သာဦးဖြူတယောက် မိုးထစောစော ရွာကသျှင်ပြူပွဲမှာ လုပ်အားဒါနပြူဖို့အတွက် အိပ်ရာစောစောဝင်လိုက်သည်။ အိပ်ရာမ၀င်ခင် ညဇာသား (၄) ချက်တီးလောက်က သူငယ်ချင်းတိနှင့် ရွာကသျှင်ပြူပွဲအကြောင်း ပြောဖြစ်ခသိမ့်သည်။ သူငယ်ချင်းမတိက သာဦးဖြူကို မိုးထစောစော (၄) ချက်တီးမှာ လာနှိုးမည်ဟုပြောသည်။ စောစောထရဖို့။ ချက်ရဖို့၊ ပြုတ်ရဖို့။ ယင်းအတွက် သာဦးဖြူတယောက် စောစောအိပ်ရာဝင်လားခြင်းဖြစ်သည်။

မိုးထစောစော အိမ်ရှိခြံဝက သူငယ်ချင်းများခေါ်သံကြားမှ သာဦးဖြူတယောက် အိပ်ရာက လန့်နိုးလာသည်။ ယော် (၄) ချက်တောင်တီးယာမလားဂု။ မျက်နှာပရုန်းနရုန်းသစ်၍ အိမ်အောက်သို့ ဆင်းလတ်သည်။ သူငယ်ချင်းတကျိပ် အပြုံးကိုယ်စီနှင့် သာဦးဖြူကို စောင့်ကြိုလျှက်ဟိသည်။ “ဟေး နင်ကကောင်း အအိပ်ပုတ်စွာမလား ဒေကုလိမ္မေ” ဟုလည်းပြောသည်။

ယင်းပိုင်နှင့် ကောင်းမကြာလိုက် သာဦးဖြူ အလှူလုပ်ရာ ရွာမဏ္ဍပ်သို့ရောက်သည်။ ရွာကလူတိ တရောင်းရောင်းနှင့် ကကောင်းအလုပ်ချုတ်နီကတ်စွာ တွိရသည်။ ကြက်သွန်ဖျင်ရေလူက ဖျင်၊ အားလူးသင်ရေလူက သင်၊ ဒိုင်ထ်ိုးရေလူက ထိုး၊ ၀တ်သားချက်တေလူက ချက်။ သားဦးဖြုလည်း ကိုယ်တနိုင် သူငယ်ချင်းတိနှင့် လုပ်အားဒါနပြူပါသည်။

အလှူပွဲတွင် သူမကို တဖက်သတ်ကြိုက်နီသော အောင်သိန်းကျော်ဆိုရေ အသားမဲမဲ ထောင်ထောင်မောင်းမောင်း လူပျိုကြီးကလည်း ရစ်သိရစ်ကာလုပ်နီသည်။ သျှင်ပြူပွဲ ကောင်းကောင်းစည်သည်။ လူပေါင်းထောင်ချီ၍ လာသည်။ ဘုန်းကြီးတရားဟောသံ၊ သူငယ်ချင်းများက သာဦးဖြူကို နတ်ကတ်သွမ်းကတ်သံ၊ လူများရယ်သံ၊ ပြောသံဆိုသံ၊ လော်စပီကာက ရခိုင်တေးခြင်းသံများဖြင့် တပွဲလုံးရောင်းရောင်းသတ် ဆူဆူညံနီသည်။ ထိုအသံများကို သာဦးဖြူတယောက် နားဖြင့်အတိုင်းသားကြားနီရသည်။

အလှူပွဲပြီးလို့ နိခြင်း (၃) ချက်တီးလောက်တွင် ကောင်းကောင်းညောင်းပါလတ်သဖြင့် သာဦးဖြူပင်ပန်းပြီးအိပ်ချင်လာသည်။ သူ့သူငယ်ချင်းမများကို အိမ်ပြန်လို့ တရီးတမောအိပ်ချင်ကြောင်းပြောသည်။ သူ့သူငယ်ချင်းမများကလည်း "အေး ယင်းပိုင်ဆိုကေ ပြန်လီ၊ ညဇာသားပွဲသိမ်းဖို့ ငရို့လာခေါ်မည်" ဟုမှာလိုက်သည်။ သာဦးဖြူ အိမ်သို့ရောက်၍ အိပ်ရာတွင်ခေါင်းချသည်နှင့် ချက်ချင်းအိပ်ပျော်လားသည်။

အကယ်အမှန် သူမ၏သူငယ်ချင်းများက မိုးထသား (၄) ချက်တီး သျှင်ပြူပွဲကူဖို့ သာဦးဖြူအားလာနှိုးသောအခါ သာဦးဖြူမှာ ပျောက်ခြင်းမလှပျောက်နီသည်။ ရွာလူကြီးနှင့် ရွာသူရွာသားများ ပျောက်ဆုံးနီသော သာဦးဖြူကိုရှာဖို့ အပူတပြင်းစီစဉ်ကတ်ရသည်။ သူမတွင် ရည်စားလည်းမဟိသဖြင့် ခိုးရွာလိုက်စွာလည်း မဖြစ်နိုင်။ ခိုးရွာလိုက်လျှင် ရွာဓလေ့အရ ကြက်ပေါင်တိုက်သံကြားရဖို့။ ယင်းပိုင်လည်း တယောက်မကြား။ မဆမသာဦးဖြူအမိကလည်း တယောက်တည်းသမီးအလိမ္မာအတွက် မျက်ရည်နှင့်မျက်ခွက်ဖြစ်လျှက်ဟိသည်။ သမီးသာဦးဖြူဇာသို့ ပျောက်လားခရေလဲ စဉ်းစားမရဖြစ်နီသည်။ ရွာသားများက သူမလားတက် ရောက်တက်သောနီရာတိုင်းသို့ လိုက်ရှာသော်လည်း လုံးဝမတွိ။ သို့အတွက် ရွာသားများ လူစုလေးစုခွဲလိုက်သည်။ အနောက်ဖက်ကို တစု။ အရှိဖက်ကို တစု။ မြောက်ဖက်ကို တစု၊ တောင်ဖက်ကို တစု။ ယင်းပိုင် အရပ်လေးမျက်နှာသို့ လေးစုခွဲလျှက် လိုက်ရှာသည်။

မြောက်ဖက်ကအဖွဲ့သည် သာဦးဖြူကို ရွာမြောက်ဖက်အဆုံး ကျွဲကူးမြစ်ကမ်းနဖူး ပြာပင်ဂွတွင် ဆောင့်ကြင်ထိုင်လျှက်တွိသည်။ သာဦးဖြူမှာ မျက်စိနှစ်လုံးကြောင်တောင်ဖွင့်လျှက် ဖွတ်ကြင့်ကြင့်နီသည်။ အတွိအကြုံဟိသောလူကြီးများက အဖွဲ့သားများအား အသံတစုံတရာမပြူရန် သတိပီးလိုက်သည်။ ယင်းနောက် အားကောင်းမောင်းသန်အောင်သိန်းကျော်ကို ပြာပင်ထက်သို့ တိုးတိုးတိတ်တိတ်တက်စီပြီး သာဦးဖြူအား နောက်မှဆုပ်ကိုင်လှန့်နှိုးရန် မှာလိုက်သည်။

အောင်သိန်းကျော်လည်း မှာလိုက်သည့်အတိုင်း သာဦးဖြူကို နောက်မှဆုပ်ကိုင်လှန့်နိုးလိုက်ရာ သူမသည် အလန့်တကြားအော်၍ ငိုသည်။ သိန်းကျော်အောင်မှ နောက်ကအားနှင့်ဖက်ထား၍ သာဦးဖြူမှာ ပြာပင်ထက်က ခုန်ဆင်းမဖြစ်လိုက်။ သာဦးဖြူ ပဇာကြောင်းကြောင့် ပြာပင်ထက်တွင် ဖွတ်ကြင့်ကြင့်နီပါသနည်း။

အကျွန်ရို့ ရခိုင်ကျွန်းရွာများတွင် ဂျတ်လူမျိုးများကိုယုံကြည်သော အယူအဆ အခုထက်တိုင်ဟိပါသည်။ ဂျတ်လူမျိုးများသည် အိမ်၊ လူ၊ တော၊ ပွဲလမ်းသဘင်စသည်ဖြင့် အမျိုးမျိုးအဖုံဖုံ ဖန်ဆင်းနိုင်စွမ်းဟိကြောင်းယုံကြည်သည်။ သာဦးဖြူသည် ယင်းနိ မိုးထသား (၄) ချက်မတီးခင်ကပင် ဂျတ်လူမျိုးများလာရောက်ခေါ်ဆောင်ခြင်းခံရသည်။ ပြာပင်ထက်တွင်ထိုင်နီစဉ် သူမ၏စိတ်အာရုံထဲ၌ သူမသည် အိပ်ရာ၌ပင် အိပ်လျှက်ဟိကြောင်း အာရုံရောက်နီသည်။ အလှူ၌ သူမတွိကြုံခရသော အဖြစ်အပျက်အားလုံးသည် အကယ်အမှန်အဖြစ်အပျက်မဟုတ်။ ဂျတ်လူများက ဖန်ဆင်းထားသော အဖြစ်အပျက်များသာလျှင်ဖြစ်သည်။

မှတ်ချက် ။ ။ အေဇာတ်လမ်းသည် ရခိုင်ကျွန်းရွာတရွာတွင် အဂယင့်ဖြစ်ပျက်ခသော ဇာတ်လမ်းတပုဒ်ဖြစ်ပါသည်။ ဇာတ်ကောင်နာမည်များကို ပြောင်းလဲထားပါသည်။ ဖြစ်ရပ်မှန်။

အေးမောင် (ရင်အုံတော်ဓာတ်)

(ဘုရင်မာရယုဘလော့မှ)

ရခိုင်ပြည် တောင်ရင့်ကျွန်း ဟိ ပေါက်တောမြို.နှင့် သ၀င်ချောင်းရွာကြားတွင် တောင်ညိုဟုခေါ်သော ရွာချေတစ်ရွာဟိလီသည်။ ရှိလူကြီးတိက အယင်ခေါက်အခါက ထိုရွာဟိ မဆမ တစ်ယောက်၌
ပင် ရွှေတစ်ပိသာ ပိုင်ဆိုင်ကြောင့် ပြောဆိုကတ်ပါသည်။ ထိုအကြောင်းအရာကို နောက်ကြောင့်ခြီရာခံ လိုက်ကြည့်သောအခါတွင် .... ။
xx xx xx xx xx xx xx xx

သိုက်ဆရာ ထွန်းလှကြိုင်တစ်ယောက် သိုက်ကျမ်းစာအုပ်အဟောင်းတစ်အုပ်နှင့် ဇကုန်အလုပ် သျုပ်နိန်သည်။ စာရွက်တိကို တစ်ရွက်ချင်းစီ စိတ်ရှည်လက်ရှည်လှန်လျက် သူ.စိတ်ကြိုက်လိုက်ချင်သော သိုက်ကားမတွိသိမ်.။
စာအုပ်မဆုံးခင် နောက်ဆုံး ၅ရွက်လောက်အလိုတွင် ထွန်းလှကြိုင်မျက်နှာ မှိုရသောမျက်နှာပိုင် အပြုံးပန်းတိ ၀ီလာသည်။ အကြောင်းမာမှုကား သူ.စိတ်ကြိုက်သိုက်တစ်ခုတွိလိုက်သောကြောင့်ဖြစ်သည်။ ပါးစပ်ကလည်း "တောင်ညိုသိုက်"
ဟုရွတ်လိုက်သည်။ ထို.နောက် သူ.အဖေါ် လွယ်အိတ်အဟောင်းသျှေထဲကို သိုက်လိုက်ရန်လိုအပ်သော တံဇာပလာတိ ထည့်ပြီး ခရီးထွက်လာသည်။ သူနိန်သောရွာက ၁၈မိုင်ခန်.လျောက်ပြီးသောအခါ ပိန္နဲချောင်းကျွန်းအဆုံးကို သူခြီချမိသည်။
ယင်းနောက် ကျွဲကူးမြစ်(တောင်ဖူးမြစ်)ကို ကုတိုးဖြင့် ကူး၌ တောင်ရင်းကျွန်း တောင်ဘက်အစမှ ၂နာရီခန်. ခြကျင်လျှေက်ပြီးသောအခါ တောင်ညိုတောင်ဂူပေါက်တိကို ထွန်းလှကြိုင် လှမ်းမြင်ရသည်။ ထိုတောင်ညိုဂူပေါက် ၄၈ ပေါက်ကို ရခိုင်လက်သမား
၅၀၀ ကတစ်ညဥ့်တည်း ထုလုပ်ပူဇော်ခကတ်ကြောင့် ရာဇ၀င်ဟိသည်။ ထွန်လှကြိုင်လည်း တောင်ညိုဂူပေါက်ဘုရားများကို တ၀ဖူးပြီး အရိပ်ကောင်းသော သရက်ပင်ကြီးတိအောက်တွင် အညောင်းဖြေလိုက်သည်။ ယင်းနောက် သူ.အသက်မွီးဝမ်းကြောင်း
ပညာ သိုက် အလုပ်ကို စဖို. သူ.ခြီလှမ်းတိ တောင်ညိုတောင်ထက်သို. တရွီ.ရွီ. လှမ်းလာသည်။ တောင်ထိပ်ဖျားကို မရောက်ခင် သု.သိုက်စာအုပ်အတိုင်း ကျောက်ဂူဟောင်းသျှေတစ်လုံးကို ထွန်းလှကြိုင် တွိသည်။ "အော်..ဟုတ်တေမလားယေ" ဟုသူရွတ်လိုက်
ပြီး သူ.ခြီလှမ်းတိ ဂူပေါက်ဝ ဘက်ကို ရွီ.လာသည်။ သူဂူပေါက်ဝကို ၀င်လိုက်သောအခါ မထင်မှတ်သော အရာတစ်ခု ထွန်းလှကြိုင်ကို လပြာစိုင်စီသည်။ အလွန်တရာမ ဧရာမ ငန်းမြွီကြီးတစ်ကောင်သည် သူ.ကို ပေါက်သတ်ရန် ဒေါသနှင့် အသျှိန်ပြင်းစွာ
ထွတ်ပါလတ်သည်။ ထွန်းလှကြိုင် အတွိအကြုံဟိသူပီပီ ငါးခူပြုံး ပြုံးလိုက်ပြီး သူလွယ်အိတ်ထဲက ဆီးလုံးများဖြင့် ငန်းမြွီကြီး ပါးစပ်ကို ပစ်ထည့်လိုက်သည်။ ထိုအခါ ထိုမြွီကြီးသည် အလွန်တစ်ရာမှ ယဉ်ကျေးလားပြီး မြီပြင်တွင် ၀ပ်ပီးလေသည်။ ထွန်းလှကြိုင်
ငန်းမြွီကြီးကို စီလျက်ဂူပေါက်ဆုံးသို. ၀င်ရောက်လားလေသည်။ ဂူပေါက်အဆုံးအရောက်တွင် ထွန်းလှကြိုင် အလွန်ပင်စိတ်ပျက်မိလေသည်။သူ.မျက်နှာတွင်ဝမ်းနည်းမှုအရိပ်ရောင်တိထင်ဟပ်လာသည်။ " ယော် သီကတ်ရာမလားဂု။ ဒေလောက်အ၀ီးကြီး
ကနိန်လာစွာ တစ်ခုလေ့မရ။ မီးခွတ်အစုတ်တစ်လုံးရာ ရရေ။" ဟူစိတ်ပျက်စွာပြောလိုက်မိသည်။ ဟုတ်ပါသည်။ထွန်းလှကြိုင် စိတ်ပျက်ဖို.ဆိုကေလေ့ စိတ်ပျက်စရာပါ။ ပဇာကြောင့်ဆိုသော် ဂူ၏အဆုံး ဟောင်းနိန်ရေ စာပွဲထက်တွင် မီးခွတ်အစုတ်တစလုံးက
လွဲပြီးကေ ဇာတစ်ခုမှ ထွန်းလှကြိုင် မတွိခြင်းဖြစ်သည်။ ထွန်းလှကြိုင် လည်းထိုမီးခွတ်ကို ယူဆောင်လျက် စိတ်ပျက်လက်ပျက်နှင့် တောင်အောက်ကိုဆင်းလာရာ ယာလုပ်စားနိန်သော ၀ါကြီးလင်မယားနှစ်ယောက်ကိုတွိလီသည်။ထွန်းလှကြိုင် လည်းရီတစ်မုတ်
တောင်းသောက်လျက် သူ.မီးခွတ်အစုတ်အား ထိုဝါကြီးလင်မယားကိုလက်ဆောင်အဖြစ်ပီးလိုက်လီသည်။
xxxx xxxx xxx xxx xxx xxxxxx xxxx

