အဆိုတော်နာမေ             စောနှင်းနွယ်
နာမေရင်း                      စောနှင်းနွယ်
မိဖနာမေ                       ဦးစောအောင်သိန်း၊ ဒေါ်သာနုစိန်
မွီးနိန့်                           ၁၉၈၇ခု၊ မတ်လ(၂၁)ရက်
အရပ်အမြင့်                    ၅ပေ၊ ၁လက်မ
ဘာသာ                        ဗုဒ္ဓဘာသာ
သွီးအုပ်စု                       O (အို)
ပိုင်ညာအရေအခြင်း           B.sc (Maths)
နီရပ်လိပ်စာ                    လမ်းမတော်တောင်၊ ဘသာခွဆုံ၊ ရွှီပြားရပ်ကွက်။


အောင်တံခွန်ဝံသရက္ခိတမဂ္ဂဇင်းမှာ ရခိုင်ပြည်နယ်က ရခိုင်တေးရွီးဆရာတိ၊ အဆိုတော်တိကို အင်တာဗျူးလုပ်ပြီးကေ ဖော်ပြနီစွာမှာ ဂီတအတီးပိုင်ညာသျှင် ဆရာဦးထွန်းသိန်း၊ အဆိုတော် မညှာစိမ်းခိုင်၊ တေးရွှီးဆရာ ကိုထွန်းအောင်သာရို့ကို တင်ပြပီးခဗျာလ် ဖြိုက်ပါရေ။




အတွဲ(၃)၊ အမှတ် (၃)မှာ မျက်နှာဖုံးသျှင်ဖြိုက်တေ "ဂီတလင်းလက်ကြယ် စောနှင်းနွယ်" အကြောင်းကို တင်ပြလားဖို့ ဖြိုက်ပါရေ။ ၂၀၀၉ ခု အောက်တိုဘာလ ( ၅ ) ရက်နိန့်က ဆရာနီမင်းသျှင်(စစ်တွေ)နဲ့ ကျွန်တော်ရို့နှစ်ယောက် လမ်းမတော်တောင်၊ ဘသာခွဆုံအနားမှာ နီထိုင်ရေ စောနှင်းနွယ်ရို့အိမ်ကို လားခီကတ်ပါရေ။ လိုအပ်တေ ဓါတ်ပုံကို ရိုက်ခကတ်ပါရေ။ နောက်တရက်နီ့ ကျွန်တော် ထပ်လို့ လားခီပြီးကေ သိချင်စော်တိကို မိန်းရေ အခါ သူ့ဘ၀ဂီတခရီးလမ်းကို ပြောပြလို့ သိရစော်တိကို ဖော်ပြပီးလိုက်ပါယင့်။

သူ၏ ဂီတအနုပညာစင်မြင့်ကို တက်ဖို့ ပထမဆုံးခြီလှမ်းရေ ၂၀၀၃ ခုနှစ်၊ ထန်းပင်ရင်းလူငယ်တိ ဦးစီးကျင်းပရေ ရခိုင်တေးခြင်းအဆိုပြိုင်ပွဲမှာ စတင်ဝင်ရောက်တေးခြင်းဆိုစွာလို့ သိရပါရေ။ ထန်းပင်ရင်းလူငယ်တိဦးစီးကျင်းပရေ ရခိုင်တေးခြင်း အဆိုပြိုင်ပွဲဆိုစွာ ရခိုင်မိုနိုဂီတအဆိုသျှင်တိကို မွီးဖွားပီးနီရေ စင်မြင့်တစ်ခုပါ။ ကကောင်းကျေးဇူးတင်ဖို့ကောင်းပါယင့်။
ယင်းစင်ထက်မကိုတက်လို့ ဆိုခကတ်တေအဆိုတော်တိ ကြယ်ပွင့်အဖြစ် ထွန်းတောက်လားကတ်စွာ အင်တန်များနီပါဗျာလ်၊ စောနှင်းနွယ်တစ်ယောက်ထင်ပေါ်လို့ စင်တော်က အကောက်ခံရစွာလေ့ ထန်ပင်ရင်း ရခိုင်တေးခြင်းအဆိုပြိုင်ပွဲဧ။် အကျိုးကျေးဇူးတစ်ရပ်ပါ။

