနှိုင်းအဖြေရှာ အလုပ်လုပ်နိုင်အောင် လေ့ကျင်ပီးခြင်းနန့်  ဆရာက ဘေးက အကူအညီပီးရေ အဆင့်အနေအထားမျိုးနန့် ရာနိန်ရေ စနစ်ဖြစ်တေ။ ကျောင်း သားဗဟိုပြုသင်ယူမှုစနစ် (Students-centered learning) တခုဖြစ်ပြီးကေ ကိုယ့်အားကိုယ်ကိုးတတ်တေ စိတ်ဓါတ် နန့်  အရည်အချင်းအရည်အသွီးစွမ်းရည်တိမြင့်လာအောင် ပြုစုပျိုးထောင်ပီးခြင်းပင် ဖြစ်တေ။လူ့ အဖွဲ့ အစည်းထဲမှာ အဂေါင်ဂေါင့်ဖြစ်နိန်ရေ ပြဿနာတိကို လေ့လာဆန်းစစ်သင်ယူပနာ အဖြေရှာခြင်းပင် ဖြစ်လို့  အေပိုင်လေ့လာ ကတ်ခြင်းအကျိုးကျေးဇူးက ကျောင်းသားတိကို ပြဿနာ၏အရှင်သခင်ဖြစ်လာအောင် လေ့ကျင့်ပီးလိုက်တေ။ ပြဿနာကို ဒူးထောက်အရှုံးပီးပနာ ပြဿနာ၏သားကောင် မဖြစ်လားရအောင်လမ်းညွှန်ပြပီးရေ။ ခက်ခဲ ရှုပ်ထွီးရေ ပြဿနာရပ်တိနန့် ရင်းနှီးကျွမ်းဝင်လာအောင်လုပ်ပီးလိုက်ခြင်းက လက်တွိဘ၀မှာ ပြဿနာတိကြုံလာကေ အဆင်သင့် ရင်ဆိုင်ဖြေရှင်းဝံ့ခြင်းပင် ဖြစ်တေ။
အေစနစ်အတွက် အဓိကလိုအင်က ပြဿနာပင်ဖြစ်တေ။ယင်းအတွက်နန့်  ပြဿနာရေ လိုအပ်တေ နတ်ဆိုးတကောင်ဖြစ်ပါလတ်တေ။ ပြဿနာရာမဟိကေ ဒေစနစ်ကိုကျင့်သုံးဖို့ လေ့ ဖြစ်လာနိုင်ဖို့ မဟုတ်ပါဗျာယ်။ ယင်းပိုင်ဆိုကေ ပြဿနာဆိုစွာ ဇာယှင့်လေး လို့ မိန်းခွန်းထုတ်စရာဖြစ်ပါလတ်တေ။ အင်္ဂလိပ်ပိုင် ပြဿနာ (Problem) ဆိုရေ စကားလုံးရေ ဂရိ အခေါ်အဝေါ် (Próblema) လို့  ခေါ်ရေ စကားလုံးက မြစ်ဖျားခံဆင်းသက်လာခြင်းပင် ဖြစ်တေ။ ဒေ ဂရိစကားလုံးအဓိပ္ပါယ်က အဖြေရှာဖို့ အတွက် (For solving) ပင်ဖြစ်တေ။ ပြဿနာတိုင်းက အဖြေကို တောင်းဆိုရေ။ ပြဿနာဟိလာကေ ယင်းပြဿနာကို ဇာပိုင်ဖြေရှင်းဖို့ လဲ။ ဇာအဖြေက ယင်းပြဿနာအတွက် အကောင်းဆုံးဖြစ်ဖို့ လဲ အစဟိရေ ထောင့်ပေါင်းစုံ အမြင်ပေါင်းစုံက လေ့လာဆန်းစစ်ပနာအဖြေထုတ်ဖို့  ကြိုးစား ကြည့်ခြင်းရေ ပြဿနာကို ချဉ်းကပ်ခြင်းအမှန်ပင် ဖြစ်တေ။ ရခိုင်ပိုင် အနှစ်ချူပ်ပြောရဖို့ ဆိုကေ ပြဿနာရေ မဖြေရှင်း ရသိမ့်ရေ ပုစ္ဆာတပုဒ် ပင်ဖြစ်တေ။