ဝါကြီးမသည် တစ်နခြင်းလုံးယာအလုပ်ကြောင့် နှနှစ်ခြခြစ်အိပ်မောကျလျက်ဟိသည်။ ၀ါကြီးမအိပ်စွာကိုချောင်းနိန်သောဝါကြီးက ဘိန်းသျှူ ရန် တတိုးသျှေထလိုက်သည်။ ၀ါကြီးသည် သူ.လက်ကျန်ဘိန်းတိ သျှူးလိုက်ပြီး မှိန်နိန်လိုက်သည်။ယကေလေ့ သူ.စိတ်
တွင်ညက သိုက်ဆရာ ပီးလိုက်သောမီးခွတ်အဟောင်းသျှေကို သတိရလာသည်။ ယင်းနောက် ထိုမီးခွတ်ဟောင်းသျှေအား ဂျီးတိကိုချွတ်တိုက်လျက် ရနံဆီထည့်လိုက်သည်။ ထိုနောက် မီးထွန်းလိုက်သောအခါ..."ဇာလိုဘာလေအသျှင်" အသံနှင့်အတူ
ကြောက်ဖို.ကောင်းသောဘီလူးကြီးတစ်ကောင် မီးခွတ်ထဲမှထွတ်လာပြီး ၀ါကြီးရှိတွင်ဒူးထောက်ခစားလီသည်။ အဖိုးဝါကြီးလည်း လပြာစိုင်အောင်ကြောက်ကြီးသန်ဖက်ဝင်လျက် မီခွတ်ကိုမှူတ်သတ်လိုက်သည်။ မီးခွတ်မီးသီလားသောအခါ ထိုဘီလူးကြီးသည်
မီးခွတ်ထဲဝင်လျက် ပျောက်ကွယ်လားလီသည်။ အင်ဒန်ချေကြာပြီးနောက် အဖိုးဝါကြီးသည်ဘီလူးကြီးပြောသောစကားကို ပြန်လည်သုံးသပ်လျက်ဟိသည်။ "ဇာလိုဘာလေအသျှင်၊ ဇာလိုဘာလေအသျှင်၊ ဒေချင့်တော့ခါ တစ်ခုခုယာ။"ဟု နှုန်းချင်းတည်း
ရွယ်ရွတ်ပြောဆိုပြီး မိမိ၏စိတ်ကို ဂီယာတင်လိုက်သည်။ ယင်းပြီးနောက် မီးခွတ်ကို အရာတစ်ခေါက်ပြန်ထွန်းလိုက်ရာ ထိုဘီလူးကြီးသည် "ဇာလိုဘာလေအသျှင်" ဆိုသောအသံနှင့်အတူ မီးခွတ်ထဲမှထွတ်ပါလတ်သည်။ အဖိုးဝါကြီးလည် ဘိန်းအလွန်ကြိုတ်တတ်
ရေလူဖြစ်ရာ "ဘိန်း" ဟုတောင်းလိုက်မိသည်။ ဘီလူးကြီးလည်းတစ်ချက်ပြုံးပြီး ၀ါကြီးအား ဘိန်းတစ်တုံးပီးလျက်မီးခွတ်ထဲသို.ပြန်ဝင်လားလီသည်။ နောက်တစ်ရက်မိုးလင်းသောအခါ ၀ါကြီးမှာ အလွန်ပင်ထူးဆန်းနိန်သည်။ မျက်နှာတစ်ခုလုံး အပြုံးတိနှင့်
ပြည့်လျက်ဟိသည်။ ၀ါကြီးမ ပေါက်တောကို ဇီးပြုဖို.လားသောအခါတိုင်း "ဟေ..ငါ့အတွက် ဘိန်း တစ်စိချေ ၀ယ်ခဘလင်" ဟု ၀ါကြီးမအား အသျှေတစ်ယောက်ပိုင်ပူဆာတတ်သောဝါကြီးသည် အဂုယပိုင်မမှာတတ်သည်မှာလည်း ၀ါကြီးမ တွတ်သံသယဖြစ်စရာ
ဖြစ်လာသည်။ ရက်အင်ဒန်ကြာပြီနောက် ၀ါကြီးမသည် အင့်မခံတော့ဘဲ ၀ါကြီးအား သူ.လျှို.၀ှက်ချက်ကိုပြောပြရန် မဟုတ်ပါ အိမ်ကဆင်းလားရန် ရာဇသံပီးလိုက်သည်။ ၀ါကြီးလည်း အသျှေကပင် တစ်သက်လုံးအလိုလိုက်လာသော သူ.၀ါကြီးမအား အကြောင်းစုံ
ဖွင့်ပြောပြလိုက်လီသည်။" အေးဟိုင်း ယင်းမီးခွတ်ထဲက ဘီးလူးကြီးလေ ငါ့ကို တစ်နိ ဘိန်းတစ်တုံးစီ ပီးနိန်လို. နင့်ကို ငါ မမှာစော်။"ဟု ၀ါကြီးဝန်ခံပြောလိုက်သည်။ထိုအခါဝါကြီးမက " အော် ဘလောက်တော်လေချက်ကြည့်ဇမ်၊ ဇာလိုဘာလေအသျှင်
ဆိုရေ ဘီးလူးဘားက ဘိန်းရာ တောင်နိန်လီယာ။ ဇာမာလေ ယင်းမီးခွတ်။" ဟု ၀ါကြီးကို အော်ငေါက်တောင်းလိုင်လေသည်။ ယင်းနောက် လင်မယားပြိုင်တူထိုင်လျက် မီးခွတ်ကိုထွန်းဖို.ပျင်လိုင်စဉ် ၀ါကြီးက "ဟေး ဘိန်းတောင်းကို ဘိန်းပီးကေ ရွှေတောင်း
ကေလေ့ ရွှေပီးဖို.လားမသိမ့်ယာ"ဟုပြောလိုက်ရာ ၀ါကြီးမက "တိန်းလို.နိန်ဆရာမခံကေ့ ငါကြည့်လုပ်မေ" ဟုဆိုကာဝါကြီး ပါးစပ်ကို ပိတ်လိုက်သည်။ ယင်းနောက် ၀ါကြီးမက မီးခွတ်ကို မီထွန်းလိုက်ရာ ဘီလူးကြီးသည်"ဇာလိုဘာလေအသျှင်" ဆိုသောအသံနှင့်
တပြိုင်းတည်းထွတ်ပေါ်လာသည်။ ထိုအခါ ၀ါကြီးမ က "ရွှေ"ဟု တစ်လုံးတည်းပြောလိုက်သည်။ဘီလူးကြီးလည်း အဘောင်တောင်းသော ရွှေ လိုသလောက်ပီးပြီးမီးခွတ်ထဲသို.၀င်ရောက်ပျောက်ကွယ်လားလေသည်။ဝါကြီးမ လင်မယားလည်း ရွှေတိကို ဘောက်သာ
အိတ်များနှင့်ထုတ်လျက်သိမ်းဆည်းပြီး တစားဇာစီ ပေါင်တောမြို.၌ ပေါင်နှံရောင်ချလျက် ပျော်ရွင်စွာနိန်ထိုင်စားသောက်လျက်ဟိကတ်လေသည်။ လအင်ဒန်ကြာပြီးနောက်ဝါကြီးသည် နနွမ်းပပါးနှင့် သိုက်ဆရာထွန်းလှကြိုင်ကို အတွက်ပေါ်လာလီသည်။
သူ.ကျေးဇူကြောင့် သူရို.လင်မယား အဂုပိုင် မကြောင့်ကြမတောင့်တဘဲ နိန်နိုင်ခရေ မဟုတ်ပါလော.။ ထိုနောက် ၀ါကြီးသည် ၀ါကြီးမကို ခေါ်လျက်" ၀ါကြီးမ.. ငရို.တိလည်း အိုလာယာ။ဒေရွှေတိကို ဒေတသက် စားလို.လဲကုန်ဖို.မဟုတ်။ထိုသိုက်ဆရာသျှေ ကျေးဇူး
ကိုလေ့ ငရို.မမိသင့်။ယင်းသူကို လိုက်ရှာပြီးကေ ဒေမီးခွတ်ကိုပြန်းပီးလိုက်ကတ်မေ ဟိုင်.." ဟုအကြံပီးလေသည်။ ၀ါကြီးမ လည်း သဘောတူသဖြင့် ၀ါကြီးသည် သိုက်ဆရာကို ခြီရာကောက် ရာ ထိုသိုက်ဆရာသည် သ၀င်ချေုာင်းရွာတွင်လောင်းကြီးတစ်စင်း
ဖြင့်ခရမ်းသီးရောင်းနိန်ကြောင့် သတင်းရဟိလီသည်။
xxxxxx xxxxxxxx xxxxx xxxx xxx

သိုက်ဆရာ ထွန်းလှကြိုင်သည် လောင်းကြီးထက်၌ သူ.ခရမ်းသီးတိ အကြောင်းအော်ဟစ်ရောင်းချနိန်စဉ် ၀ါကြီးတစ်လုံးကသူ.နာမည်ကို လှမ်းခေါ်နိန်သည်ကိုသတိပြူမိလိုက်သည်။ နောက်သို.ပြန်လည့်ကြည့်လိုက်သောအခါ တောင်းညိုတောင်၌ ယာလုပ်
စားနိန်သော ၀ါကြီးဖြစ်ကြောင်းချက်ချင်းသတိပြုမိလိုက်သည်။ " ယော် အဖိုးဘာယာ မလား၊ ဇာကိစ္စဟိပါလေ။ကကောင်းဘပြင်းကြီးဘာကာ။" ဟုမီးလိုက်သည်။ ထိုအခါ အဖိုးက"ကိစ္စကိုတော့ခါ မမိန်းကေ့ဖိ၊ မင်းခရမ်းသီးလောင်းကိုထားခ။ မင်း ငါ့နောက်ကို
အဂုလိုက်လတ်။ ငါ့ အိမ်ကိုရောက်ခါ အကြောင်းစုံသိလိမ်.မေ"ဟုပြောလေသည်။သိုက်ဆရာ ထွန်းလှကြိုင် အစတွင်ငြင်းဖို.ပျင်နိန်သော်လည်း သူ.မီးခွတ်အစုတ်ကို သတိရလိုက်ပြီး "ဒေချင့်တော့ခါ တစ်ခုခု" ဟုစိတ်ကူးမိလိုက်ပြီးသူလွယ်အိတ်ကို ကမမ်းကတမ်း
လွယ်လျက် ၀ါကြီးနောက်က လိုက်ပါလာလေသည်။ အိမ်သို.ရောက်ရောက်ချင်း ၀ါကြီးလင်မယားနှင့်အတူထိုင်လိုက်စဉ် ၀ါကြီးက မီးခွတ်ကို မီးထွန်ဖို.ပြင်လိုက်ပြီး "ကြည့်နိန်ကား မင်း"ဟုထွန်းလှကြိုင် ကို ပြောလိုက်သည်။ မီးခွတ်ကို မီထွန်းလိုက်ရာ ဘီလူးကြီးသည်
"ဇာလိုဘာလေအသျှင်" ဆိုသောအသံနှင့်တပြိုင်းတည်းထွတ်ပေါ်လာသည်။ ထိုစဉ် သိုက်ဆရာ ထွန်းလှကြိုင်သည် အခွင့်အရီးကို လတ်လွတ်မခံနိုင်ဘဲ သူ.မှာပါလာသော ဆီးကြိမ်လုံးနှင့် ဘီလူးကြီးကိုရိုက်သတ်လိုက်ရာ ဘီလူးကြီးသည် အသက်ထွက်လျက်
ရွှေတုံးအသွင်သို.ပြောလဲလားလီသည်။ သိုက်ဆရာ ထွန်းလှကြိုင်သည်လည်း ဘီလူးကြီး၏မျက်လုံးတစ်စုံကို လျင်မြန်စွာဖောက်လျက်မျိုချလိုက်သည်။ ၀ါကြီးသည် အလွန်ဘင်အံ့အြ သင့်လျက် သိုက်ဆရာ ထွန်းလှကြိုင်အား" အဝေး မင်းဘဇောင် လူလဲ
တောင်းသမျှကို ပီးစွာဘီလူးကို သတ်ပိုက်တေထောဒေသူ" ဟုစိတ်ပျက်စွာပြောလိုက်သည်။ ၀ါကြီးစကားမဆုံးခင်သိုက်ဆရာ ထွန်းလှကြိုင်သည် ၀ိဇာ ရလျက် ကောင်းကင်သို.ပျံတက်လားပြီး ၀ါကြီး၊၀ါကြီးမ တဲအိမ်ထ၌ ရပ်နားလျက်" အော်..အဖိုး နန်.အဘောင်
အကျွန်. ဆန္ဒတိပြည့်ဘာယာ၊ အဖို.ရို. အဘောင်းရို.မာလေ့ ရွှေတိ ဒေတသက်စားလို. မကုန်ဘာယာ။ ရွီတုံးဖြစ်လားခရေ ဘီးလူးကြီးကို တောင်ညို ရွာသားတိကို တစ်ယောက်တစ်ဖဲ့စီ ၀ီပီးလိုက်ပါ။ကျေးဇူးတင်ပါရေ။ အကျွန်လားပါယာ၊ နှတ်ဆက်ခပါယင့်"
ဟုပြောဆိုလျက် အာကာထက်ကို ပျံတက်ပျောက်ကွယ်လားလီသည်။



(မှတ်ချက် ။ ။ အသျှေခါ ကြားဖူးခသော ၀တ္ထူ သျှေတစ်ပုဒ်ကို ဇာတ်လမ်းအသွင်ဖန်းတီးရွီးသားထားပါသည်။)

ဆက်လက်ကြိုးစားနိန်ရေ။

အေးမောင်(ရင်အုံတော်ဓာတ်)
၁၆၊၀၅၊၀၉(၁၄:၃၄)

(ဘုရင်မာရယုဘလော့မှ)

သိုက်ဆရာ ငလုံးတောင်တစ်ယောက် ဒယော ကားရားကားရားနှင့် တစ်ရွာဝင် တစ်ရွာထွက်နှင့် လူငယ်စုဆောင်းရီးလုပ်နိန်သည်။ သူသည် စိတ်ထားကြံ့ခိုင် ထထောင်မမောင်းလူငယ် အယောက် (၂၀) လိုအပ်လျက်ဟိသည်။အကြောင့်မူကား ထို
လူငယ်ချေတိကို သူ. သိုက်စာအုပ်ညွှန်ကြားချက် ဆင်ဒမော် တောင် သိုက်လိုက်ရာတွင် အသုံးပြုရန်ဖြစ်သည်။ ဆင်ဒမော် တောင်သည် ပိန္နဲချောင်း ရွာနှင့် ချင်ရွာ ကြားတွင်ဟိသည်။ ထိုတောင်သည် ရဖီးချပ်တောက် အနီး ကျွဲကူးမြစ်အစ မှနိန်၍ ပိန္နဲချောင်း
ကျွန်းကို ကန်.လန်.ဖြတ်လျက် မြင့်ဂါရွာသစ် အနီး တွင်အဆုံးသတ်သည်။ ထိုတောင်စွယ်၊တောင်းတန်းများသည် ပိန္နဲချောင်းကျွန်သားများ၏ သက်မွီးဝမ်းကျောင်းအလုပ်တစ်ခုဖြစ်သော တောင်ယာလုပ်ငန်းအတွက် အသက်သွီးကြောများဖြစ်သည်။
ထိုတောင်တန်းများထက်တွင် မြတ်စွာဘုရား၏ ဓာတ်တော်များဖြစ်တော်မူသော လျှာသျှေဓာတ်၊ မာလာဓာတ် စသဖြင့် ကိန်းဝပ်စံပယ်လျက်ဟိကတ်သည်။ သိုက်ဆရာ ငလုံးတောင်သည် ကျွန်တစ်ကျွန်းလုံး ကုန်အောင်ရှာမှ ထိုလူငယ်(၂၀)ကို စုဆောင်း
မိလေသည်။ ပဇာကြောင့်ဆိုသော် သိုက်လိုက်ခြင်းအလုပ်သည် ကံကောင်းလျှင် လရဒတ် ဖြစ်နိုင်ရေပိုင် ကံမကောင်းလျှင် အသက်အန္တရာယ်ကြုံရနိုင်သည်ကို ထိုကျွန်းက လူငယ်တိ နားလည်ထားကတ်သည်။ ထိုလူငယ်(၂၀)ကို သိုက်ဆရာသည် သူ.ရို.တာဝန်
ယူရဖို.အပိုင်းကို စိန်ပြေနပြေ သျှင်းပြနိန်သည်။ "မင်းရို.တိ အသေအချာမှတ်ထားကတ်၊ မင်းရို. တောင်ထက်ကိုရောက်စွာနန်. အေးရမ ကျောက်ရဲတိုက်ကြီးတစ်ခုတွိလိမ့်မေ၊ ယင်းတိုက်အိမ်ကြီးမှာ ပြတင်းပေါက် အပေါက်(၂၀)ဟိရေ။ ပြတင်းပေါက်တစ်ပေါက်
မှာ တစ်ယောက်ကျစီတာဝန်ယူရဖို.။ ယင်းပိုင်တာဝန်ယူနိန်ရေခါ ... မင်းရို.ဘက်ကို နတ်သမီးချေတိပိုင် တဗျင်းလှရေ မမချေ တိ လာမြူဆွေကတ်လိမ့်မေ၊ မင်းရို.လုံးဝ စကားပြန်မပြောကေ့၊ သူရို.ဘားက လက်ဆောင်တိကိုလေ့ မယူဂေ့" ။ ၊ယင်းပိုင် အသေ
အချာမှာလေသည်။