စောနှင်းနွယ်စွာ ထန်းပင်ရင်းရခိုင်တေးခြင်းဆိုပြိုင်ပွဲမှာ (၂၀၀၅) ခုနှစ် ပထမဆု၊ (၂၀၀၇) ခုနှစ်က ပိုင်ညာသျှင်အဆင့်မှာ ပထမဆုတိရဟိခသူပါ။ ယင်းက တက်ပါလတ်တေ စောနှင်းနွယ်ရေ ၂၀၀၈ခုနှစ် နိုင်ငံတော်အဆင့် နေပြည်တော်မှာ ပြိုင်ရလို့ ခေတ်အကြိုက်ဘာသာရပ်မှာ ဒုတိယဆုကို ရဟိခရေ ကလိန့်မေချေပါ။

ကျွန်တော်က ဒေအဆင့်ထိရောက်လာဖို့အတွက် အဆင့်ဆင့်ကြိုးစားလာရစွာတိ၊ လက်ဦးတေးရွီးဆရာတိ၊ အတီးပိုင်ညာသျှင်တိစွာ ဇာသူတိပါလေလို့ မီးလိုက်တေခါ သူက လက်ဦးဆရာတိကို ပြောပြပါရေ။ သူပြိုင်ပွဲဝင်ဖို့အတွက် ရခိုင်မိုနိုအဆိုတော် ဒေါ်ဝင်းမေနဲ့ လေ့ကျင့်ပါရေလတ်။ တေးခြင်းရွီးဆရာက ဂီတစာဆိုအခင်ထွန်း(စစ်တွေ)ဖြိုက်ပြီးကေ "သဇင့်ဒါယူ ရခိုင်သူ" တေးခြင်ကို စတင်သီဆိုခစွာပါ။ ကူညီပံ့ပိုးတီးပီးကတ်တေ အတီးပိုင်ညာသျှင်တိကတော့ခါ သစ္စာသျှင်တီးဝိုင်းက ဆရာကျော်သိန်းမောင်၊ ဆရာဦးမြကျော်၊ ဆရာထွန်းလှရို့ ဖြိုက်ပါရေလတ်။ စောနှင်းနွယ်က လက်ဦးဆရာတိကို တစ်ခါလေ့ မမိန့်ပါ။ အမြဲဦးထပ်တင်လို့ ဟိပါရေလို့ ပြောပြပါရေ။ ကျေးဇူးသျှင်လက်ဦးဆရာတိကို မမိမပျောက် အမြဲဦးထိပ်တင်ရေသူဆိုစွာ တစ်ခါလေ့အောက်မကျပါ။ အမြဲထွန်းတောက်ပနီရေ ကြယ်တစ်ပွင့်အဖြိုက် တေဟိနီပါလိမ့်မေ။

အဓိဌာန်ဆရာတော်ဘုရားမွီးနီ့ကျင်းပခရေ (၂၀၀၈) ခုနှစ်က ဆရာထွန်းသိန်း၊ ကိုမောင်ကိုကိုရို့နဲ့ မညှာစိမ်းခိုင်ရို့သီဆိုခရေ "ထွန်းကားခလီ ဝေသာလီ" တေးခြင်းကို သူနဲ့ မောင်ကိုကိုရို့ တွဲပြီးကေ ဆိုခရေ။ "မုနိမဟာဘဂ၀ါ" တေးခြင်းကိုလည်း ဆိုခပါရေလတ်။ အတီးကိုတော့ခါ ဆရာဦးထွန်းသိန်းရို့အဖွဲ့က တီးပီးခစွာပါလို့ ပြောပြပါရေ။

ဗွီစီဒီအခွီမှာ တေးခြင်းဆိုစွာဇာခါကစလေလို့ မိန်းကြည့်ရေခါ သူက ကိုဇော်ထွန်းနဲ့ အခင်ဦးမောင်သိန်းရို့စီစဉ်ရေ အခင်ဦးမောင်သိန်း (Live Show)အခွီမှာ "ရိုးတောင်ထက်က သန္တာပန်း" တေးခြင်း၊ အခင်ဦးမောင်သိန်းနဲ့ တွဲဆိုထားရေ "ရိုးမမြီက လှပါရေ" တေးခြင်းကို စတင်သီဆိုခရေလို့ ပြောပြပါရေ။

