အသျှင်ပညာစာရကို ထောင်ချစွာက လူမျိုးရေး အရ အနိုင်ကျင့်စွာ ဖြစ်တေ။

ကျွန်တော်ရို့၏ “အမှောင်ကိုခွင်း၊ အလင်းကိုဆောင်၊ ရခိုင်အလင်းရောင်”ဘလော့သည် အိန်တာနက်ထက်မှာ တက်လာသမျှ ရခိုင်ဘာသာနန့် ဆောင်းပါး၊ကဗျာ စသည်တိကို ရှာဖွီတင်ဆက်ဖို့အတွက် စမ်းသပ်ပြုလုပ်နိန်ပါသည်။ လိုအပ်ချက်တိဟိပါက c'box မှာအမှာစာရေးထားခကတ်ပါ။ အတတ်နိုင်ဆုံး အကောင်းဆုံးဖြစ်အောင် ကြိုးစားနိန်ပါသည်။ ဆက်သွယ်ချင်ပါက alrevelation@gmail.com ကိုဆက်သွယ်နိုင်ပါရေ။

အသျှင်ပညာစာရကို ထောင်ချစွာက လူမျိုးရေး အရ အနိုင်ကျင့်စွာ ဖြစ်တေ။

ရဟန်းတော် တစ်ပါးနှင့် အိန်တာဗျူး

Arakan child student learning in monastery

ဆရာတော် အသျှင်ပညာစာအား နောက်ဆုံး တရားစီရင်ရေနိန့်က တရားရုံးသို့ ကိုယ်တိုင် လားရောက်ခသူ ရဟန်းတော်နှင့် အိန်တာဗျူး-----

မိန်း။ ။ ဆရာတော် အသျှင် ပညာစာရ တရားစီရင်ရေနိန့်က ဦးဇင်း မြင်တွိ့ခရရေ မြင်ကွင်းကို ပြောပြပီးပါလား အသျှင်ဘုရား။

ဖြေ။ ။ ယင်းနိန့်က ဦးဇင်းနန့် ဦးဇင်းရို့ကျောင်းက ရဟန်း သုံးပါး အခြေအနီ ဇာပိုင်ဟိရေဆိုစွာကို သိချင်ရေ စစ်တွေ ခရိုင်တရားရုံးကို လားခကတ်ပါရေ။ တရားရုံးထဲကို တယောက်ကိုလည်း ၀င်ခွင့်မပြူ။ ရဲသားတိကို တရားရုံး အပြည့်ချထားရေ။ ရဲဆိုင်ကယ်တိ၊ ကားတိ အပြည့်။ စရဖတိ၊ SB တိလည်ူ အပြည့်ပါ။ တရားရုံးရှိ ပတ်ပတ်လည်မှာ လူတိ အပြည့်။

မိန်း။ ။ အပြည့်ဆိုတော့ခါ ပြည်သူလူထုက ဇာလောက်များလဲ အသျှင်ဘုရား။

ဖြေ။ ။ ၁၀၀ ကျော်ဖို့လို့တင်ပါရေ။

မိန်း။ ။ ရဟန်းတော်တိက အသျှင်ဘုရားရို့ ကျောင်းက လေးပါးတည်းလား ဘုရား။

ဖြေ။ ။ ရဟန်း အပါး ၂၀ လောက်ဟိဖို့လို့ထင်ပါရေ။ ဝေသာလီ ဘုန်းတော်ကြီး စာသင်ကျောင်းက ဆရာတော်လည်း လာပါရေ။ သူ့ကိုလည်း ရဲတိက တရားရုံးထဲကို ၀င်ခွင့် မပြုပါ။

မိန်း။ ။ နောက်ထပ်ဇာသူရို့ လာသီးလဲ အသျှင်ဘုရား။

ဖြေ။ ။ ဆရာတော် ပညာစာရ၏ ဆွီမျိုးတိနန့် ဆရာတော်ကို လေးစားကြည်ညိုကတ်တေ တပည့် တကာ တကာမတိ ဖြစ်ကတ်ပါရေ။ မြင်ရစွာကတောခါ့ ကောင်းကောင်းဝမ်းနည်း စရာကောင်းပါရေ။ ဆရာတော်၏ ဆွီမျိုးတိကိုလည်း တရားရုံးကို တက်ရောက်နားထောင်ခွင့် မပြုပါ။ အပြင်ကရာ စောင့်နိန်ကတ်ရရေ။ ဆရာတော်ကို ထောင် ၈ နှစ်နန့် ၃ လ ချလိုက်တေဆိုရေ သတင်း ထွက်လာစွာနန့် ဆရာတော်၏ ဆွီမျိုးတိနန့် တပည့် တကာ တကာမ တိ ငိုလိုက်ကတ်စွာ ဦးဇင်းတောင်မှ မျက်ရည် လည်မတတ် ဖြစ်လားခရပါရေ။