လူငယ်ချေတိကလည်း ကတိ တိပီးပြီးနောက် သူရို.ခြီလှမ်းတိကို ဆင်ဒမော် တောင်သို. စတင်ရွိလိုက်ကတ်သည်။ မညုင်းကိုင်းချောင်းကို ဖြတ်၍ စိမ်းစိုသော စပါးခြင်းတိကို ၁ နာရီးခန်. ဖြစ်သျှောက်ပြီးနောက် ဆင်ဒမော်တောင်သို.ရောက်
ဟိလီသည်။ သိုက်ဆရာငလုံးတောင်သည် မြေပုံတစ်ခေါက်ကြည့်လိုက် ကွမ်းတစ်ရာ စားလိုက်နှင့် ထိုသိုက်ဟိရာသို. လူငယ်တိကို ဦးဆောင်ခေါ်လာသည်။ တောင်ထက်သို.အရောက် နောက် မိနစ်(၂၀)ခန်.ကြာလားပြီးနောက် ထိုရဲတိုက်ကြီးကို တွိရလေသည်။
သိုက်ဆရာက တန်းခါးမကြီးနားအရောက် နာမည်မသိသော ဂါထာတစ်ပုဒ်ရွက်လိုက်ပြီးနောက် တန်းခါးမကြီး အလိုအလျှောက်ပွင့်ကျလာလေသည်။ သိုက်ဆရာ ငလုံးတောင်သည် လူငယ်ချေတိကို ပြတင်းပေါက်(၂၀)တွင် တစ်ယောက်စီတာဝန်ချထားလိုက်ပြီး မိမိကမူ အဆောက်အအုံကြီး အနောက်ဘက်ကို ဦးတည်သျှောက်လားလီသည်။ ကကောင်းမကြာလိုက် အလွန်တစ်ရာမှ ထူးဆန်း၊မွီးကြိုင်လှသော မမ ကိုယ်သင်းအနံ.တစ်ခု နှင့်အတူ နတ်သမီးသမျှလှပသော အပျိုမချေတစ်ကျိပ် အပြုံးပန်းကိုယ်စီနှင့် လူငယ်ချေတိဘက်ကို ချဉ်းကပ်လာသည်။ သိုက်ဆရာငလုံးတောင်၏် "အဝေး သတိထားကတ်၊ငါ ရွှေတိ၊ငွေတိကို အထုပ်နန်.ထုတ်နိန်ယာ၊တစ်ချက်ချေ" ဟုသောအသံသည် လူငယ်ချေတိကို သတိဝင်စီလိုက်ပြီး လူငယ်ချေတိကလည်းစိတ်ချ ဟုပြန်ပြောလိုက်သည်။ ထို မမချေတိ ပြောဆိုသောအသံများသည် နတ်စောင်းတီးသံပိုင် နားဝင်ချိုလှပြီး ဧည့်ခံသော အစာအဟာရရို.သည် မြင်လိုက်သည်နှင့် လျှာရည်ပပေါက်ကျစီသည်။ ယကေလေ့ လူငယ်ချေများသည် သမာဓိကို အာရုံပြုလျက် စိတ်ဓာတ်ကြံ့ခိုင်သောကြောင့် ထိုမမ ချေတိ မာယာ ကျော့ကွင်းက လွတ်ကင်းလျက်ဟိသည်။ ၁၉ ယောက်မြောက်သော လူငယ်ချေတိထံမှ တုန်.ပြန်မူတစ်စုံတစ်ရာ မရဟိသောကြောင့် ထိုအလှမယ်ရို.တိ နောက်ဆုံးတစ်ယောက်ဘက်ကို ဦးတည်သျှောက်လာလီသည်။

" မောင်ကြီးနီကောင်းပါယင့်လား၊ ဒေမှာ အကျွန်ညီမချေ အငယ်ဆုံးကို တစ်ခေါက်လောက်ကြည့်ပါ" စသည်ဖြင့် မိတ်ဆက်ချဉ်းကပ်လာလေသည်။ ထို မမချေတိထဲတွင် အလှဆုံးဖြစ်သော ထိုမမချေနှင့်လူငယ်သည် မျက်စိတစ်ချက်အဆုံခံရပြီးနောက် တင်းထားသော သမာဓိတိ အရည်ပျော်လားလီသည်။ ထိုမမချေက ထိုလူငယ်ချေ အပါးသို.တိုးကတ်လာပြီး စကားစမြည်ပြောလေသည်။"မောင်ကြီး ၊ မဟုတ်စွာတိကို လုပ်မနိန်ပါဂေ့။ မောင်ကြီးပိုင် စိတ်ကောင်းနှလုံးကောင်ဟိရေ လူတစ်ယောက်က ဒေပိုင်စွာတိကို မလုပ်သင့်ပါ။ ညီမချေ မောင်ကြီးကို မြင်မြင်ချင်းစွဲလမ်းမိလို. ဒေပိုင်ပြောစွာပါ။ မောင်ကြီးရာသဘောတူရေဆိုကေ နှမချေနန်.မောင်ကြီးတသက်လုံး အတူနိန်နိုင်ပါရေ" စသဖြင့် သွီးဆောင်ဖျားယောင်းလီသည်။ ထိုလူငယ်လေ့ စိတ်ညွတ်ပါလတ်လျက်"နှမချေပိုင် အလှမျိုးမောင်ကြီးဘ၀မှာ တစ်ခါလေ့ မမြင်ဖူးပါ" ယင်းပိုင်ပြန်ပြောမိလီသည်။ ယင်းနောက်ထို မမချေက" မောင်ကြီး အကျွန်. ကိုပိုင်ဆိုင်သျှင်ကေ၊အကျွန်.နန်. အတူနိန်ချင်ရေ ဆိုကေ ဒေပတီချေကို လိုင် မှာဆွဲလိုက်ပါ။ မောင်ကြီးပိုင်ဆိုင်ချင်စွာတိ အားလုံးပြည့်လားပါလိမ့်မေ" ဟုပြောလျက် ထိုပတီးကို လှမ်းပီးလေသည်။ထိုလူငယ်သည် သိုက်ဆရာ ငလုံးတောင်၏ မယူဂေ့ ဟုသော အသံကို အလှပလှ မကြားနိုင်ဘဲ ထိုမမချေ၏ အပြုံးတိကြား ဖယောင်းတိုင်ပိုင် အရည်ပျော်ကျလားလီသည်။ ထိုလူငယ်သည် ပတီးကို လိုင်ဘင်း၌ စွတ်လိုက်သည်နှင့် အလွန်ကြီးမားသော ရီလုံးကြီးများ ပြတင်းပေါက်တိက ၀င်ရောက်လာကတ်ပြီး တောင်တစ်ခုလုံး ရီပြင်ကြီးအဖြစ်သို.ပြောင်းလဲလားလီသည်။ သိုက်ဆရာနှင့် ထိုလူငယ် ရို.သည် ကမ်းမမြင်သော ထိုရီပြင်ကျယ်ကြီးတွင် မိနစ် ၂၀ မျှဇောနှင့်ကူးခတ်ပြီးနောက် ကကောင်းညောင်းလာတက်ပြီး သီဘေးနှင့်ရင်ဆိုင်နိန်ကတ်ရလီသည်။

ဆလီဖက်ရန်ရွာမှ ကုလားတစ်စုသည် ဆင်ဒမော် ရွာတွင် ဆန်ရောင်းရန် ထိုတောင်သို. ဖြတ်ကျော်လာကတ်လီသည်။ ထိုကုလားများသည် နခြင်းကြောင်တောင် တောင်ထက်၌ ရီကူးနိန်သော ထိုလူ ၂၁ ယောက်အား မြင်သော် ဆို.အောင်ရယ်ကတ်လျက်၊ ပါးစ မှလည်း "လူရို. ကြည့်ချက်..ဟဟဟဟ... ရခိုင်ဆားတိ တောင်ထက်မှာ နခြင်းတတောင်ရီကူးနိန်ကတ်တေ၊ ကကောင်းရှုး ရေကာ ဟေဆူရို." ဟုအော်ပြောလိုက်လီသည်။ ထိုအသံကြောင့် သိုက်ဆရာ နှင့် လူငယ်တိ သတိပြန်ဝင်လာလျက် ရီများလည် အလိုအလျောက် ပျောက်ကွယ်လားလီသည်။ သွီးရဲရဲ၊သံရဲရဲ နှင့် အသက်ဘေးမှ အင်ဒန်ချေရာ လွတ်လားခသော ထိုလူ(၂၁) ၏ စိတ်ခံစားမူ အတွိအကြုံကို ထိုကုလားတိ နားလည်နိုင်မည်မဟုတ်ပါ။

အေးမောင်(ရင်အုံတော်ဓာတ်)
၁၈၊၀၆၊၀၉( ၂၀:၅၄)

(ဘုရင်မာရယုဘလော့မှ)

ဒယော နနွမ်း၊အင်္ကျီ နနွမ်းနှင့် လူတစ်ယောက်မီးကျောင်းတက် ရွာသို. ချဉ်းကပ်လာသည်။ ထိူလူ၏ မျက်နှာမှာ သန်.ရှင့်ကြည်လင်လျက်ဟိပြီး အပြုံးပန်းတိ ဝေဆာနိန်သည်။ ထိုလူသည် လမ်း၌တွိသောလူများကို ဖဖော်ရရွယ်နှုတ်ဆက်ပြီး သတင်းမီးမြန်း
သောကြောင်း ဆုံတွိရေလူတိက ကကောင်းသဘော မနှော ဖြူစင်ကြောင်းမှတ်ချက်ပီးကတ်လေသည်။ ထိုလူ၏ နံမည်မှာ စိန်ကျော်လှဖြစ်ပြီး၊ မီးကျောင်းတက်ရွာသို. လာခြင်းအကြောင်းရင်းကို ယင်းသူကလွဲပြီးကေ တစ်ယောက်လဲ သိနိုင်ဖို.မဟုတ်ပါ။ ယကေလေ့
စိန်ကျော်လှ အမူအရာကို သုံးသပ်ခြင်းအားဖြင့် သူသည် ခရီးဝီးက လာသူ သူစိမ်းတစ်ယာက်ဟုတ်သည်မှာ သေချာပါသည်။ ထူးဆန်းသည်မှာ စိန်ကျော်လှသည် ရွာငယ်၊လူရွယ်တစ်ယောက်ဖြစ်ပြီး၊ လူသူခရီးမလားသော
မိုးရာသီတွင်မိကျောင်းတက်ရွာလူကြီးအိမ်သို.ဦးတည်လာနိန်ခြင်းဖြစ်သည်။ ရွာလူကြီးအိမ်သို.အရောက် ရွာလူကြီးက " ဇာ အကူအညီ ပီးရဖို.လဲ မောင်သျှေ" ဟုမီးသောအခါ ။ စိန်ကျော်လှက " ဟုတ်ပါယင့် အခင်ကြီး၊ အကျွန်နံမည် စိန်ကျော်လှလို.ခေါ်
ပါရေ၊ အဂုပိုင် မိုးရာသီမှာ ဒေရွာကို လာရစွာက ၊ဒေမိကျောင်းတက်ရွာမှာ လယ်တစ်မိုးအငှားခံ ချင်လို.ပါ၊ တစ်နှုစ်ကိုစပါးအတောင်း ၁၀၀ ပီးပါ" ဟု ပပွင့်လလင့် ပြောလာသောပြောလာသော စိန်ကျော်လှအား ရွာလူကြီးက တွိတွိချင်းသဘောကျလေသည်။
"အေး၊ မောင်ချေ... အခင်ကြီးရို.မှာလဲ၊ လယ် ၀ါး ၂၀၀၀ ကျော်တောင်ဟိရေ၊ အငှားသား နောက်ထပ် တစ်ယောက်လိုနိန်စွာနန်. ကွတိယာ။ မင်း ငါရို.အိမ်မှာ နိန်။ ငါရို.အိမ်မှာလုပ်ဖိ" စိန်ကျော်လှသည် ပျော်လုံးဆို.လျက်" အကျွန် သစ္စာဟိဟိ၊အလုပ်ကြိုး
စားလုပ်ပါမေ။ အခင်ကြီး၊ ကကောင်းကျေးဇူတင်ပါရေ၊" ဟုကတိပီးလိုက်လေသည်။ ထိုနောက် ရွာလူကြီး သည် သူသမီး အငယ်ဆုံး စိန်သန္တာ အား စိန်ကျော်လှ နှင့် မိတ်ဆက်ပီးလေသည်။ ပပွင့်လလင့်နှင့် ခင်မင်စရာ ကောင်းသော စိန်ကျော်လှအား ရွာ
လူကြီးသမီးမှာမြင်မြင်ချင်း ခင်မင်မိလေသည်။
xxxxxxxxxx xxxxxxxxx xxxxxxxxxxxxx xxxxxxxxxxxxxxxxxx

စိန်ကျော်လှသည် အလုပ်ကို မခိုမကပ်လုပ်ပြီး အစီအမံကောင်းမူးကြောင်း ရွာလူကြီးလည်းတစ်နှစ်ထက် တစ်နှစ်ချမ်းသာလာလေသည်။ သုံးနှစ်၊သုံးမိုး မခိုမကပ် အလုပ်ကြိုးစားလုပ်သော စိန်ကျော်လှအား မိကျောင်းတက် တစ်ရွာလုံးက ကိုယ်ရွာသားအရင်း
ခခေါက်ပိုင်ခင်မင်ကတ်လေသည်။ စိန်သန္တာမှာလေး စိန်ကျော်လှကို စိတ်ထဲ၌ ကြိတ်၍ ချစ်စိတ်ဝင်နိန်လေသည်။ ယကေလေ့ စိန်ကျော်လှမှာ သူမကို မောင်နှမ အချစ်နှင့်ရာချစ်နိန်သောကြောင့် နားမလည်နိုင်ပါ။ ပုရွက်စိနှင့်သကာမှာ သကာလာရိုးထုံးစံ
မဟိပါ။ အမှန်မှာ စိန်ကျော်လှလည်း သူမကို မိတ္တာ သက်ဝင်လျက်ဟိပြီး အထင်လွဲမှာ;မည် စိုးသောကြောင်ဟန်ဆောင်နိန်ရခြင်းသာဖြစ်ပါသည်။

တနိ။ စပါးပင်ချေတိ လီပွီချေတိနန်.အတူ ယိုင်းနွဲကနိန်သည်။ စိမ်းစိုနိန်ရေ စပါးပင်ချေတိကြား၊ အီးမြကြည်လင်ရေ လီချေတိသျှူလျက် စိန်ကျော်လှ တစ်ယောက်ထဲပျိုးနှတ်နိန်လေသည်။ စိတ်ထဲမှာလည်း လီးနိန်ရေပိုင်၊ပေါ့နိန်ရေပိုင်ခံစားနိန်ရသည်။
အမည်ဖော်မပြနိုင်သော စိတ်အာရုံတစ်ခုနှင့် စိန်ကျော်လှကျင်ကိုင်နိန်ရသည်။၁၁နာရီ ကျော်လားစွာကိုပင် စိန်ကျော်လှအရိပ်မကျလိုက် စိန်သန္တာ ထမင်းကျိပ်ဆွဲလျက် ကန်းသင်းထက်က လှမ်းခေါ်မှ သတိပြန်ဝင်လာသည်။ "ကကောင်းအလုပ်ကောင်းစွာ
ပါမလား၊ အသူအတွက်ချင့်၊ ထမင်းလားစား အနားယူခလိုက်ပါဖိ၊ကိုစိန်ကျော်လှ" ဟုစိန်သန္တာက ရီလာမြောင်းပီး အစဖော်ပီးလိုက်သည်။ စိန်ကျော်လှသည် သူမကို တစ်ချက်ကြည့်လိုက်ပြီး ခမောက်ထက်၌ထိုင်လျက် ထမင်းကို မစားချင်၊စားချင်စားနိန်သည်
။စိန်သန္တာကိုလည်း စကားတစ်ခွန်းလေ့ပြန်မပြောပါ။ စိန်သန္တာ လေ့ စိန်ကျော်လှကို နားမလည်စွာနှင့် တတိန်းချေ အကဲခတ်နိန်သည်။ တနားချေ အကြာတွင်စိန်ကျော်လှသည် တစ်စုံ တစ်ခုကို ဆုံးဖြတ်ချလိုက်ပြီး စကားစလာသည် " သန္တာ.... နင့်ရို.အိမ်မှာ
ငါ အလုပ်လုပ်စွာ ၃ နှစ် ၃မို. ကြာယာဟေ......။ ငါ့ကို အနှုံလက်နန်. ရွှေခွက်ကို နှိုက်ချင်ရေလို. မစွပ်စဲကေ့ ဖိ..။ ထိုမှာ ကြည့်လိုက် စပါးပင်ချေတိ ယိန်းက နိန်ကတ်တေမလား။ ယင်းစပါးချေတိပိုင် ငါ့နှလုံးသားလေ့ နင့်နန်. စဆုံတွိရေ နိကပင်......"
စိန်ကျော်လှ စကားမဆုံလိုက် စိန်သန္ထာ လယ်စွ ကန်းသင်းတိအတိုင် အ၀ီးကို ပြီးထွက်လားလီသည်။ စိန်ကျော်လှမှာ သူ.စကားလွန်လားသည်အထင်နှင့် သူမနောက်သို. ထမင်းလောင်ပွန်းကိုချလျက် အပြီးလိုက်လာသည်။ အဆုံးမဟိသော စိမ်းစိုရေ လယ်ပြင်တိကို
ဖြတ်လျောက်ဗြီး ပြီးနောင် စိန်သန္ထာဗြုန်းဆိုရပ်လိုက်သည်။ စိန်ကျော်လှ သည် သူမအပါးသို. စိုးရိမ်စိတ်နှင့်တိုးကတ်လိုက်ပြီး မျက်နှာချင်းဆိုင် ဆိုင်လိုက်စဉ်တွင် သူမမျက်နှာတွက် အပြုံးတိ မိုးရာသီ ပန်းချေတိပိုင် ပွင့်လန်းနိန်သည်မြင်လိုက်ရသည်။
စိန်ကျော်လှသည် ၀မ်းသာလုံးဆို.လျက် စကားအထစ်ထစ်ဖြင့် " သန္ထာ.... နင်... ငါ့..ငါ့ ကို ချစ်တေ မလားယေနန်း" ဟုပြောဆိုလျက်မိမိ၏ အချစ်ချေကို ရင်ခွင်ထဲ ထိုးသွင်းပွေ.ဖက်လိုက်သည်။ စိန်သန္ထာလေ့ အလိုက်သင့်လိုက်ပါလျက်" အေမှာ စောင့်နိန်
ရစွာ ၃နှစ် ၃မိုးဟိယာ၊ ကိုစိန်ကျော်လှ" ချစ်စဖွယ်ပြောလိုက်ချိန်တွင် ချစ်သူနှစ်ယောက်ရို.၏ နှလုံးသားများသည် စိမ်းစိုသောစပါးပင်ချေ၊လီပွီချေနန်.အတူ ယိန်းနွဲလိုက်ပါ ကခုန်နိန်ကတ်လီသည်။