ဒုတိယအခွီမှာ ဆိုဖြိုက်စွာက Aussar အသင်းက ဦးစီးထုတ်တေ (Starry Night)ကြယ်စုံညဥ့်အခွီမှာပါ။ ကိုဒိုး(အ်)ရီရီးရေ "တစ်ကိုယ်နွမ်း" တေးခြင်း၊ ကိုဒိုး(အ်)ရီ၊ ရီလှိုင်းပြာ၊လီလှိုင်းရို့နဲ့တွဲပြီးကေ ကြယ်စုံညဥ့်အဖွင့်တေးခြင်းဆိုစွာမှာလေ့ ပါခရေလို့သိရပါရေ။

တတိယအခွီက အလင်းတံခါးခေတ်မီစာကြည့်တိုက် ရန်ပုံငွေရဟိရေးအတွက်ထုတ်တေ ဗွီစီဒီအခွီမှာ ကိုဒိုး(အ်)ရီရွီးရေ "ကိုကို" တေးခြင်းကို ဆိုခပါရေလို့ ပြောပြပါရေ။ ယင်း "ကိုကို" တေးခြင်းစွာ ကလေချေတိ ကြိုက်တေတေးခြင်းတစ်ပုဒ်ပါ။ စောနှင်းနွယ်စင်ထက်က "ကိုကို" တေးခြင်းကိုဆိုကေ စင်အောက်က ကလေချေတိလိုက်လို့ ဆိုကတ်။ ဝှေါကတ်တေ တေးခြင်းပါ။ ခေတ်စကားနဲ့ ပြောရကေ ပေါက်တေတေးခြင်းတစ်ပုဒ်ပါ။

တစ်ကိုယ်တော်စီးရီးထုတ်ဖို့ အစီအစိုဟိလာလို့ မိန်းကြည့်ခါ သူကဂီတစာဆို အခင်ထွန်း(စစ်တွေ)ကိုယ်တိုင်ရွီးပြီးကေ ယင်းဆရာကိုယ်တိုင် ထုတ်ဖို့ ဖြိုက်တေ "ချစ်တေဆိုတိုင်း ယုံရဖို့လား"အခွီကို ရန်ကုန်မြို့က စတီရီယိုမှာ အသံသွင်းပြီးသား၊ စီဒီလုပ်ပြီးသားပါ။ ဗွီစီဒီ (အရုပ်ထည့်ပြီးမှ)ဖြန့်ဖို့ထင်ပါရေလို့ ပြောပြပါရေ။

သမီးစောနှင်းနွယ်အနီနဲ့ ရခိုင်တေးခြင်းမိုနိုဆိုစွာနဲ့ စတီရီယိုတေးခြင်းဆိုစွာအပိုင်းမှာ ဇာလိုင်းကိုပိုပြီး အားသန်လေ့လို့ မိန်းကြည့်လိုက်တေခါ သူက မိုနိုပါ စတီရီယိုပါ နှစ်လိုင်းစလုံးကို သဘောကျပြီးကေ နှစ်လိုင်းစလုံးကို ဆိုချင်ပါရေလတ်။

ရခိုင်မိုနိုတေးခြင်းတိ မပျောက်ကွယ်၊ မတိမ်မြုပ်လားအောင် ဆက်ပြီးကေ တေတန့်အသက်ရှည်အောင် ဇာပိုင်လုပ်ရဖို့လေးဆိုစွာကို သူက မိုနိုတေးခြင်းရွီးနီရေ တေးရွီးဆရာတိက တေးခြင်းအကောင်းအများကြီးရွီးနိုင်ဖို့၊ ထန်းပန်ရင်း ရခိုင်တေးခြင်းဆိုပြိုင်ပွဲ ပြုလုပ်ပီးရေပိုင် တခြားရပ်ကွက်တိ၊ တခြားမြို့ရွာတိမှာလေ့ ပြိုင်ပွဲတိ နှစ်စိုင်နှစ်တိုင်း လုပ်ပီးနိုင်ကေတော့ခါ ရခိုင်မိုနိုတေးခြင်းတိ အသက်ရှည်တေတန့်နိုင်ဖို့ ထင်ပါရေလို့ ပြန်ဖြေပါရေ။ အခု ရခိုင်မိုနိုတေးခြင်းရွီးဆရာတချို့ တေးခြင်းရွီးနီစွာကို တန့်ထားကတ်တေလို့ ကြားမိပါယင့်။ စိတ်ဓာတ်မကျဘဲ ဆက်ရွီးကတ်ဖို့ တိုက်တွန်းချင်ပါရေ။ အားပီးပါယင့် ဆက်ရွီးကတ်ပါလို့။ ရခိုင်မိုနိုတေးခြင်း အသက်မသီဖို့စွာမှာ မိုနိုတေးခြင်းရွီး ဆရာတိအပေါ်မှာလေ့ မူတေနီရေလို့ သုံးသပ်မိပါရေ။