မိန်း။ ။ တရားစီရင်ပြီးရေ နောက်မှာ ဆရာတော်ကို ဆွီမျိုးတိက တွိ့ခွင့်ရပါသလား အသျှင်ဘုရား။

ဖြေ။ ။ ဆရာတော်၏ ဆွီမျိုး တစ်ဦးနန်ရာတွိ့ခွင့်ရရေလို့ သိရပါရေ။ ကျန်ရေလူ ဇာသူတယောက်နန့်မှ တွိ့ခွင့်မရလို့သိရပါရေ။

မေး။ ။ ရဲတွေက တရားရုံးထဲကို ဇာကြောင့် ၀င်ခွင့် မပြုစွာလဲ အသျှင်ဘုရား။

ဖြေ။ ။ ဦးဇင်းရို့လည်း မသိ။ မ၀င်ရဆိုလို့ ဦးဇင်းရို့လည်း အပြင်ကရာ စောင့်ကြည့် နီကတ်ပါရေ။ ရတိက တရားရုံးနား ကပ်လာရေ သူတိကို ဓါတ်ပုံတိ လိုက်ရိုက်လို့ လူတိက ရုံးနားကို ကောင်း မကပ်ကတ်ပါ။ ပြီးကေ ရတိက လာတွိ့သူတိကို ဇာကြောင့်လာစွာလဲ။ ဆွီမျိုးတော်လား စသဖြင့် မိန်းမြန်းစွာတိဟိပါရေ။ လူတိ အနီနန့် ရဲက ဓါတ်ပုံ လိုက်ရိုက်လို့ ကြောကကတ်တေ။ ရုံးနာကို လာတော့ခါ လာကတ်တေ။ ဓါတ်ပုံ လိုက်ရိုက်လို့ မလိုလားအပ်တေ ပြဿနာတိ ဖြစ်ဖို့ကို စိုးရိမ်ပြီးကေ လူတိက လာကတ်တေ။ ချက်ချင်း ပြန်လားကတ်တေ။

မိန်း။ ။ ဆရာတော်ကို ဇာအမှုတိနန့် ထောင်ချရေလို့ သိရပါရေလဲ အသျှင်ဘုရား။

ဖြေ။ ။ ထောင်ချစွာက ၈ နှစ်နန့် သုံးလ၊ အလုပ်ကြမ်း၊ ငွေ တစ်သောင်း ဒဏ်တပ် တေလို့ သိရ ပါရေ။ နိုင်ငံခြားက လူတိ၏ အကူအညီနန့် ကျောင်းကို ရပ်တည်ထားတော့ခါ နိုင်ငံခြားသားတိ လှူရေနိုင်ငံခြားငွေကို ကိုင်ဆောင်ရေ အတွက် ထောင် သုံးနှစ် အပါအ၀င် သာသနာညှိုးနွမ်းစီမှု စရေ အမှုတိနန့် ထောင်ချလိုက်စွာ ဖြစ်ပါရေ။

မိန်း။ ။ ဆရာတော်ကို အဂုပိုင် ထောင်ချလိုက်တေ အပေါ်ဇာပိုင်မြင်ပါသလဲ။

ဖြေ။ ။ လူမျိုးရေးအရ အနိုင်ကျင့်ရေလို့မြင်ပါရေ။

မေး။ ။ ဇာကြောင့်ပါလဲ အသျှင်ဘုရား။

ဖြေ။ ။ ဆရာတော်က ရခိုင်သမိုင်းသုတေသီ တစ်ဦးဖြစ်တေအတွက် ရခိုင်လူမျိုးတိအတွက် အထူး တန်ဖိုးဟိရေ ဆရာတော် တပါးဖြစ်တေ။ ပြီးကေ ဆရာတော်က ပရဟိ ဆရာတော် တစ်ပါး ဖြစ်ပြီး လူအများကို ကူညီရေ ရဟန်း တစ်ပါးလည်း ဖြစ်တေ။ ရခိုင်သမိုင်း ဗမာသမိုင်းကို ကောင်းမွန်စွာသိသူ တစ်ဦး ဖြစ်တေ။ ပြီးကေ ကာယကံသျှင် အမျိုးသမီးတိက သူရို့နန့် ကျူးလွန်စွာ မဟိပါလို့ အတိအလင်း ထွက်ဆိုထားကေလေ့ ထောင် ၈ နှစ်နန့် ၃ လ ချရေဆိုစွာကတော့ခါ သက်သက် မတရား သဖြင့် အနိုင်ကျင့် ရေလို့မြင်ပါရေ။

( အိန်တာဗျူးကို ၂၀၁၀ ခုနှစ် အောက်တိုဘာလ ၃ ရက်နိ့တွင် ထုတ်လွှင့်ဖို့ လွတ်လပ်သော အာယှအသံ (မြန်မာပိုင်း) ရခိုင်အစီအစဉ်တွင် နားထောင်နိုင်ပါသည်။)

---------------------------------

(နိရဉ္စရာ သတင်းဌာနမှ)