စိန်သန္တာနှင့်စိန်ကျော်လှရို. မင်္ဂလာပွဲသည် တအုန်းအုန်းစည်ကားလီသည်။ ထိုဇနှီမောင်နှံရို. ၏ နှစ်လ၊ရက်များသည် သာယာချမ်းမြေ့၊ပျော်ရွင်စွာကုန်ဆုံးလားလီသည်။ ၁နှစ်နှင့် ၅ လကြာပြီးနောက် စိန်သန္ထာကိုယ်ဝန်ရလီသည်။
xxxxxxxxx ၀၀၀၀၀၀၀၀၀၀၀ xxxxxxxxxxxxxx xxxxxxxxxxxxxxxxxxxxxxxxxxxxxxxxx

စိန်ကျော်လိူင်သည် သူ၏ ဂွ တွင် ကျွဲကျောင်လျှင်အနားယူရန်အတွက် တဲအိမ်ဆောင်လျက်ဟိသည်။ သူသည် အလုပ်၌စိတ်မ၀င်စားဘဲ ဂနာမငြိမ်ဖြစ်လျက်ဟိသည်။ အုန်းမိုးနိန်သောသူ၏လက်များသည် တုန်လျက်ဟိပြီး ချွဲများလည်း အလုံးလိုက်
ကျလျက်ဟိလေသည်။ သူ၏မျက်လုံးအစုံသည် ပဠေဠိ ဆန်လျက်ဟိပြီး တစ်စုံတစ်ခုကို အလေးအနက် စဉ်စားနိန် နှင့် ၀မ်းနည်းဝမ်းသာ ရောပွတ်လျက်ဟိသည်။ ကကောင်းမကြာလိုက် သူသည်ဆုံးဖြတ်ချက် အခိုင်အမာ ချလိုက်ပြီ တဲအမိုးထက်က အောက်
သို.ဆင်းလာလေသည်။ ပြီးနောက် သူမယားအား " သန္ထာ အုန်းမိုးဖို. နှီးကုန်လားယာ။ အကို နှီးနည်းနည်းထို.ပီး"ဟုပြောလီသည်။ နှီးတစ်ခါလေ့ မထိုးဖူးသော သူမယားက နှီးမထိုးတက်ကြောင့် ပြန်ဖြေရေခါ "အော် ....သန္ထာကလည်း နှီးထိုးရေ ဆိုစွာ အလွယ့်ချေ
၊ ယာ ဒေဓားကို ကိုင် ဒေပိုင်ကိုင်...။ဒေမှာက ရခွန်း..အေး အေး .. ဟုတ်ယာလာ..ဟုတ်တေ"စသည်ဖြင့် သင်ပြလီသည်။ လင်သည်ကိုချစ်ရသော ၀န်းကြီးမ စိန်သန္ထာသည် မတတ်တတ်နှင့်နှီးလိုက်ထိုးသောအခါ ကကောင်းမကြာသူမ လက်ကိုနှီးပြတ်လား
လေသည်။ စိန်ကျော်လှသည် အသင့်ပျင်ထားသော ဂွမ်းစဖြင့် သူမယား သွီးတိ ကိုသုတ်လိုက်ပြီး အင်္ကျီ အိပ်၌ ၀ှက်ထားလိုက်လေသည်။ ဒယောအဆိုးစ တစ်စဖြင့် သူ.မယားလက်ကို ပန်းပီးပြီးနောက် " သန္ထာ ငါ အပေါ တစ်ခေါက်လားလိုက်မေ။ အဂုချက်
ချင်းပြန်လာဖို.စွာရာ" ဟုပြောပြီ သူတစ်သက်လုံးစီစဉ်လာသောအရာကို အကောင်အထည်ဖော်ဖို. ခြီလှမ်းတိ မိကျောင်းတက်ချောင်းဘက်ကို ဦတည်လိုက်သည်။ သူသည်ချောင်းကမ်းနား၌ ထိုင်လျက် နံမည်မသိသော ဂါထာတစ်ပုဒ်ကို မန်းမူတ်လိုက်ရာ
ရီထဲက မီးကျောင်းကြီးတစ်ကောင် စင်း၍ပေါ်လာလီသည်။ စိတ်ဆိုးဒေါသထွက်နိန်သောထိုမီးကျောင်းကြီးစိန်ကျော်လှအပါးသို.ရောက်လာချိန်တွင် သူသည် ကိုယ်ဝန်သည်မ စိန်သန္ထာ၏ သွီးဂွမ်းစကို မီးကျောင်းကြီးဘက်ကို ပစ်ပေါက်လိုက်သည်။
မီးကျောင်းကြီး၏ လျင်မြန်သော လူပ်ရှားမူသည် ချက်ချင်းရပ်သားလားပြီး စိန်ကျော်လှရှိတွင် ရွှေတုံးကြီးမိကျောင်းအသွင်သို.ပြောင်းလဲလားလီသည်။ သူသည်ထိုရွှေမီးကျောင်းကြီးကို ရီထဲက ဆယ်ယူလျက် မျက်စိနှလုံးကိုဖောက်ပြီးမျိုချလိုက်သည်။
ယင်းနောက်သူသည် ၀ိဇ္ဖာရလျက် မီးကျော်တက်ရွာသို. ကောင်းကင်ခရီးဖြင့်ပျံတက်လားလီသည်။ သူသည် ယောက္ခမ အိမ်ခေါင်ထက်၌ရပ်နားလျက် ...." သမီးတစ်ယောက်ကဆုံးလီယင့်၊ ချောင်းကမ်းနား ရွှေမီးကျောင်းတစ်ကောင်ထားခယင့်၊ သမီးတစ်ယောက်ကဆုံးလီယင့်၊
ချောင်းကမ်းနား ရွှေမီးကျောင်းတစ်ကောင်ထားခယင့်၊ သမီးတစ်ယောက်ကဆုံးလီယင့်၊ ချောင်းကမ်းနား ရွှေမီးကျောင်းတစ်ကောင်ထားခယင့်၊" စသဖြင့် ၃ကြိမ်တိုင်တိုင်အော်ပြောလျက် ကောင်းကင်ကို ပျံတက်ပျော်ကွယ်လားလီသည်။ ရွာလူကြီးလည်း အသံကြား၍ အရုပ်မမြင်လိုက်ရသောသူ.သမက် စကားကို ဝေခွဲမရ ဇဝေဇ၀ါဖြစ်နိန်လီ၏။ ယေဘင်ကေလေ့ ရွာသားတိ ကိုခေါ်ယူလျက် မီးကျောင်းတက်ချောင်းနားကို လားကြည့်သောအခါ စိန်ကျော်လှ ပြောခရေအတိုင် ရွှေမီးကျောင်းတစ်ကောင် တုံးစင်း စင်းနိန်လီ၏။ ထိုမှတစ်ခါ စိန်ကျော်လှ ဂွ ကိုလားကြည့်သောအခါ ဆောက်လုပ်စ တဲအိမ်ထ၌ စိန်သန္ထာ ကိုယ်ဝန်အပြည့်နှင့် သီဆုံးနိန်သည်ကို ၀မ်းနည်းကြွီကွဲစွာတွိဟိရကတ်လီသည်။ ထိုနိန်.မှစ၍ သိုက်ဆရာ စိန်ကျော်လှအကြောင်းသည် မီးကျောင်းတက်ရွာတွင် ဆွေမျိုးစဉ်ဆက်ပြောပြကတ်လီသည်။

ကျမ္မာကတ်ပါဇီ။

အေးမောင်(ရင်အုံတော်ဓာတ်)

(ဘုရင်မာရယုဘလော့မှ)

ကိုယ့်ရပ် ကိုယ့်ရွာ ကိုယ့်မြီ ကိုယ့်ရခိုင်မြီ နန်.၀ီးလာရစွာလေ့ ကကောင်းကြာဗျယ်မလားဂု။ဒေတန်းခူးလ ရောက်ယာဆိုကေ ငရို.ရွာလယ်က စံပယ်ပင် မှာ သင်္ကြန်ပွင့်တိ ပွင့်လို.ဟိလီဖို.။ ရွာက လူပျိုချေတိ ဆိုကေ အပြုံးကိုယ်စီနန်.။အကွက်ကိုချောင်းနိန်ကတ်စွာ။ အယင်ခါဆိုကေ အကွက်ချောင်းစွာမှာ ငါလေ့ပါရေ။ငါ အဂု လန်ဒန် ကိုရောက်နိန်ရေ။ လန်ဒန် ကို စကော့တလန်ကနိန် ဆင်းလာစွာ ငါအကြောင်းဟိရေ။ သင်္ကြန်ဆိုရေ အငွိအသက်ချေတိကိုငါခံစားချင်လို.။ ဒေကိုရောက်ခိုက်ငါရခိုင်ကိုဖုန်းဆက်စွာ။ စကော့တလန်က ရခိုင်ဖုန်းဆက်ရစွာမလွယ် တခြားဂြိုလ်တစ်ခုကိုဆက်ရေပိုင်။ ခြစ်တတ်ခြစ်တတ် နန်.။ လူကြီးမင်း ဆိုရေလူနန်.လေ့ ရက်ပြတ် ရက်ပြတ်တွိရေ။ထိုတစ်ရက်နှစ် ရက်က ရခိုင်ကို ဖုန်းဆက်ရေခါ ဘုရားရီချိုးဖို.လားဖို.ပျင်နိန် ကတ်တေလတ်။ ယင့်ချင့်ကို ကြားစွာနန်. ငါမျက်လုံးတိမှာ မျက်ရည်တိ စွတ်လာရေ။ ငါကကောင်း ငိုချင်လားရေ။ ဖုံးကိုဆက်ပြီးကေပြောဖို. ငါမှာအင်အားမဟိခ။ ငါကကောင်းငိုချင်လားရေ။အသိုက်နန်.၀ီးနိန်ရေငါ။ ဇာခါ ဇာဘ၀မှာ ငါ ရခိုင်သင်္ကြန်ကို ငါတစ်ခါ ပြန်တွိရဖို.လဲ။ ဘုရားရီချိုလို.ပြန်လာကေ ဇာဖြစ်ဖို.လေ့ငါသိရေ။ သိရေအတိုင်းဗျာယ် ငါရို.တိ ရွာထိပ်ဝ က ရီဗုံးတိနန်.အဆင်းသင့်၊ အဘုချေတိဆိုကေ ရီဇစ်တိနန်. တဗျင်းကြိုးဖို. အသင့်။ ယင်းပိုင်း အားရဘားရ ကိုင်းဘလိုက်ချင်ရေ။ ဒေချင့်ငါစိတ်ကူးတိရာ။ ထိုတစ်ရက်နိန်.က မြန်မာတိလုပ်စွာသင်္ကြန်ပွဲကိုငါလားခီရေ။တေးခြင်းလေ့ တစ်ပုဒ်တက်ဆိုပခသိမ့်ယင့်။ယကေလေ့ ငါမပျော် ခြောက်တိခြောက်သတ်နန်. ငါဇာပိုင်မသိတွိရေ။ ငပိမပါ ဆားမပါပိုင်။ မြန်မာစကား မြန်မာတေးခြင်း တိ ငါးနားကို နှိပ်စက်ကတ်ကေ။ ငါ ရခိုင်သားတိနန်. ရခိုင်သင်္ကြန်တေး ခြင်းအားရဘရ ဆိုပြီးကေ ကွဲပါကောင်က ပိုက်ချင်ရေ။ ငါရို.ရွာက လူတိဆိုကေ ကကောင်းပျော်ကြီးကျတိ။ အချေကအစ ၀ါကြီးမ ၀ါကြီးတိအဆုံး သင်္ကြန်ကျရာယာဆိုကေ သုံးဆယ့်တစ်ဖုံ။ ငါဘကြီးတစ်ယောက်ဆိုကေ သင်္ကြန်ကျယာဆိုကေ အရာလူတိဘားမှာရီအလောင်းခံကေလေ့ ကိုယ့်မယားဘားမှာဆိုကေ လုံးဝအလောင်းမခံ။ ထိုတစ်နှစ်သင်္ကြန်ခါ ငရို.အကြီးသျှင် လင်သယ်ကို ရီးလောင်းချင်လို. ဖလားကိုင်ဘနာ ရွင့်ဘနာ လိုက်ယူလခစွာ ရွာအပြင်က ၂ မိုင် ၃ မိုင်ကျမှ နွားရုံ နားမှာ မှီခီရေဆိုဝါ။ယကေ လင်သယ်ကို ရီလေ့လောင်း နချီးတိနန်. လေ့ ကျိုင်ဘခရေလတ်။ယင်ပိုင်အမျိုးမျိုး။ တစ်ချို.ကလေချေတိဆိုကေ သင်္ကြန် ကျယာဆိုဘနာ အင်္ကျီကကောင်းစစက်တိကို လက်မောင်းတိကနိန်ပိုင်ပလိုက်ကတ်လို. အိမ်က အမိသယ် ရို. ငိုရဖို. ရာယ်ရဖို.ပိုင်။ သူရို. သင်္ကြန် mood တိကလေ့ တစ်မျိုးတဖုံ။ ၀ါကြီးမတိအဖွဲ. တိကိုလေ့ကြည့်တစ်ချက်။ အသက်က ၆၀၊၇၀ ။ သင်္ကြန်ကျယာဆိုကေ ချော့ပန် တိ အတို.ချေတိဝတ်လို.။ မျက်နှာခွက်တိမှာ မိတ်ကပ်အမျိုးတစ်ရာ။ရွာက ၀ါကြီးတိ အီးလို.နိန်ဖို.မရ။ ၀ါကြီးတိနိန်ရေ အိမ်တိုင်းကိုလားဘနာစီ ရီလောင်းကတ်တေ။ ရွာလယ်က သင်္ကြန်မဏ္ဍပ်.မှာလေ့ ကျကျိုပ်တိုးလို.စည်ရေ။ ရွာက အလှပချေ ကလိန်.မေချေ တိဆိုကေ ရီလောင်းခံရစွာ လက်ခတ်မကျ။ တချို.ဆိုကေ မဖျားရအောင် ပါရာဆူတာမောက် ဆလုံးဆောင်ထားရရေလတ်။မဏ္ဍပ်ရှိမှာလေ့ ကကတ်စွာ ဘိတ်တိအိုင်တက်ပါရေ။ လှကတ်စွာ အိုင်စိမ်နိန်ရေ ကျွဲတိကိုကြည်.။ယပိုင် မြွတ်ကတ်စွာ။ တချို.ကလေချေတိဆိုကေ နတ်ကြီးတိ။ သင်္ကြန်ကျယာဆိုကေ အိမ်တိုင်းပတ်စိ ၀င်ဘနာ သံကျပ်ထိုးကတ်ဖို. ဆုမချကေ သံချပ်ထိုးလို.မပြီးယာ။ ဖဲ့သာ ပီးလိုက်မှ ရွင့်ကတ်တေ။ယင်းကြားထဲမှာ သံချပ်လေ့ထိုး သမီးကို ရည်းစားစကားပြောဖို.ချောင်းနိန်စွာကောင် တိ လေ့မကန်။ ယပိုင်ညုက်တေ။ အပျော်ကြီးလို. ရွာမြောက်ဘက်က သောက်ရီကန်ထဲခုန်ချစွ လူပျိုချေတိလေ့ ဟိသိမ့်ရေ။ယကေ ၀ါကြီးတိဘက်မှာ တတုတ်အဆဲခံ။
သင်္ကြန်ပြီးလားကေလေ့ ထမင်းပေါင်းချက်စား၊ ရွာကလူကြီး သူမတိကို ကန်တော့ ၊ ဘုန်ကြီးကျောင်းကိုဆွမ်ပို. ယပိုင်ချစ်ဖို.ကောင်းရေ ရခိုင်ရိုးရာ တောဓလေ့ သဘာဝတိဟိရေ။ အော်သင်္ကြန် သင်္ကြန် ပြောကေကျီဖို.မဟုတ်။ ဒေတန်းခူးလ ရောက်ယာဆိုကေ ငရို.ရွာလယ်က စံပယ်ပင် မှာ သင်္ကြန်ပွင့်တိ ပွင့်လို.ဟိလီဖို.။ ပိတောက် ရနံ.တိ ကြိုင်လို.ဟိလီဖို.။ ရခိုင်သင်္ကြန် နန်. ပိတောက်ကိုချစ်တေငါ ဇာခါဘင်လေ့ အားရဘရ ဆုံတွိကတ်ရဖို.လေ့ဂု။ အော် သင်္ကြန် သင်္ကြန် ..................။

အေးမောင်( ရင်အုံတော်ဓာတ်)

(ဘုရင်မာရယုဘလော့မှ)