စောနှင်းနွယ် ဒေပိုင်ဂီတစင်မြင့်ကို ရောက်လာဖို့အတွက် ဂီတဗီဇပါလာစွာက အဖသွီးပါလာလို့ပါ။ သူ့အဖ ဦးအောင်စောသိန်းက လူပျိုဘ၀ခါ ဂီတာတီးပြီးကေ ဂစ္ဆပလှိုင်းသံအဖွဲ့နဲ့ တေးခြင်းဆိုခပါရေလတ်။ ယေနဲ့လေ့ အိမ်က အားပီးပြီးကေ သမီးတေးခြင်းဆိုစွာ နောက်ကို တကောက်ကောက်လိုက်လို့ အားပီးထိန်းပီးနီစွာပါ။ သူ့ကို ၀ါဂျီးမ ဖြိုက်အောင်အထိ တေးခြင်းဆိုဖို့လားလို့ မီးကြည့်ရေခါ သူက ပြုံးပြီးကေ ပရိသတ်လက်ခံကေ ၀ါဂျီးမဖြိုက်တေအထိ တေးခြင်းဆိုချင်ပါရေလို့ ဖြေပါရေ။

မြန်မာဂီတနယ်မှာပါ ရခိုင့်ဂီတနယ်မှာပါ ကိုယ်ပိုင်စာသား၊ ကိုယ်ပိုင်သံစိုင်ရှာ၊ ကိုယ်တိုင်ဆိုရေ အဆိုတော်တိဟိရေပိုင် စောနှင်းနွယ်လေ့ ယပိုင်လုပ်နိုင်ဖို့လား၊ လုပ်ချင်လားလို့ မီးရေမိန်းခွန်းကို သူက ယင်းပိုင်လုပ်တတ်တေ အဆိုတော်တိကို ကကောင်းချီးကျူးပါရေ၊ အားကျပါရေလတ်၊ ယေကေလေ့ သံစိုင်ရှာ၊ စာသားထည့်အလုပ်က ပိုင်ညာအဆင့်မြင့်ဖို့ အတွိအကြုံများဖို့ ရင်ကျက်ဖို့လိုကြောင်း၊ သူက ဂီတအသက်နုနီသိလို့ မလုပ်ဖြိုက်သိကြောင်း၊ နောင်တစ်ချိန်ချိန်မှာ လုပ်ကြည့်ဖို့ စိုင်းစားထားပါကြောင်း၊ လုပ်နိုင်မလုပ်နိုင်ဆိုစွာက လုပ်ကြည့်မှသိပါဖို့လို့ ပြောပါရေ။ သူက လောလောဆယ်မှာ ဂီတအမျိုးအစားတခုကိုလေ့ မတီခတ်တတ်ပါသိ။ နောက်ခါတော့ခါ ဂီတာအတီးပညာကို သင်ယူတီးခတ်ဖို့ ဆန္ဒဟိပါရေလို့ သိခရပါရေ။

သူရေ စစ်တွေမြို့ထက်မှာ တောင်မက ကျောက်တော်၊ ပဏ္ဏားကျွန်း၊ ပေါက်တော၊ မောင်တော၊ မြေပုံ၊ ကျောက်ဖြူနဲ့ အမ်းမြို့တိကိုလားရောက် ဖြေဖျော်သီဆိုဖူးရေ အဆိုတော်ပါ။ စစ်တွေမြို့မှာ ဂီတအသိုင်းအ၀ိုင်းလူတိ၊ သာရီးနာရီးကိစ္စ၊ ဂီတပညာရပ်တိကို လက်ဆင့်ကမ်းသင်ကတ်ဖို့အတွက် ဂီတအစည်းအရုံးတစ်ရပ်ဖွဲ့သင့်ဗျာလ်လို့ထင်ရေ။
သမီးသဘောဆန္ဒကိုပြောပြပါလို့ မိန်းလိုက်ခါ သူကြားထားစွာကို ပြောပြပါရေ။ ဂီတအစည်းအရုံး (ဗဟို)က ရခိုင်ပြည်နယ်ကိုလားပြီးကေ ဂီတအစည်းအရုံးဖွဲ့ဖို့ စီစိုင်နီရေလို့ ကြားထားပါဗျာလ်။ ယင်းချင့်မှာ အရွီး၊ အတီး၊ အဆို၊ စက်ပိုင်းဆိုင်ရာ အလွှာအသီးသီး ကဏ္ဍအလိုက်ဖွဲ့စည်းလားဖို့လို့ ကြားထားပါရေလို့ ပြောပြပါရေ။