လူသားသမိုင်းအစကို လေ့လာကြည့်လိုက်ဖို့ ဆိုကေ ပြဿနာရေ လူတိနန့် အတူတူကပ်ပနာ မွီးပါလတ်တေ ဖွားဖက်တော်ပင် ဖြစ်တေလို့ ပြောကတ်ရဖို့ ထင်ရေ။လူ့ သမိုင်းအစမှာ လူတိစော် ကြမ်းတမ်းရေသဘာဝရာသီဥတုဆိုး တိနန့်  ရင်ဆိုင်ကတ်ရရေ။ သဘာဝကပီးရေ ပြဿနာတိကို ရင်ဆိုင်ဖြေရှင်းပနာ လူ့ ယိုင်ကျေးမှုတိကို တည်ဆောက် ပါလတ်ကတ်တေ။ နောက်ပိုင်းလူတိဖန်တီးရေ နိုင်ငံရေး စစ်ရေးပြဿနာတိနန့် ကြုံတွိလာကတ်ရရေ။ ပြဿနာ အသစ်တိ တခုပြီးကေတခုပေါ်ပါလတ်တေ။ အဂုနောက်ဆုံးကမ္ဘာ့အသစ်စက်စက်ပြဿနာက ငွေကြေးအကျပ် အတည်း ပြဿနာ ပင်ဖြစ်တေ။ ဒေပြဿနာက အသစ်ဖြစ်တေပိုင် အယင်နည်းဟောင်းတိနန့် တခုပိုင်လေ့ ဖြေရှင်းလို့  မရရေ ပြဿနာမျိုးဖြစ်နိန်ရေ။ ယေခါ ပြဿနာအသစ်အတွက် ဖြေရှင်းနည်းအသစ်ကိုလေ့ ကမ္ဘာ့ခေါင်းဆောင်တိ အားလုံးပေါင်းပနာ အဖြေထုတ်ဖို့ စိုင်းစားလာကတ်ရရေ။
ရခိုင်ရို့ လူ့ ဘောင်မှာလေ့ နှစ်ပေါင်းရာနန့် ချီပနာ ကပ်ငြိဖြစ်တည်ပါလတ်တေ ပြဿနာတိဟိနိန်ရေ။ ရခိုင်သားတိက ပြဿနာဆိုရေ အသံကိုကြားကေ ကြောက်ကတ်တေ။ ပြဿနာကို အဖြေရှာကို မစိုင်းစားဝံ့ပဲ ရှောင်လားဖို့ ကြိုးပမ်းကတ်တေ။ ပြဿနာကို ရှောင်လားဖို့ ကြိုးစားလီလီ ပြဿနာက ပိုလို့ ကြီးလာပနာ လူတိနောက် ကို တကောက်ကောက်လိုက်လာလီလီ ပင်ဖြစ်တေ။ ဒေနိန့် ကာလမှာ ဟိနိန်ရေ နိုင်ငံရေး၊ လူမှုရေး၊ စီးပွါးရေး၊ ပညာရေး ပြဿနာရပ်တိကို ဖြေရှင်းရဖို့ စွာကို စိုးရိမ်လို့  ရခိုင်တိအများစုက သူရို့ ၏စိုင်းစားတွေးခေါ်မှုတိကို အတိတ် ကာလကို ပို့ ထားလိုက်ကတ်တေ။ အဂုလက်ငြင်းရင်ဆိုင်နိန်ကတ်ရရေ ပြဿနာတိကို အတတ်နိုင်ဆုံးမိန့် ဖို့ ကြိုးပမ်း ပနာ ဥပက္ခာပြုထားဖို့  အားထုတ်ကတ်တေ။ ယင်းပိုင်နန့်  ရခိုင်သားတိစွာ ပြဿနာ၏ သားကောင်ဖြစ် ပါလတ် ကတ်တေ။ ပြဿနာ၏ကြိုးဆွဲကခိုင်းခြင်းကို ခံရပနာ သံပတ်ပီးခြင်းခံထားရရေ အရုပ်တိပိုင်ဖြစ်ပါလတ်ကတ်တေ။ ပြဿနာကို အဖြေရှာဖို့  နည်းမှန်လမ်းမှန်နန့် ချဉ်းကပ်ခြင်းထက် ခေါက်ရိုးကျိုးနိန်ရေ အကြောင်းပြချက်ဆင်ခြီ ဆင်လက်တိနန့်  အပြစ်တင်ခြင်းသံသရာထဲမှာ လည်နိန်ကတ်တေ။
ဥပမာ- ရခိုင်တိရင်ဆိုင်နိန်ကတ်ရရေ နိုင်ငံရေးပြဿနာ။ ဗမာစစ်အုပ်စုက ရခိုင်ပြည်ကို စစ်ကျွန်ပြုပနာ ကိုလိုနီလုပ် အုပ်ချူပ်ထားရေ ပြဿနာ။ ဒေပြဿနာကို အဖြေရှာနိုင်ဖို့  ရခိုင်တိ နှစ်ပေါင်းရာနန့် ချီပနာ တိုက်ပွဲဝင် အားထုတ် လာကတ်တေ။ အေနိန့် ထက်ထိ အဖြေမထွက်သိမ့်လို့ ပြောကတ်ရပါဖို့ ။ ပိုဆိုးနိန်စွာက အေဂုခေတ်ကာလ ရခိုင်ရို့ နိုင်ငံရေးပြဿနာကို အဖြေရှာဖို့ ကြိုးပမ်းနိန်ရေ လမ်းကြောင်းက ဗမာနန့် ထိပ်တိုက်ရင်ဆိုင်တွိပနာ အဖြေရှာရေ အပိုင်းထက် ရခိုင်နန့် ရခိုင်ကြားထဲမှာ အချင်းချင်းရှုပ်ပနာ ညှိနှိုင်းလို့ မရရေအပိုင်းက ပိုများပါလတ်တေ။ အားလုံးသိကတ်တေအတိုင်း နိုင်ငံရေးပြဿနာစွာ သိမ်မွေ့ နက်နဲရေ ပြဿနာတခုဖြစ်တေပိုင် အားလုံးသူ ပူးပေါင်း ပါဝင်ပနာ အဖြေရှာနိုင်ခါမှရာ အဖြေကောင်းထွက်တတ်တေ ကိစ္စရပ်မျိုးဖြစ်တေ။ ကျင်ကိုင်ရေပိုင် ကျင်သန်စိတ်ဓါတ် နန့်  တယောက် တည်းလားပနာ ပွဲကြမ်းပလိုက်လို့ မရရေ ပြဿနာမျိုး ဖြစ်နိန်ရေ။ ပင်ကိုယ်ဓါတ်ခံ အမျိုးချစ်စိတ်တိ ရခိုင်ရို့ မှာဟိကတ်ကေလေ့ အေအမျိုးချစ်စိတ်စွာ ခံစားချက်တခုရာဖြစ်လို့  ရေရှည်မှာ အသွင်ပြောင်းအရောင်ပြောင်း ပနာ နိဂုံးချူပ်လမ်းခွဲလားကတ်ရရေ အဖြစ်တိကိုလေ့ အများကြီးတွိမြင်လာကတ်ရရေ။
အတိုချူပ်ပြောရဖို့ ဆိုကေ နိုင်ငံရေးပြဿနာစွာ ပြဿနာတိထဲမှာ အရှုပ်ဆုံးအခက်ဆုံးပုစ္ဆာတပုဒ်ဖြစ်ပြီးကေ အေပြဿနာကို အဖြေရှာဖို့  သာမန်နိုင်ငံရေးယမ်းကူးအမြင်နန့် တော့ အဖြေထုတ်နိုင်ဖို့ မဟုတ်ပါ။ အမျိုးချစ်စိတ် (Patriotic Spirit) ကို တဆင့်မြှင့်ပနာ နိုင်ငံရေးယုံကြည်ချက် (Political Conviction) ကို ပြောင်းလို့  ရေရှည် အနာ ဂတ်မှာပါ မဖြစ် ဖြစ်အောင် အဖြေရှာလားဖို့ ဆိုရေ နိုင်ငံရေးဗျူဟာနန့် ချဉ်းကပ်နိုင်ခါမှရာ ဒေနိုင်ငံရေးပြဿနာကို အ ကောင်းဆုံးအဖြေထုတ်လာနိုင်ဖို့ ပင် ဖြစ်တေ။ စစူးနနစ်လေ့လာဆန်းစစ်လို့  ရှုထောင့်ပေါင်းစုံက ပြဿနာကို ခွဲခြမ်း စိတ်ဖြာကြည့်ပနာ တဆင့်ပြီးကေတဆင့် စိုင်ဆက်မပြတ်အဖြေထုတ်နိုင်ခါမှရာ ပြဿနာ၏အရှင်သခင်ဖြစ်လာနိုင်ပါဖို့ ။ ပြဿနာ ဆိုရေ အသံကို ကြားကေပင် ကြောက်နိန်ကတ်တေ စိတ်တိကို ဖျောက်ပနာ ပြဿနာ၏ပျော့ကွက်အားနည်း ချက်တိကို ဖော်ထုတ်လို့  ပြဿနာရေ လူသားတိရှောင်လားလို့ မရရေအရာ လူတိဖွံ့ ဖြိုးတိုးတက်မှု အတွက်လိုအပ် တေအရာတခုအဖြစ်မှတ်ယူထားခြင်းကရာ လမ်းမှန်သွီးစစ်တေလူ့ ဘ၀လက္ခဏာရပ်တခုတည်ဟိနိန်ခြင်းကို ပင်ကိုယ် သဘာဝအတိုင်း ကြည့်မြင်ခြင်းပင်ဖြစ်ပါရေ။ ။ ။

အနာဂတ်လှိုင်းဘလော့မှ