အေအမ်ပီ ကြောင့်ရခိုင့်စာပီ အညွန်.ချေ တညွန်. စထွက်လာရရေ ဆိုကေ တယောက်လေ့ငြင်းဖို.မထင်ပါ။ ယေကေလေ့ ရခိုင်စာ၊ ရခိုင် စာပီဆိုစွာ ဇာလေး ဟုမိန်းလာစရာ ဟိပါသည်။ ဒေ မိန်းခွန်း ကို သမိုင်းအထောက်နန်.တောင် ဖြေစရာ မလိုပါ။ ရခိုင်သားက ရခိုင်စာကို ရခိုင်စကား ဖြင့်ရွီးသားခြင်းကိုရခိုင်စာဟုခေါ်ပါသည်ဟုနလဗိန်းတုံးအဖြေပီးလိုက်ကေပင်လုံလောက်ပါသည်။ဤနိန်ရာတွင်ရခိုင်သားက ရခိုင်စာကို ရခိုင်စကား ဖြင့် ရွီးသားခြင်း ဟုဆိုခြင်းမှာ ရခိုင်တပြည်လုံးကိုဆိုလိုခြင်းဖြစ်ပါသည်။ ရခိုင်တပြည်လုံးဟုဆိုသည်မှာ မိမိဒေသ အလိုက်ပြောသော စကားဖြင်. ရွီးသားကတ်ရန်ဆိုလိုခြင်းဖြစ်ပါသည်။အေအမ်ပီ တွင် တချို.ရခိုင်သားများ သည် ရခိုင်စာရာ ရွီးရမည်ဟု ဥပဒေ မရှိကြောင့် စောဒက တက်ကတ်ပါသည်။ ယပိုင်ဆိုကေ အကျွန် မီးခွန်းတစ်ခုမီးချင်ပါသည်။ စစ်တွေမြို့ လမ်းမကြီးမှာ ဖင်ပပြောင်နန်.လမ်းမလျှေက်ရဟုဥပဒေဟိပါသလား။ ငပလီကမ်းခြီ သဲဖြူထက်မှာ တဒုံးဖလင် မအိပ်ရ ဟု
ဥပဒေဟိပါသလား။မဟိပါ၊ ဥပဒေ ထုတ်စရာက လိုပါလာ၊ မလိုဟုရိုးသားစွာ ထင်မိပါသည်။ ဥပဒေ ထုတ်မှလိုက်နာဖို.ဟုဆိုသော အတွေးအခေါ် သည်အလုပ်မဖြစ်သောအရာတစ်ခုဖြစ်လိမ့်မည်ဟု အကျွန်ယုံကြည်ပါသည်။ အရာပြောစရာ တစ်ခုကျန်ပါသည်။ ငရို.အသျှေခါကပင် မြန်မာစာသင်လာစွာ အဂုမ ရခိုင်စာကိုဓားမြတိုက်တိုက်လို.ရွီခိုင်းနီရေဂါ ဟုဆင်ခြီပီးခြင်းဖြစ်သည်။ဒေချင့်သည် နားလည်ပီးလို. ရသော excuse ဖြစ်ပါသည်။ယေကေလေ့ ဒေဆင်ခြီကိုလေ့လာဆန်းစစ် ကြည့်မည် ဆိုပါက ဆင်ခြီပီးသူတွင် မိမိစာကို အထင်သေးသော၊မိမိစကားကိုနှိပ်ချသော၊မိမိကိုယ်ကိုယုံကြည်မှုမရှိသော စသော elements တိနှင့် ရခိုင်အသိုင်းအ၀ိုင်း အပေါ်ိုအလွန်တရာမှ Self Esteemနှိမ်ကျနိန်သည်ကိုတွိမြင်ရပါမည်။ဒေအေအမ်ပီတွင် မြန်မာစကားနန်.ရွီိးရွီး ရခိုင်စကားနန်.ရွီး အားလုံးနားလည်ပါသည်။ယေကေလေ့မိမိ identity မပျောက်ရအောင်၊ရခိုင်တိန်ိန်ရေနီရာမှာ တစိချေလောက်အားနာဗနာ ရခိုင်စာရာရွီးသင့်ရေမဟုတ်ပါလော။( ရခိုင်စာရာရွီးသင့်ရေဟုဆိုရာတွင်မိမိဒေသ အလိုက်ပြောသော စကားဖြင်. ရွီးသားကတ်ရန်ဆိုလိုခြင်းဖြစ်ပါသည် )စစ်တွေမြို့လမ်းမကြီးထက်မှာ နခြင်းကြောင်တောင် ဖင်ပပြောင်နန်.လမ်းမလျှောက်သင်.ပါ။ ဥပဒေမရှိသော်လည်း ငပလီကမ်းခြီ သဲဖြူထက်မှာ နခြင်းကြောင်တောင် တဒုံးဖလင် မအိပ်သင့်ပါ။ အကျွန်၏ နိဒါန်းရှည်လားပါသည်။အဂု အကျွန်၏ ခေါင်းစဉ်အတိုင်းရခိုင်သားတိ တကိုယ်ကောင်းဆန်လာ မဆန်လာလေ့လာ ဆန်းစစ်ကြည့်ကတ်ပါမည်။ တခြားလူမျိုးတိ ရခိုင်လူမျိုးအပေါ်ထင်မြင်ယူဆထားမူများ မှန်မမှန်ဝေဖန်သုံးသပ်ကတ်ပါမည်။

အပိုင်(၂)
ရခိုင်စကားပြော၊ ရခိုင်စာနန်.ရွီးပါဟုတိုက်တွန်းခြင်းရေ တကိုယ်ကောင်းဆန်လာ
-----------------------------------------------------------------------------
အကျွန်သည် ရခိုင်စကားပြော၊ ရခိုင်စာနန်.ရွီးပါဟု AMP မန်ဘာများအားတိုက်တွန်းပြောဆိုဖူးပါသည်။ ယပိုင်ပြောဆိုတိုင်း အကျွန်.အား ကကောင်းတကိုယ်ကောင်းဆန်ကြောင်း၊ နိုင်ငံ ကြီးမှာ နိန်ပြီး flexible မဖြစ်ကြောင်း စသော ပုဒ်ထီး၊ပုဒ်မတိ
အမျိုးမျိုး တပ်ကတ်ပါသည်။ဤနိန်ရာတွင်ရခိုင်သားက ရခိုင်စာကို ရခိုင်စကား ဖြင့် ရွီးပါဟုတိုက်တွန်းခြင်း Flexible မဖြစ်လို.ဆိုခြင်းသည်Curative Education နန်. Social Pathology လေ့လာသင်ကြားနိန်သော အကျွန်မှာ လိုင်းပြောင်းရဖို.ပိုင်
ကျနိန်ပါသည်။ မြန်မာပြည်မှာ တလနိန်ပြီး ရခိုင်ပြည်ပြန် လာရေခါ မြန်မာစကားပြောခြင်းသည် Flexible စာလုံးနန်.ဆီနန်.ရီပိုင် တခုလည်းမဆိုင်ပါ။ မြန်မာပြည်တွင်တစ်နှစ်နိန်ပြီး ရွာကိုအလယ်ရောက်လာသော အကျွန်သူငယ်ချင်းတစ်ယောက်သည်ံ
မြန်မာစကား ကြွိ.ပါအောင် ပြောသည်ကို အကျွန်ကြုံဖူးခသည်။ဤနိန်ရာတွင် မသိနားမလည်၍ (၀ါ) မြန်မာ မိူင်းတိုက်ခံထားရသောကြောင့် ပြူမူရေ ဒေပိုင်အပြူအမူတိကို အကျွန်နားလည်ခွင့်လွတ်နိုင်ပါသည်။ ယေကေလေ့ ရခိုင်ပညာတတ်အသိုင်းအ၀ိုင်းလို.
သမုတ်ခံရရေ၊ အမျိူးသားရီးအတွက်လုပ်ကတ်တေလူတိကပင် ယင်းပိုင်အပြူအမူတိလုပ်နိန်စွာကို အကျွန်နားမလည်နိုင်အောင် Odd ဖြစ်ရပါသည်။ ရခိုင်စကားပြော၊ ရခိုင်စာနန်.ရွီးပါဟုတိုက်တွန်းခြင်းရေတကိုယ်ကောင်းဆန်ရေ လို.အကျွန်မထင်ပါ။
အကျွန်ရေ ဆယ်တန်းအောင်လို. ဒဂုံသက္ကသိုလ် တက်ရောက်နိန်တုန်းထိ အိမ်ကိုစာထည့်ရေခါ မြန်မာပိုင်ရွီးထည့်ကြောင့်ရိုးသားစွာဝန်ခံပါသည်။ ယင်းအခါက အကျွန်မသိနားမလည်လို.ဖြစ်သည်။ ရန်ကုန်နိန်စဉ်တွင်း ရွက်နုပြန်ချိန်၊ ရခိုင်စာပီခရီး၊ ရခိုင်
အက္ခရာပေါ်ပေါက်လာပုံ နှင့် အသွင်ပြောင်းလာပုံ စသည့် စာအုပ်တိနန်.ထိတွိ.ပြီးရေနောက် အကျွန် ရခိုင် သားတယောက်အနိန်နန်. ရခိုင်တိဘားကို စာရွီးရေခါ မြန်မာပိုင်ရွီးစွာအဆုံးသတ်လားပါသည်။ မိမိကိုယ်ကိုလည်း ကကောင်းရှက်မိပါသည်။
ယင်းနောက် အကျွန်၏ မိသားစုနန်. သူငယ်ချင်းတိကို အကျွန်ဘားကိုစာထည့်ပါက ရခိုင်စာဖြင့်ရွီးထည့်စီချင်ကြောင့်ယက်ပြတ်တိုက်တွန်းပြောဆိုဖူးပါသည်။ အောင်းမြင်မူတိလည်းရခပါသည်။ ရခိုင်ပိုင်ရွီးထားရေစာတိအကျွန်ဘားကိုရောက်လာရေခါ
ဖတ်ရစွာ အဂွင့်ဂွင့်အားရဘားရကျပါသည်။ဥပဒေမဟိကေလေ့အကျွန် ရခိုင့်ကျင့်ဝတ်တစ်ခုအကျွန်လိုက်နာခပါသည်။

ရခိုင်စကားပြော၊ ရခိုင်စာနန်.ရွီး လို. ရခိုင်ပြည်တိုးတက်ဖိုးလား
------------------------------------------------------------------
ရခိုင်စကားပြော၊ ရခိုင်စာနန်.ရွီး လို. ရခိုင်ပြည်တိုးတက်ဖိုးလား။ အကျွန်ရက်ပြတ်အမိန်းခံရသောမိန်းခွန်းဖြစ်ပါသည်။ ရခိုင်စကားပြော၊ ရခိုင်စာနန်.ရွီးလို.ရခိုင်ပြည်လုံးဝလုံးဝမတိုးတက်နိုင်ပါ။ ဒေနိန်ရာတွင်အပြန်အလှန်မီးခွန်တစ်ခုမီးချင်ပါသည်။ မြန်မာ
စကားပြော၊ မြန်မာစာနန်.ရွီးလို.ရခိုင်ပြည်တိုးတက်လာဖို.လား။ မြန်မာစာကိုနှစ်ပေါင်း ၂၂၀ လုံးအသုံးပြူလာသောရခိုင်ပြည်သည်ကမ္ဘာအဆင်းရဲဆုံးတောင်မကသိမ့်လို. မြန်မာ့အဆင်းရဲဆုံးပြည်နယ်ဆုကို ထထိုက်တတန်ဆွတ်ခူးထားပါသည်။
ရခိုင်ပြည်တိုးတက်ဖို.ဆိုကေ ထိရောက်ပြတ်သားသော နိုင်ငံရီးရာမဟာဗျုဟာ၊စီးပွားရီးရာမဟာဗျူဟာ၊ လူမူရီးရာမဟာဗျူဟာ နန်.ရခိုင်တိ ကျွန်စိတ်ပျောက်ဖို.လိုအပ်ပါသည်။ဒေပိုင်ကြီးကျယ်သောဗျူဟာတိကိုအကျွန်ကကောင်းနားမလည်လို.(၀ါ)
အကျွန်.ရွီးချင်ရေခေါင်းစဉ်ကရွင့်ပါမလားချင်လို. အကျွန်မဆွေးနွေးလိုပါ။ယကေလေ့ ရခိုင်တိစနစ်တကျ သွတ်သွင်းခံထားရသော ကျွန်စိတ်ကို ဖယ်ပလိုက်ဖို.၊လွင်.ပလိုက်ဖို.အတွက်ရခိုင်စာပီက တန်းထ(တံတား)အဖြစ်အထောက်အကူပြုပါလိမ့်မည်။
စကားမဟိ။စာပီမဟိရေလူမျိုးကိုကမ္ဘာကမပြောကေ့ ဖွတ်ကတောင် အထင်ကြီးလေးစားမည်မဟုတ်ပါ။အကျိုးဆက်တိအဖြစ် လူမျိုးတမျိုးအနိန်နန်.ရပ်တည်ဖို.ခက်ခဲ့ပါလိမ့်မည်။ယင်းပိုင်ခက်ခဲ့လာခါ အကျွန်ရို.ပြည်ဖ၀ါးတပြားချေကို ငလိမ်တောင်တိ
လက်သို. ရီစက်ချရ ပါလိမ့်မည်။ဇာစာကိုမဆို အရွီးအသား၊ပြောဆိုကျွမ်းကျင်ပါက ကကောင်း ကောင်းပါသည်။ှ ရခိုင်ဆရာတော်သျှင်ဥတ္တမသည် ဘာသာစုံကျွမ်းလို.အရှတခွင်ခြီဆန်.နိုင်ခသည်။ယေကေလေ့ ဆရာတော်သည် ရခိုင်တိဘားကိုစာရွီးရေခါ ရခိုင်ပိုင်ရွီးလာ၊ မရွီးလာအကျွန်မသိပါ။မရွီးဆိုပါက ရခိုင်ပိုင်ရွီးအောင် အသျှင်အားအကျွန်တိုက်တွန်းရပါလိမ့်မည်။

ယကေ သံတွဲနန်. ဂွက ရခိုင်သားတိ ကိစ္စဘစောင်ပျင်ဖို.
......................................................................
အကျွန်နိဒါန်းမှာပြောခရေပိုင် ရခိုင်စာရာရွီးသင့်ရေဟုဆိုရာတွင်မိမိဒေသ အလိုက်ပြောသော စကားဖြင်.
ရွီးသားကတ်ရန်ဆိုလိုခြင်းဖြစ်ပါသည်။သံတွဲနန်.ဂွကရခိုင်သားတိမြန်မာတိပိုင်ပြောပါသည်။ဒေချင့်တစ်ယောက်အမှားလေ့သင့်မဟုတ်ပါ။ အင်္ဂလိပ်တိအကြာကြီးအုပ်ချုပ်ခသော အိုင်ရာလန် နိုင်ငံ( Republic of Ireland) သည် တနိုင်ငံလုံး အိမ်းဂလိန်.(ခ်ျ)( English) စကားပြောပါသည်။ ယေကေလေ့ အဂုနောက်ပိုင်း Irish အစိုးရက မဟာဗျုဟာ တစ်ရပ်ကိုချမှတ်ပြီးကေ Irish ဘာသာစကားနန်.
စာပီကို မူလတန်းကစပြီးသင်ယူခိုင်းနိန်ပါသည်။ အကျွန်သည် သံတွဲနန်. ဂွက ရခိုင်သားတိ ရခိုင်စကားပြောရ မည်၊ ရခိုင်စာနန်.ရွီးရမည်ဟုမဟာဗျူဟာချဖို.တောင်းဆိုနိန်စွာမဟုတ်ပါ။ အကျွန်ရန်ကုန်တွင် အလုပ် လုပ်နိန်ခါက သံတွဲက ရခိုင်သူငယ်ချင်းတစ်ယောက်နန်.ခင်မင်ဖူးသည်။ အလွန်တရာ ပွင့်လွင့်ပြီးချစ်ဖို.ကောင်းပါသည်။ သူမြန်မာစကားပြောကေ အကျွန်.ထက် အဆတစ်ရာလောက်ဝဲပါသည်။ အကျွန်.မှာအရီးမတစ်ယောက် ဂွသူဖြစ်ပါသည်။ အရီးမပြောသောစကားသည် မြန်မာစကားနန်.လုံးဝအတိအကျ မတူပါ။ရခိုင်ဝေါဟာရ တိပါဝင် နိန်ပါသည်။ အကျွန်ဆိုလိုချင်သည်မှာ ယင်းပိုင်ကွဲပြားနိန်သော ရခိုင်ဒေသိယ စကားများနန်.ရခိုင်စာကိုရွီးသားကတ်ရန် တိုက်တွန်းခြင်းဖြစ်ပါသည်။ ယင်းပိုင်ဆိုကေ ရခိုင်စာပီ သည် တစ်မျိုးတဖုံဆန်းသစ်လာလိမ့်မည်။ ရခိုင်စာပီကို စံတစ်ခု သတ်မှတ်ဖိုးဆိုကေလေ့ သင့်တော်ရေ အလုပ်တစ်ခုဟုမြင်ပါသည်။ယင်းစံကို ရခိုင်သားအားလုံးလိုက်နာကေ အလုပ်ဖြစ်ပါသည်။ ယေဒါလေ့သင့် ထိုစံအား ဒေချင့်က မြောက်ပိုင်းသုံး၊ ဒေစွာက တောင်းပိုင်းသုံးစသဖြင့် အဖျက်သဘောဖြင့်မဆာမ ဝေဖန်ရီး လုပ်နိန်ပါက ရခိုင်စာပီ သည် အဆုံးတွင် တွင်းဆုံးကျလားပါလိမ့်မည်။သံတွဲနန်. ဂွက ရခိုင်သားတိကလည်း မြန်မာစကားပိုင်ပြော မြန်မာပိုင်ရွီးရေပိုင် ရခိုင်ပိုင်ပြော ရခိုင်ပိုင်ရွီးဖို.အားထုတ်သင့်ပါသည်။ ပျောက်နိန်သော ရခိုင်စာပီပတ္တမြားအနှစ်အား တူဖော်ရန် ရခိုင်တမျိုးသားလုံး တက်ညီလက်ညီ လက်တွဲကတ်စီချင်ကြောင့်ရိုးသားစွာ အကြံပြုအပ်ပါသညါ။