စောနှင်းနွယ်ကို ဗွီဒီယိုမင်းသမီးတင်ပြီးကေ ရိုက်ဖို့၊ ရခိုင်ဒါရိုက်တာတိက လာခေါ်ကေ ရိုက်ဖို့လားလို့မီးကြည့်ရေခါ သူက ဗွီဒီယိုရိုက်ဖို့ ၀ါသနာမပါ။ စိတ်ကူးလေ့ မဟိပါ။ မိဖတိကလေ့ အားမပီးရေအတွက် ဗွီဒီယိုသရုပ်ဆောင်လောကကို မ၀င်ပါလို့ ပြောပြလိုက်ပါရေ။
သမီးကိုချစ်ကတ်တေ မိဘပြည်သူရို့ကို ဇာစကားလက်ဆောင်ပါးချင်လေ။ ၀ံသရက္ခိတမဂ္ဂဇင်းက တစ်ဆင့်ပြောလိုက်ပါလို့ စကားခင်းလိုက်တေခါ စောနှင်းနွယ်က သမီးကို အားပီးချစ်ခင်ကတ်တေ မိဖပြည်သူတိကို ကကောင်းကျေးဇူးတင်ပါရေ။ အကျွန်ရို့စင်ထက်မှာ တေးခြင်းဆိုရေခါ ပရိသတ်အားပီးမှုဟိမှ ဈာန်ဝင်စွာ ဆိုကောင်းစွာပါ။ ပရိသတ်ကို မုန်းအောင် ၊ အမြင်ကတ်အောင်လုပ်ကေ ယင်းအဆိုတော်အသက်မရှည်ပါ။ စင်အောက်ကို အယင်ရောက်လားပါဖို့။ နားထောင်အားပီးရေ မိဖပြည်သူရို့ကို လေးလေးစားစားချစ်ချစ်ခင်ခင် မိတ္တာထားဆိုပြပီးမှ ပရိသတ်က ချစ်စွာပါ။ သမီးကို အားပီးကတ်တေပရိသတ်ကို ချစ်ခင်ပါရေ။ ဦးထိပ်တင်ရှိခိုးပါရေ။ ဆက်လက်ပြီးကေ သမီးကို အားပီးချစ်ခင်ကတ်ပါလို့။ သမီးကလည်း ဆက်လက်ပြီးကေ အကောင်းဆုံးဖြစ်အောင် ကြိုးစားလားပါမေလို့ ပြောလိုက်ချင်ပါရေလို့ သူ့စကားကို အဆုံးသတ်လိုက်ပါရေ။

ဂီတစင်မြင့်ထက်ကို လင်းလက်ကြယ်တစ်ပွင့်အဖြိုက်ရောက်ဟိလာရေ သမီးချေ ရခိုင်အဆိုတော်စောနှင်းနွယ် တစ်ယောက် ဒေထက်မက အောင်မြင်ပါစီ၊ ပြည်သူချစ်တေအနုပိုင်ညာသျှင်တစ်ယောက်ဖြိုက်ပါစီလို့ မိတ္တာပို့လိုက်ပါရေ။


ဗဂျီးကျော် (စစ်တွေ)
(၇.၁၁.၂၀၀၉)
အောင်တံခွန်ဝသရက္ခိတ မဂ္ဂဇင်း အတွဲ(၃) အမှတ်(၃) ဇန်န၀ါရီ (၂၀၁၀)မှ ထုတ်နှုတ်တင်ပြပါရေ။

(ရက္ခိတမျိူးဇိ(ခ်)ဂရူးမှ)