ရခိုင်သားတိ Flexible မဖြစ်လား ၊ Racist ဖြစ်လာ
------------------------------------------------------------------
ရခိုင်မဟုတ်ရေ လူအဖွဲ.အစည်းတိ( အထူးသဖြင့် မြန်မာ ) က ရခိုင်လူမျိုးများအား Flexible မဖြစ်ကြောင်း၊ မျက်ကန်း မျိုးချစ်တိဖြစ်ကြောင့် စသဖြင့်ထင်မြင်စွပ်စဲကတ်ပါသည်။ထိုစွပ်စဲချက်၊ ထင်မြင်ချက်တိကိုလေ့လာဆန်းစစ်ကြည့်မည်ဆိုပါက ဆင်
တစ်ကောင် ယဉ်ကျေး သိမ်မွေ.မူကို တောဝက်ရိုင်းတစ်ကောင်က မင်းရိုင်းရေ Flexible ဖြစ်ဖို.လိုရေ လို. စာလာချပုံနန်. တူပါသည်။ ရခိုင်ပြည်သည် အဂုမှအမိဝမ်းမှ ပြုတ်ဟုကျလာသောတိုင်ပြည်မဟုတ်ပါ။ သမိုင်းအထောက်အထားတိအရ 2666 B.C.
ကပင် စလာသော ရခိုင်ပြည်၊ရခိုင်လူအဖွဲအစည်း အားယင်းပိုင်ထင်မြင်ချက်လာပီးခြင်းသည် တရားလွန်ပါသည်။ယင်းကဲ့သို.ဆားမရ ရီမရ စွပ်စွဲချက်တိကို စွပ်စွဲသူရို.ကိုယ်တိုင် ပြန်လည်ဆန်းစစ်သင့်ပါသည်။အကျွန်ရရိုးသသားပြောရကေ ရခိုင်လူမျိုးပိုင်
ယဉ်ကျေးသိမ်မွေးသော၊ ဖော်ရွေသော။Flexible ဖြစ်သော၊စိတ်ရင်း၊စေတနာကောင်းသော လူမျုိုး အကျွန်မတွိဖူးပါ။အကျွန်သည် ကမ္ဘာနိုင်ငံပေါင်းများစွာရောက်ဖူး၍ လူမျိုးပေါင်းများစွာနန်. နိန်ဖူးပါသည်။သမိုင်းကိုကြည့်ဖို.လား ကြည်.ကတ်ပါ။



(တတိယ ပိုင်းစောင့်ဖတ်ကတ်ပါ။)

(ဘုရင်မာရယုဘလော့မှ)

အပိုင်း(၁)

မြန်မာအဲယားဝေး လီယဉ်ချေ သည် တရွိတရွိနှင့်ရိုးမတောင်ထက်သို. တက်လာနိန်ချိန်တွင် အကျွန်နှလုံးသားများ တတုန်းတုန်းခုန်လာသည်။ ခောတ်မမှီ ဆီးရောင်တိကွာ၊ ခောတ်နောက်ကျနိန်ပြီဖြစ်သော ထိုခောတ်ကျောက်သီးအရွယ်လီယည်ပျံထက်၌
အကျွန်သည် အန္တရာယ်ကင်းဂါထာကို ကြောက်စိတ်ဖြင့် မရတစ်ခေါက် ရတစ်ခေါက် ရွက်လျက်ဟိသည်။ မားမားမတ်မတ်နှင့် ဒေနိန်.ထိ မပြိုမလဲသော စိတ်ဓာတ်ဖြင့် ဖရခိုင်ပြည်တွက် ရပ်တည်လာသော ရခိုင်ရိုးမကို ချီးကျုးလိုက်မိသည်။ နောက် မိနစ် ၃၀
လောက်ကြာပြီးသောအခါ အကျွန်မွီးရပ်မြီ၏ အငွေ.အသက်တိ အကျွန်နှခေါင်းပေါက်သို. တိုးဝင်လာသည်။ အကျွန်ကျောင်းနိန်စဉ်အခါက အိမ်သို.ပြန်လျှင် သတင်းမီးနိန်ကျဖြစ်သော ရဖြီးချပ်တောင် ကိုလီယဉ်ထက်က လှမ်းမြင်ရသည်။

"အော်..ရခိုင်ပြည်" ဟုစိတ်ထဲရွယ်ရွတ်လိုက်မိသည်။ ကကောင်းမကြာလိုက် စစ်တွေလီဆိပ်သို. အကျွန်ရို. လီယဉ်ပျံ ဆိုက်ရောက်သည်။ အဖရခိုင်ပြည်နှင့် ၈ နှစ်မျှဝီးကွာခရသော အကျွန်သည် လီယဉ်ပျံထက်ဆင်းလိုက်သည် နှင့် ကြက်သီးတိထမိသည်။ အောက်မိစိတ်ပြင်းပြစွာ နှင့်စောင့်ခရသော အကျွန်၏အချိန်တိကို အကျွန်ချက်ချင်းမိပိုက်လိုက်ပြီး အဖ ရင်ခွင်သို. အကျွန် ၀မ်းနည်း၊၀မ်းသာစိတ် ရောလျက် ခိုဝင်လိုက်မိသည်။အဖ လက်ဆောင်အဖြစ် သန်.ရှင်းကြင်လင်သောပင်လယ်လီကို အစာအိမ်အောက် ခရင်းထိ အားရဘားရ သျှုသွင်းလိုက်ပြီးနောက် အကျွန်၏ စိတ်ခန္ဒာ လွတ်လပ် ပေါ့ပါးလားသည်ကို ခံစားမိလိုက်သည်။ ရခိုင်ပြည်၏ မြို့တော်အတိုင်းအတာအရ ဒေလီယဉ်ပျံကွင်း အလွန်တစ်ရာမှသေးငယ်လှသော်လည်း ရခိုင်သားတိတွက်ဘုရားက လက်ဆောင်ပီးထားသော အရာတစ်ခုပိုင်ဖက်တွယ်ထားရသည်။ ရာသီဥတု ကြည်လင်အီးချမ်းလျက်ဟိပြီး၊ ပုစွန်ဆီ မိုးသားကောင်းကင်အောက် စိမ်းစိုလမ်းဆန်းနိန်သော အဖပြည်ဖွား အပင်တိ နှင့်လှချင်းတိုင်းလှနိန်ကတ်သည်။ အဖမြီကို ခြီချမိသည်နှင့် ရခိုင်လီသံ ပပေါက်နှင့် အား ရဘားရပြောတတ်သော အဖရခိုင်မြီဖွား သွီးရင်း၊သားရင်းတိ နှင့်အကျွန်တဖန်ပြည်လည်ဆုံတွိရသည်။

ရခိုင်ပြည်စစ်တွေမြို့ သည် လွန်ခရေ ၈နှစ် နှင့်နှိင်းဆာလျှင်ဇာတစ်ခုလေ့ တိုးတက်ပြောင်းလဲမှု မတွိရသော်လည်း စစ်တွေနှင့်အဖမြီကိုချစ်သော အကျွန်အတွက် ထာဝရမရိုးသော ဘုံကမ္ဘာဖြစ်သည်။ အထူးအဆန်းတစ်ခုအဖြစ် တတ်(ခ)စီ ဟုခေါ်သော သုံးဘီးကားများက ခရီသည်တိတွက် မြို့ထဲ၊လီဆိပ် အလားအပြန် ၀န်ဆောင်မှုပီးနိန်သည်ကိုတွိရသည်။ ဥရောပအဆင့်အတန်းနှင့်အသားကျလာသောအကျွန်သည် ထို သုံဘီးကားတတုန်တုန်းနှင့် မိမိ၏တည်းခိုမည့် Palace Hotel သို. ခရီးဆက်လာချိန်တွင် ရင်တွင်း၌ ဆန်းကြယ်သောစိတ်ခံသားမှုတိဖြစ်ပေါ်နိန်သည်။

အပိုင်း(၂)

လီဆိပ်မှ လမ်းမကြီးအတိုင်း သုံးဘီးကားချေ တတုန်းတုန်းမောင်နှင်နိန်ချိန်တွင် အတိတ်ကအရပ်တိ အကျွန်စိတ်ထဲ တဖြိန်းဖြိန်းပေါ်လာသည်။ ဒုတိယ ကမ္ဘာစစ်အတွင်းက မြို့တစ်မြို့နှင့် အလားတူနိန်သော ဒေမြို့သည်တစ်ခြားအရပ်ဒေသကလူတိအတွက်
အထင်သေးစရာ၊လူရယ်စရာ ဖြစ်ကောင်းဖြစ်နိန်ပါလိမ့်မည်။ ယေကေလေ့ အဆင့်အတန့်မမီသော ဒေမြို့ချေသည် အကျွန့်ဘ၀ဒိုင်ယာရီတွက် မဟာဆန်သော နိရက်တိရွီးဖူးခသည်။ အကျွန့်အတွက် ဒေမြို့ချေသည်ထာဝရသုခကမ္ဘာတစ်ခု၊ အကျွန်၏ ဘ၀ အဆစ် တစ်ချို.ကို ဒေမြိူ့ချေနှင့် အတူအကျွန်ရင်ဆိုင်ခဖူးသည်။ ထိုသုံးဘီးကားချေ Palace Hotel ဟြီ့ရောက်ချိန်တွင် အကျွန်အတွေးတိ ပြတ်လားသည်။ ပွင့်လင့်ရိုးသားသော ရခိုင်သွီးရင်းတိက အကျွန့် အထုတ်တိကို ဟိုတယ်ထဲသို့ ကူထမ်းပီးကတ်သည်။ ဟိုတယ် ကောင်တာက စာရီးမချေက အပြုံးပန်းတိနှင့်ဆီးကြိုသည်။ ထိုကလိန်.မေချေ အသားအရီသည်ညိုပြာရောင်ဟိပြီး မဲနှက်တောက်ပြောင်နိန်သော ဆံပင်တိကို ပိုင်ဆိုင်ထားသည်။ ပုလဲသွားတန်းချေတိနန်.ရောထွေးနိန်သော ထို ပပွင့်လလင့်အပြုံးချေတိသည် အကျွန့်အား အတိတ်က ဇာတ်လမ်းတိကို ရောင်ပြန်ဟန်စီသည်။ အကျွန့်သည်အဖမြီက ပင်လယ်မချေတိနှင့်ပြန်ဆုံတွိခွင့်ရလိုက်ယာဖြစ်သည်။ အခန်းထဲတွင်တနားချေ အနားယူလိုက်ပြီ အကျွန်စာသင်ဖူးခသော ဘုန်ကြီးကျောင်းကို ဆိုက်ကားနှင့်အကျွန်ထွက်လာသည်။

ဘုရားကြီးနှင့် အေးစေတီကို ဆိုက်ကားထက်က အကျွန်လှမ်းကြည့်လိုက်မိသည်။ ဘုရားကြီးထဲသို့ဝင်၍ ဘုရားဝင်ဖူးမည်ဟုစိတ်ကူးမိသော်လည်း အ၀င်ဝ၌ မြန်မာစစ်သားများ သနတ်တိကိုင်၍စောင့်နိန်ခြင်းကြောင့်အကျွန်မ၀င်ဖြစ်ခပါ။ စိတ်ပျက်ပျက်နှင့် ဆိုက်ကားဆရာအား ဘုန်ကြီးကျောင်းကိုတိုက်ရိုက်နှင်း ရန်ပြောလိုက်ပြီး ဘုရားဖူးချင်သောစိတ်ကိုမျိုချလိုက်မိသည်။ အကျွန်ခိုလူံဖူးခသောထိုဘုန်းကြီးကျောင်းသည် လွန်ခရေ ၈နှစ်နှင့်နှိုင်းဆာလျှင်ပြောင်းလဲမှုတစ်စုံတစ်ရာမတွိရပါ။ ကျောင်းထက်သို.ခြီလှမ်းတိ ဦတည်လိုက်ချိန်သည် ဆရာတော်ပြောခဖူးသောစကားတိအကျွန့်နားထဲပြန်ကြားယောင်လာမိသည်။ "အဝေး ... ဒေကျောင်းနန်.ငါစွာ သစ်ငုတ်၊ မင်းရို.တိက ဗျိုင်းတိရာ၊လာကတ်တေ ပျံလခကတ်တေ။ ငါ စွာသစ်ငုတ် ဝေ..ငါစွာသစ်ငုတ်" ။ ဆရာတော်ကြီးသည် တပည့်တိ အပေါ်အပြောအဆို ကြမ်းတမ်းသော်လည်း တပည့်တိအပေါ် သံယောဇဉ်အလွန်ကြီးမားသည်။ အတောင်စုံလို့ ကျောင်းတော်ကြီးကို စွန့်ခွာချိန်တွင် ၀မ်းနည်းဝမ်းသာဖြင့် ဘ၀တွက်အဖို.မဖြတ်နိုင်သော သြ၀ါဒတိ မိန်.ကြားတတ်သည်။ ဘ၀တွင်အောင်မြင် လားသော တပည့်တိဘားက လက်ဆောင်တိ၊စာတိ ရောက်လာလျှင် ကျောင်းရှိတကာ၊တကာမတိကို အဘောင်ရရင်းနှင့် မညောင်းတန်းပြောပြတတ်သည်။ ကျောင်းခန်းထဲဝင်လိုက်ချိန်တွင် အကျွန့်ပါးပြင်တွင် မျက်ရည်ပေါက်တိစီးကျလာသည်။ထိုကျေးဇူးသျှင် ဆရာတော်ကြီးကို အကျွန်ဖူးခွင့်မရလိုက်ပါ။ ဆရာတော်မပျံလွန်မီက အကျွန့်ဘားကို ရွီးထားခသောစာတစ်စောင်ကို သူအခန်းထဲတွင်တွိ၍ တပည့်တိက အကျွန်.ဘားကို ထည့်ပီးဖူးသည်။ အကျွန်သည် ကျောင်းထိုင်ဆရာတော်အသစ်နှင့်စကားစမြည်ပြောပြီး ကုန်တန်းဘက် ကိုထွက်လာသည်။ အမှတ်(၂)က ကျောင်းနိန်ဘက်သူငယ်ချင်းတိနှင့် အကျွန်ပြန်ဆုံခွင့်ရသည်။ ကုန်တန်းရပ်ကွက်လူနိန်မူစနစ်သည် ဇာတစ်ခုလေ့ တိုးတက်ပြောင်းလဲမူမဟိ၊ ရပ်ကွက်သားများ၏ ပင်ကိုယ်ရိုးသာမူတိလည်းအယင်အတိုင်းပင်။ ပြောင်းလဲ
မှုတိကိုပြောရလျှင် အကျွန်ရို.သူငယ်ချင်းတိဖြစ်သည်။ တစ်ချိူ.က အစိုးရ၀န်ထမ်း၊ တစ်ချို. အိမ်ထောင်ကျ၊ တစ်ချို. စီးပွားရေးလုပ် ယင်းပိုင် ဘ၀ကို ကြုံရေပိုင်ရုန်းကန်နိန်ကတ်သည်။ အမျိုး၊သူငယ်ချင်း၊အသိမိတ်ဆွေတိနှင့် တွိပြီးနောက် တည်းခိုခန်းသို.
အကျွန်တစ်ယေက်တည်းလမ်းလျောက်ပြန်လာသည်။ ဟိုတည်တရောက် လမ်းများမှောင်မိုက်လျက်ဟိပြီး လမ်းဘဲတွင်ရခိုင်လူငယ်ချေတိ မြန်မာတေးခြင်းဆို၊ဂီတတီးလျက် စစ်တွေမြို့၏မှောင်မှောက်သောည အရသာကို လူငယ်သဘာဝ ကျော်ဖြတ်လျက်ဟိသည်။

အကျွန်ဟိုတယ်သို့အရောက်တွင် ၀န်ထမ်းချေတစ်ယောက်က ဖယောင်းတိုင်တိနှင့်ဆီးကြိုသည်။ ၂၁ ရာစုခောတ်ရခိုင်ပြည်တိုးတက်မူတိကို နဖူးတွိ ဒူးတွိ အကျွန် ခံစားမိလိုက်သည်။ ဖယောင်းတိုင်ပီးလာသော ထိုကလေချေကို ကျေးဇူတင်လျက်အကျွန် သည် တစ်ညတာတွက်
အိပ်စအနားယူလိုက်သည်။

မိုးထစစော ၆ နာရီတိအချိန်တွင် စစ်တွေဆောင်း၏ နှင်းငွေမြူမုန်ချေတိနှင့်အတူ အကျွန်နိုးထလာသည်။ ပြတင်းပေါက်ကို ဖွင့်ကြည့်လိုက်သောအခါ စစ်တွေ တစ်မြို့လုံး မြူတိနှင့်အုံဆိုင်နိန်သည်ကိုတွိရသည်။ စစ်တွေဆောင်းနှင့်ဝီးကွာခရသောအကျွန်သည် မျက်နှာ ပရုန်းနရုန်း သစ်ပြီးကင်မရာကိုင်လျက် ဟိုတယ်ထက်ကဆင်းလာသည်။ ဟိုတယ်ရှိ သရက်ပင်တွင် သရက်တန်ချေတိ ထိုးနိန်သည်ကို အကျွန်မော်ကြည့်လျက် ကြည်နှုးနိန်မိသည်။

အပိုင်း(၃)

ဟုတ်ပါသည်။ ရခိုင်ပြည်က အကျွန်အလွမ်းရဆုံးအပင်တိထဲတွင် သရက်ပင်နှင့် နပျိုပင်တိထိပ်ဆုံးက ပါဝင်ပါသည်။ နှင့်မှုန်ချေတိနှင့် ၀င်းဝါ လှပနီသောထိုသရက်တံချေတိကို အကျွန်ဓာတ်ပုံ နှစ်ပုံခန်. ရိုက်ယူလိုက်ပြီး ညင်နီသောဝမ်းကို ဖြည့်ရန် လမ်းမကြီး
လဖက်ရည် ဆိုင်တန်းသို. လှမ်းလျှေက်ထွက်လာသည်။ အချိန်ကား ၆နာရီ မိနစ်၃၀ ခန်. ဖြစ်မည်။ မြူ ချေတိ အုံဆိုင်းနီတုန်းဖြစ်သည်။ အရှီဘက်က နီမင်းကား သူ.ရွှေရောင်ကောဇောကြီးကို စစ်တွေမြို့သည် ဖြာချရန် အားယူနီသည်။ အကျွန်သည် ၁၅ မိနစ်
ခန့်လမ်းလျောက်ပြီးနောက် ဆိုင်တစ်ဆိုင်ဟြီ့(ရှိ) လမ်းမ ပလက်ဖောင်းထက်တွင်ဝင်ထိုင်လိုက်သည်။ ထိုဆိုင်အပြင်အဆင်ကား ခောတ်နောက်ကျလွန်းသည်။ ဆိုင်ထဲသို. မျက်စိတစ်ချက်လှမ်းကြည့်လိုက်သောအခါ အသက်မပြည့်သိမ့်သော အဖအသျှေတစ်ဝက်ခန်ှ.
အလုပ်လုပ်နီသည်က်ိုတွိရပါသည်။ အသက် ၁၂ နှစ်အရွယ်ခန့်ရှိ အသျှေတစ်ယောက် အကျွန်နားတိုးကပ်လာပြီး ချစ်စဖွယ်ပြုံးပြသည်။ အပြစ်ကင်းစင်၊ ချစ်ဖို.ကောင်းသော ဒေအသျှေအ၀တ်အစားများသည် အလွန်ပင်ဟောင်းနွမ်းလျက်ဟိပြီး သူစီထားသောဖိနပ်မှာ
အရောင်တိမှေးမိန်လျက်ဟိသည်။ ထိုအသျှေ၏ မျက်နှာပြင်သည် အရွယ်နှင့်မလိုက်အောင်ရင့်ကျက်ဟန်ဟိပြီးလောကကြီးကို ဒေါင်ကျကျ ပြားကျကျ ရင်ဆိုင်လာဟန်ပုံပေါက်သည်။ ထိုအသျှေအားဓာတ်ပုံရိုက်ယူလျင် ဥရောပနိုင်ငံများမှ ပထမကမ္ဘာစစ် အတွင်းက
စစ်ပြီးဒုက္ခသည် အသျှေတိဓာတ်ပုံ ပုံစံထွက်နိုင်ပါသည်။ထိုအသျှေ၏ "အကို ဇာမှာဘာဖို.လေ့မသိမ့်" ဟုယဉ်ကျေးစွာပြောသောစကားသံက အကျွန်အတွေးစ ကို ပြတ်လားစီသည်။ ထိုအသျှေ၏ ဘ၀ဇာတ်ကြောင့်ကို မီးကြည့်ချင်သည်။ သို.သော်လည်းအကျွန် မမီးဖြစ် ခပါ။ ပဇာကြောင့်ဆိုသော် ထိုအသျှေကို အကျွန် သုံးသပ်ကြည့်ခြင်းအားဖြင့် ပြောပြရန်မလိုသော အဖြေများ အကျွန်နှလုံးသားထဲတွင် ဟိနီယာဖြစ်သည်။ ၈ နှစ်မျှလွမ်းဆွတ်တမ်းတခရသော ရခိုင်လက်ဖက်ရည်နှင့် ရခိုင်မနက်စာ ကို အကျွန်စိတ်ကြိုက်စား လိုက်ပြီး ထိုအသျှေကို ကျေးဇူတင်လျက် ရှုးခင်သာလမ်းဘက်သို. အကျွန်ထွက်လာသည်။ ရွီးပြရန် ခက်ခဲသော အဖ၏ သွီးရင်း သားရင်း ဂစ္စပနဒီ၏ မြစ်၏ သဘာဝဂီတ လှိုင်းခတ်သံချေတိကို အကျွန်နားထောင်ချင်သည်။ အဖ၏ ထာဝရလက်ဆောင်ဖြစ်သော ဂစ္စပနဒီ အရှိဘက် ရဖီရှပ်တောင်စွယ်ထက်က ဦးမောလာမည့် နီမင်းကို အကျွန်အလည်ရောက်ကြောင့်အသိပီးပြောပြချင်သည်။ ရှုးခင်းသာလမ်းထရောင်ချိန်တွင်အကျွန်စိတ်တိ လမ်းဆန်းတတ်ကြွလာသည်။ အဖ၏လက်ဆောင်ဖြစ်သောပင်လယ်လီကိုတ၀ရှုလိုက် ပြီးပလက်ဖောင်းပေါ်တွင် ရဖီချပ်တောင်ဘက်မျက်နှာမှုလျက် အကျွန်ထိုင်လိုက်သည်နှင့် အတိတ်ကအရိပ်တိအကျွန်စိတ်တွင်ထင်ဟပ်လာသည်။ အကျွန်သည် စစ်တွေမြို့သားမဟုတ်ပါ။ ယေဘင်ယေကေလေ့သင့် အကျွန်.ကျောင်းနီစဉ်တွင်းစစ်တွေမြို့က အကျွန်.ကို သူစိမ်းတစ်ယောက်ပိုင်မဆက်ဆံဖူးပါ။ အကျွန်၏ ဘ၀ ကြမ်းတမ်းခတ်ထမ်မှုတိကို ဒေမြို့ချေက အကျွန်နှင့်အတူကျော်ဖြတ်ဖူးသည်။

ဘုန်းကြီးကျောင်းတွင်နီ၍စာတစ်ဘက်၊အလုပ်တစ်ဘက်နှင့်ရုန်းကန်ရသောအကျွန့်ကို
လုံးဝအရှုံမပီးဖို. စစ်တွေမြိူ့က အားပီဖူးသည်။ အကျွန်သည် စစ်တွေတွင်အနှိမ်ခံဖှုးသည်။အကျွန်သည် စစ်တွေမြို့တွင် ချီမြောက်ခံဖှုးသည်။ စစ်တွေတွင်အကျွန်အစွပ်အစွဲခံဖူးပါသည်။စစ်တွေတွင်အကျွန်အကာကွယ်ပီးခံရဖူးပါသည်။
စစ်တွေတွင်အကျွန် ချစ်ဖူးပါသည်။စစ်တွေတွင်အကျွန်အသဲကွဲဖူးပါသည်။စစ်တွေတွင် အကျွန်ငိုဖူးပါသည်။စစ်တွေတွင်အကျွန်ပျော်ဖူးပါသည်။ စစ်တွေတွင်အကျွန်အမုန်းခံဖှုးပါသည်။စစ်တွေတွင်အကျွန်အချစ်ခံဖှုးပါသည်။
ထိုသို.သောလောကဒဏ်တရားပေါင်း မြောင်မြားစွာကို စစ်တွေမြို့နှင့်အတူအကျွန်ခံဖူးပါသည်။ ဒေရှုးခင်းသာလမ်းထတွင်ထိုင်နီချိန်တွင်သတိအရဆုံးအချိန်သည် သူငယ်ချင်းတိနှင့် လက်ဖတ်သုတ်စားလျက် လပြည့်ညတွင်ဂီတာတီးခကတ်တေအချိန်တိဖြစ် ပါသည်။ ငွေကတီပါ အရောင်ခတ်နီသော ဒေဂစ္စပနဒီကြေးမုံပြင်တွင်အပြစ်ကင်းသောအကျွန်ရို.လူငယ်ချေတိဘ၀ကို ဂန္တ၀င်မြောက်စွာကုန်ဆုံးဖူးသည်။ နိုင်ငံရေး၊လူမှုရေး၊စီးပွားရေးစသော မြောက်မြားစွာသော ကိစ္စရပ်တိကိုသိနားမလည်သော
ယင်းပိုင်အပြစ်ကင်းရေလူငယ်ချေတိဘ၀ကို အကျွန်ပြန်ပြီးပိုင်ဆိုင်လိုက်ချင်သည်။ လပြည့်ညတွင် အသံကုန်အော်လျက်ဂစ္စပနဒီမြစ်ကြီးကို နတ်ပိုက်၊သွန်းပိုက်၊ကစပ်ပိုက်ချင်သည်။ ယင်းပိုင်အတွေးပေါင်းသောင်းခြောက်ထောင်နှင့်ကျင်ကိုင်လျက်နီချိန်တွင်ဝမ်းကဆန္ဒပြလာသဖြင့် ၁၂ နာရီတီးအချိန်တွင် ဆိုက်ကားငှားလျက်ဘုန်းကြီးကျောင်းတွင်ထမင်းစားရန်အကျွန်ထွက်လာမိသည်။

အပိုင်း(၄)
............
ဘ၀တွင် မရိုးနိုင်သော ထမင်း၊ဟင်းတိကို အားရဘားရ စားသောက်ပြီနောက် ဆရာတော်နှင့် စကားစမြည်ပြောအပြီး ဟိုတယ်သို.အကျွန်လမ်းလျှောက်ပြန်လာသည်။ ဆောင်းရာသီဘင်ဖြစ်ကေလေ့စစ်တွေ နီသည် အကျွန်အတွက် ကကောင်းပူပြင်းလှသည်။ ဒေနိ ကျွန်းက ဘာဘာနှင့် နှမချေရို. အကျွန့်ကို ဘုတ်နှင့်လာအခေါ်ကို စောင့်နီမိသည်။ အခန်းထဲတွင် တနားချေ လဲလျောင်းနီစဉ် ဟိုတယ်ဝန်ထမ်း ကလေချေ အခန်းတန်းခါးလာခေါက်သည်။ ဘာဘာ အောက်ခန်းတွင်စောင့်နီကြောင့်ပြောသည်။ အကျွန်. ကိုမြင်လျင်မြင်ချင်း အဘာသည် "အဝေး" ဟုဆိုကာ အကျွန့်လက်ကို ဆုပ်ကိုင်ထားသည်။ ၈နှစ်မျှဝီးကွာခရသော သားတစ်ယောက်ကို အဘာ အောက်မိစိတ်ပြင်းပြ နီခပါလိမ့်မည်။ သူ၏တင်းကျပ်သောဆုပ်ကိုင်မူမှတဆင့်အကျွန်ခံစားမိသည်။ဥရောပ ယဉ်ကျေးမှုအရဆိုလျှင် အဘာက အကျွန်.ကို အကြာကြီးဖက်ထား
မည်မှာသေချာပါသည်။ အကျွန်ရို.သားအဖ၊မောင်နှမ ချစ်ခင်မှုများသည် ထိုကဲ့သို. အပြူမှုတိလုပ်စရာမလိုဘဲ ရင်ထဲချင်း၊ အသဲနှလုံးချင်း၊အသွီးသားချင်း ဆက်သွယ်မူတိက အခြေခံပါသည်။ ထိုအကြောင်း၊ဒေအကြောင်း စကား စမြည်ပြောလျက် အကျွန်ရို.
သားအဖ တစ်စု ဆန်ဆိပ်(ဘုတ်ဆိပ်) ကိုဆင်းလာသည်။ ဖောင်တော်ဘင် အကောင်းမဟိသော ရခိုင်ပြည်၏ မြို့တော်သည် အကျွန်ကိုမျက်နှာအငယ်ချေနှင့်ပြုံး ပြသည်။ သန်.ရပ်မှုမဟိသော အရောင်ဆိုင်တန်းများသည် ယင်းအတိုင်းဘင်ဖြစ်သည်။
အ၀ီးကလာသောအကျွန်ကို ဘာဘာနှင့် သံဗ္ဗန်ခတ်သမားတိက အားနာနီပိုင် ဟိသည်။ အကျွန် ကျုပ်ကိုမနှင်းမိအောင် အဘာက သံဗ္ဗန် ခတ်သမားကို သံဗ္ဗန်ကို ကမ်းနားအရောက်တိုးခိုင်သည်။အကျွန်က ပြုံပြပြီးသံဗ္ဗန်ထက်တွင်တတ်ထိုင်မိသည်။
ဘုတ်ကိုအလားသံဗ္ဗန်ခတ်သမားကိုကြည့်လျက်အကျွန်အတွေးတိနယ်ချဲနီမိသည်။

ချွဲပပြစ်ကျနိန်သောသံဗ္ဗန်ခတ်သမားကိုကြည့်၍အကျွန် သနားစိတ်တိဖြစ်ပေါနီသည်။ သမုဒ္ဒရာ ၀မ်းတစ်ထွာတွက် ဒေပိုင်ရုန်းကန်လှုပ်သျှားရသော အဖသားတိတွက်ရင်နာ မိသည်။ သူများတိုင်းပြည်မှာဆိုလျင် စစ်တွေမြို့ သည်ကမ္ဘာအလှဆုံးဆိပ်ကမ်းမြို့တော်ဖြစ်နီပါလိမ့်မည်။ စစ်တွေမြို့သည်ဂစ္စပနဒီ မြစ်ကြီးနှင့် အလှချင်းပြိုင်နီပေလိမ့်မည်။ အဖကလက်ဆောင်ပီးထားသော သဘာဝတရားကြီးသည် စစ်တွေမြို့ကို အလှဆင်ခွင့်
မရ။ စစ်တွေမြို့သူ၊မြို့သားတိနှင့်အတူ ဒေမြို့ချေသည် လောကဒဏ်တရားတိကို မလွန်ဆန်နိုင်။

တအင့်အကြာတွင်သံဗ္ဗန် ဘုတ်နားကိုကပ်လာသည်။ ဘုတ်ထတွင်ရွာကလူတစ်ချိူ.နှင့် ပိန္နဲချောင်းကျွန်းကလူတစ်ချို.တွိရသည်။ အကျွန်ကိုမြင်လျင် ပပွင့်လလင့်လာနှုတ်ဆက်ကတ်သည်။ထိုအကြောင့်ပြော၊ဒေအကြောင့်ပြောဖြင့် ဂစ္စပနဒီမြစ်အလယ်ကောင်
တတည့်အရောက်တွင်အကျွန်သတိဝင်လာသည်။ လူတိကို နှုတ်ဆက်လျက် ဘုတ်ပဲ့ဘက်ကို အကျွန်လျောက်လာသည်။လှချင်းတိုင်းလှနီသော ဒေမြစ်ကြီးအရသာကို တ၀ခံစားနိမိသည်။ ဘုတ်လားလမ်းတစ်လျောက်တွင် ပစ်သမားတိ ငါးဖမ်းနီကတ်စွာတိ သဘာဝ ပန်ချီကားတစ်ချပ်ပိုင်။ဂစ္စပနဒီ မြစ်အစွန်းပိုင်တွင်တည်ဟိနီသောရဖြီချပ် တောင်သည်လည်း မပြိုမလဲ ဘဲမားမားမတ်မတ် ရပ်တည်နီသိမ့်သည်။ အကျွန်အချေခါ အဘာ နှင့်စစ်တွေသို့လာလျှင် ဒေတောင်ကိုစကားပြောနီကျဖြစ်သည်။ အကျွန်သည်ပြောင်းလဲလားပါသည်။ ယေကေလေ့ ဒေတောင်သည်မပြောင်းမလဲဘဲထာဝရတည်နီသည်။ ယင်းပိုင် အဖသဘာဝ အလှတိကို တ၀ကြီးခံစားယင်းအကျွန်သည် စိတ်ထဲတွင်ရခိုင်ပြည်ကြီးကို သူများတိုင်းပြည်တိပိုင်တိုးတက်ဇီချင်သည်။ စစ်တွေနှင့် ရဖီချပ်တောင်ကို မြေအောက်ရထားလမ်းဖောက်
ကြည့်မိသည်။ ပေါက်တောမြို့မှစစ်တွေသို့ ဒေဂစ္စပနဒီမြစ်ကြီးကိုဖြတ်လျက်တန်းထ(တံတား)ထိုးမိသည်။ အကျွန်ရို.ပိန္နဲချောင်းကျွန်းက ကျွန်သားတိကို ကိုယ်ပိုင်ကားမောင်လျက်ဂစ္စပနဒီမြစ်ကြီးကိုဖြတ်၍စစ်တွေတွင် ချော်ပိန်(shopping) ထွက်ဇီချင်မိသည်။
တောင်ရင်းကျွန်းတွင် စက်ရုံ၊အလုပ်ရုံတိ ဆောက်ကြည့်မိသည်။ တောင်းဖူးမြစ်တွင် စပိဘုတ်တိ နှင့် ထိုကျောက်၊ဒေကျောက်တိကို လာကြည့်မိသည်။ တောင်ညိုတောင်တွင် ရခိုင်ဗိသုကာဆိုင်ရာ ပြတိုက်(အခွဲ)တစ်ခုဆောက်ကြည့်မိသည်။ဖားဒူကြီးရွာနားတွင်
ကမ္ဘာလှည့်ခရီသည်တိအတွက် ကမ်းခြီအိမ်ချေတိ ဆောက်ကြည့်မိသည်။ သဲခုံတွင် ရခိုင်ရီလုပ်ငန်းဆိုင်ရာ သုသေတန သင်းတန်းပီးကြည့်မိသည်။ ယင်းကဲ့သို. အတွေးပေါင်း သောင်းခြောက်ထောင်နှင့်ကျင်ကိုင်နီခိုက် ဘုတ်စက်သံလျော့လားသည်။

ဒေချင့်သည် မညုင်းကိုင်းချောင်းနှင့်ပါးလာယာဟုသော အမှတ်အသားဖြစ်သည်။ ဘုတ်သည်ချောင်းသိုးကွေ.၀င်လိုက်စဉ်တွင် ရင်အုံတော်ဘုရားကိုလှမ်းမြင်ရသည်။ အကျွန်အသျှေခါက ဒေတောင်အောက်က ဘုန်ကြီးကျောင်းကို အဘောင်သျှင်နှင့်ဝပုဒ်(ဦးပုပ်) စောင့်ရန်လိုက် ဖူးသည်။ တောင်ခြီရင်းတွင် သူငယ်ချင်းတိနှင့် အင်ဂရားပန်း၊စံကားပန်း၊ကံ့ကော်ပန်းစသည်ဖြင့် ပန်းမျိုးစုံကောက်ဖူးသည်။ ပန်းချေတိ ကိုမက္ကလာမှာထည့်လျက်မောင်နှမတိနှင့် အတူတူသီပြီးဘုရားတွင်လှူဖူးပါသည်။
ရင်အုံတော်တောင်ထက်က မျောက်တိကိုထမင်းခဲ့တိနှင့် စဖူး၊နှောက်ဖူးပါသည်။ ဒေတောင်ထက်ယာခင်းတိက အသီးမျိုးစုံခိုးဖူးပါသည်။ သရက်သီးပေါ်ချိန်ရောက်လျှင် ယာခင်းထဲက သရက်သီးခိုးယင်း သရက်ပင်တိအောက်တွင်ထိုင်လျက် သူငယ်ချင်းတိနှင့် ငပိဆားရည် တီးဖူးသည်။

ယင်းပိုင် ဆီဆောက်ကရောက်တွေးတောနီချိန်တွင် ဘုတ်စက်သံရပ်လားပါသည်။ ဘုတ်ဆိပ်တွင်အရောင်စုံလူတိ စောင့်နီကတ်သည်ကိုတွိရပါသည်။ လူတစ်ဝက်လောက်ကို အကျွန်မှတ်မရပါ။ မျိုးဆက်သစ်တစ်ခုသည် နှစ် ၁၀ အတွင်းအပြောင်းလဲကြီး
ပြောင်းလဲဇီပါသည်။အကျွန်အိမ်ကထွက်ခွာစဉ်အခါက စကားအလှပလှမပြောတတ်သော အကျွန့်ညီ အငယ်ဆုံးကောင်သည် ရှင်ပြူဖို.အရွယ်တန်နီယာဖြစ်သည်။ အကျွန်.နှမချေတိလည်းအပျိုဘောင်ဝင်နီကတ်ယာဖြစ်သည်။သူရို.တိက အကိုကြီးဟုခေါ်ကာ
လာနှုတ်ဆက်သဖြင့်အကျွန်မျက်နှာတိကို တန်းမှတ်မိသည်။ အကျွန်ရို.ရွာလမ်းတစ်လျောက်တစ်စုံတစ်ခုမှ ပြောင်လဲလားခြင်းမဟိပါ။ တလင်းသိမ်းစချိန်ဖြစ်၍ ၀င်းဝါနီသောလယ်ဇွတ်များ နီဝင်ဆည်းဆာအချိန်နှင့်လှချင်တိုင်းလှနီကတ်သည်။ ရွာလမ်းတစ်ချောက်
စံပယ်ပင်ကြီးတိ အနည်းငယ်ကြီးထွားလာဟန်ဟိပြီးရွာလမ်းတစ်ချောက်ကိုဇကုန်အလှဆင်ထားကတ်သည်။အကျွန်ရွာကို စ၀င်လိုက်သည်နှင့်အကျွန်ရွာသားတိတရုန်းရုန်းနှင့်ထွက်နှတ်ဆက်ကတ်သည်။ ရခိုင်စကားပပေါက်ပြောသောအကျွန်ကို အင်္ဂလိပ်
စကားပြောအေးမောင် စသည်ဖြင့် နတ်ကတ်၊သွမ်းကတ်သည်။ အကျွန်ဇာတိကျွန်းရွာက အကျွန်ရို.လူမျိုးတိ၏ ချစ်ဖို.ကောင်းသောအရိုးခံဖော်ရွှေမှုတိအပေါ်အကျွန်ဂုဏ်ယူမဆုံးပါ။ အဂုပိုင်ပြန်ဆုံတွိရချိန်တွင် ၀မ်းသာလုံးဆို.လျက် စကားမပြောနိုင်ဘဲ
အကျွန်မျက်ရည်တိတောင်ဝဲမိပါသည်။ အကျွန်အိမ်ဟြိ့အရောက်တွင် အကျွန်ပိုပြီးဝမ်းနည်းလာပါသည်။ လူကြားထဲကရုန်းထွက်ချင်စိတ်ပေါက်လာပြီး အကျွန် ရွာမြောက်ဘက် သောက်ရီကန်ဘက်သို.ခြီလှမ်းလှည့်မိသည်။

အပိုင်း(၅) ကို စောင့်ဖတ်ကတ်ပါ။
အေးမောင်(ရင်အုံတော်ဓာတ်)
ဲ

(ဘုရင်မာရယုဘလော့မှ)

ပြည်တွင်းစစ်ဖြစ်ပွားမှု၊ သဘာဝဘေးအန္တရာယ်ကျရောက်မှု၊ ခပြားသတ်အာဏာသိမ်းယူမှု များသည် တိုင်းပြည်တစ်ပြည်အား ကင်ဆာလိုက်စားပိုင် ဆယ်စုနှစ်အတွင်းဆားမရ၊ရီမရ ဘရဘရေ ပြိုကွဲမှုတိဘက်ကို ဦးတည်ဇီသည်။ တိုင်းပြည်တစ်ပြည်ကျဆုံး
နီသည်ကို လိမ်ညာ၍မရနိုင်ပါ။ဘဇာကြောင်းဆိုသော် ထိုအရိပ်အရောင်များသည် ပြည်သူများ၏ မျက်လုံးတွင်ရောင်ပြန်ခတ်နီခြင်းကြောင်းဖြစ်သည်။ ကမ္ဘာပေါ်တွင် တစ်ဘီလီယံမျှသော လူထုသည် ဘရဘရေ ပြိုကွဲမူ၊အရိပ်အန္တရာယ်သန်းနီသော တိုင်းပြည်များတွင်နီထိုင်လျက်ဟိကတ်ပါသည်။

တစ်ချို့သော တိုင်းပြည်ဂေါင်းဆောင်များသည် မိမိရို့၏ တိုင်းပြည်တစ်စိတ်တစ်ပိုင်းကို ပြိုင်ဘက်တိလက်သို့ရီစက်ချထားရပြီး တိုင်းပြည်၏မြို့တော်တိကိုရာ တွယ်ကပ်ထားရသည်။ အစိုးရအများစုသည် ပြည်သူများ၏ အခြေခံလိုအပ်ချက်တိကိုပင်လုပ်ပီးနိုင်စွမ်းမဟိကတ်ပါ။ လုပ်လဲလုပ်ပီးချင်စိတ်မဟိကတ်ပါ။ အစိုးရအများစုသည် အာဏာအလွဲသုံးစာလုပ်မှု၊ အကျင့်ပျက်လာဘ်စားမှုများနှင့် ခြီတိုင်ယိုင်နီကတ်သည်။ ယင်းကဲ့သို့ တည်ငြိမ်မှုမဟိသော တိုင်းပြည်သည်တွင်းဆုံးကျမည်လက္ခဏာဘက်ကိုဦးတည်နီသည်။ ထိုသို့သောတိုင်းပြည်များသည် ကမ္ဘာကြီး၏ငြိမ်းချမ်းရေးကို ခြိမ်းခြောက်နီသောဗြောက်အိုးစနက်တန်များလည်းဖြစ်သည်။

ယင်းသို့သောတိုင်းပြည်များသည် အကြမ်းဖက်ဝါဒ၊ရာဇ၀တ်ဂိုင်းတိနှင့်မျက်ကန်းနိုင်ငံရေးအဖွဲ့အစည်းတိပေါက်လာဇီရန် ကြက်ဥအပှုပီကိရိယာတိနှင့်တူသည်။ ယင်းသို့သောအဖွဲ့အစည်းများသည် ထိုသို့သောတိုင်းပြည်များ၏အားနည်းချက်ကို မိမိရို့၏အခွင့်အရေးအထူးအဖြစ်မြင်တတ်ကတ်သည်။ ဥပမာ ပြရလျှင်မြန်မာနိုင်ငံ၏မတည်မူတိကိုအခွင့်ကောင်းယူလျက် ရခိုင်ပြည်အား နှစ်ပိုင်းပိုင်းရန်ကြံနီသော မူဆလင်အုပ်စု(ရခိုင်အခေါ် ကုလား)၊ဆိုမားလီးယားမှ အကြမ်းဖက်အဖွဲ့များ၊အာဖကန်မှာ တာလီဘန် စသည့်အဖွဲများပါဝင်သည်။

ပထ၀ီအနီအထားများသည်လည်းတိုင်းပြည်တစ်ပြည် ဒဏ်ရာရလွယ်၍ မတည်ငြိမ်မူတိဘက်သို့ရပ်စောက်ကျလားဇီနိုင်သည်။ တည်ငြိမ်မှုမဟိသောအိမ်နီချင်းနိုင်ငံများကြောင့်လည်းတိုင်းပြည်တစ်ပြည်သည်အန္တရာယ်ရင်ဆိုင်ရနိုင်သည်။ အီရတ်စစ်ပွဲများ
ကြောင်း ဒုက္ခသည်အညာရီပေါက်မူများကိုဆီရီးယား နိုင်ငံကခံစားသည်များကိုသုံးသပ်ကြည့်ပါ။ အကျွန်ရို့နှင့်အပါးဆုံးဥပမာမှာ ထိုင်းနိုင်ငံတွင်းသို့ မြန်မာ၊ရခိုင်ဒုက္ခသည်များအညာရီပေါက်မှုဖြစ်သည်။ လူဦးရေအလွန်တရာများပြားလှသော ဘိန်းကလားဒေ့ခ်ျနိုင်ငံ
သည် အထူးစပါယ်ချယ်စိန်ခေါ်မှုတ်ိကိုရင်ဆိုင်နီရသည်။ အကျိုးဆက်များအဖြစ် ထိုစိန်ခေါ်မှုများကိုအကျွန်ရို့ရခိုင်ပြည်ကလည်းခါးစီးခံနီရသည်။ ကမ္ဘာပေါ်ဟိ ချပ်(ဒ်)နိုင်ငံသည်လည်း နိုင်ငံ၏အခြေခံစီးပွာရေးမှုတိချက်မှတ်ရာတွင် အယှုံးတိနှင့်ရင်ဆိုင်နီရသည်။

မြေသြဇာမကောင်းမှု၊ရီရဟိမှုနည်းပါးမှုဟိသောကုန်းမြင့်နိုင်ငံများသည်လည်းနိုင်ငံ၏လိုအပ်ချက်တိကိုဖြည့်ဆည်းနိုင်ရန်စိန်ခေါ်မှုတိနှင့်
ရင်ဆိုင်ရတတ်သည်။ သံယဇာတပေါကြွယ်ဝသော ကမ္ဘာပေါ်ဟိ ရခိုင်ပြည် နှင့် ကွင်ဂို တိုင်းပြည်များသည်ထိပ်တန်းမှအဖယ်ခံထားရသည်။ စွမ်းအင်ကြယ်ဝမှု၊ကျောက်သံပတ္တမြားပေါများခြင်းများသည် တိုင်းပြည်၏ တကိုယ်ကောင်းဆန်သော လှု့မလိုင်အတန်းအစားတိအကြား ဟခရီကျပြိုင်ဆိုင်မူတိဘက်ကိုဦးတည်ဇီကာနောက်ဆုံးတွင် တိုင်းပြည်သယံဇာတကျိန်စာသင့်မှုတိနှင့်ကျင်ကိုင်ကတ်ရသည်။

ယဉ်ကျေးမှုနှင့်သမိုင်းဆိုင်ရာ တင်းကြပ်နီသောအခြေအနီများကြောင်းလည်းတိုင်းပြည်တွင်းပြဿနာများယှုပ်ထွီးစီနိုင်သည်။ အာဖရိကတိုက်၏ထိပ်တန်းငါးနိုင်ငံသည်အကောင်းဆုံး သက်သီဖြစ်သည်။ " ကိုလိုနီနယ်ချဲ့ရို့ ဆီးဆောက်ကရောက် မြေတိုင်း
တာသတ်မှတ်မူတိစွာ လူမျိုးစုတိအကြား သဘာဝမကျရေ ပြည်နယ်တိဖြစ်ပေါ်ဇီပါရေ" ဟု Fund Of Peace အဖွဲဥက္ကဌ Paulline H.Baker မှပြောသည်။ ယင်းသို့သော နယ်မြေများသည် လူတစ်ဦးစီ၏ နိုင်ငံသားအဖြစ်ပေါ်လွင်လာမှုနှင့် စစ်မှန်သောအစိုးရ
တစ်ရပ်အဖြစ်ရပ်တည်လာမှုကို အားမပီးဘဲ အာဏာပိုင်များထာဝရဟြင်သန်ရေးကို ဇန်းဘွတ်ကိုင်တတ်သည်။ အဖရိကတိုက်၏တိုင်းပြည်တစ်ပြည်ဖြစ်သော ဆီနီဂေါ သည်ကိုလိုနီရို့၏အောင်မြင်သော သီတမ်းစာ တစ်ရွက်ဖြစ်သည်။ " သိသာတိုးတက်တေ၊ခေါင်းဆောင်မူတိဟိကေ တိုင်းပြည်တစ်ပြည်ရေ အကျိုးအမြတ်ဖြစ်ထွန်းနိုင်ပါရေ" ဟု Mr.Baker မှထပ်ပြောသည်။

အဂွင့်ဂွင့်မှန်ပါသည်။ တိုင်းပြည်တစ်ပြည်၏ တည်ငြိမ်အီးချမ်းမှုကိုဖန်တီနိုင်ခြင်းသည် အုပ်ချူပ်သူအစိုးရပေါ်တွင်လုံးဝမှုတည်နီပါသည် ဟုနိုင်ငံရေးသိပ္ဖံပညာသျှင် D.College ကပြောပါသည်။ အစိုးရတစ်ရပ်အနိန်ဖြင့် တရားမျှတ၍တိကျခိုင်မာမှန်ကန်
သောမူဝါဒရေးရာများချမှတ်ခြင်းဖြင့် အလားလာဟိသောနိုင်ငံတွင်းရင်းနှီးမြှပ်နှံမှုများကိုလင်သျှာဆိုနိုင်ပါသည်။ ထိုသို့ပြုလုပ်ခြင်းဖြင့်လက်နက်ကိုင်ပုန်ကန်မှုတိကိုလျော့ပါးလားစီနိုင်သည်။ ကမ္ဘာဘဏ်နှင့် ကုလသမ္မဂ ကဲ့သို့သော အဖွဲ့များမှ အကူအညီ
ရယူခြင်းသည်လည်း နှမ်းထွက်နှင့်မှန်ချက်ကိုက်ချင်မှကိုက်နိုင်ပါလိမ့်မည်။ ယေဘင်ယေကေလေ့ ကမ္ဘာပေါ်တွင် အိန္ဒယနှင့် တောင်အာဖရိကနိုင်ငံများသည် စိတ်လှုပ်သျှားဖွယ်ကောင်းသောဇာတ်လမ်းတွဲများနှင့်အောင်မြင်မှုရနီကတ်သည်ကိုမငြင်းနိုင်ပါ။

ကုလတပ်များမှစစ်ရေးစစ်ရာများနှင့်နိုင်ငံတစ်နိုင်ငံတည်ငြိမ်ရေးကိုဝင်ရောက်ကယ်တင်ခြင်းတည်းဟုသောအဓိပ္ဖာယ်ဆောင်သည်ပန်းချီးကားချပ်ကို
အယင်စလိုမဆွဲသင့်ပါ။ ပဇာကြောင့်ဆိုသော် ယင်းပန်းချီကားချပ်သည်အမိုက်ပုံးနှင့်မိတ်ဆက်ရနိုင်ပါသည်။
ထိုသို့ပြူမှုခြင်းကြောင့် အိပ်ပေါက်နှင့်ဖားကောက်ခရသော ကမ္ဘာဂြိုလ်ပေါ်မှ ခြောက်နိုင်ငံ၊ခုနှစ်နိုင်ငံတိထဲတွင် အီရတ်နှင့်အာဖကန်နီစတန်နိုင်ငံတိပိုင်မသေချာ မရေရာမူတိနှင့်ထိပ်တိုက်တိုးလားနိုင်ပါသည်။ နောက်တစ်နိုင်ငံက ဆိုမားလီးယား ပါ။ ပထ၀ီအနိန်အထား၊သမိုင်းဆိုရာနှင့်မျိုးနွယ်ပြဿနာတိနှင့် ကျင်ကိုင်နီရသော ဆိုးမားလီးယားနိုင်ငံသည် ကမ္ဘာပေါ်တွင်ဆွဲဆောင်မူ၏တောင်တဘက်ကိုရောက်နီသည်မှာ အဆန်းမဟုတ်ပါ။

ယေကေလေ့ ဒေနီရာတွင်မီးစရာတစ်ခုပေါ်လာပါသည်။ မိမိ၏ပိုင်နက်အားလုံးကိုမထိန်းချုပ်နိုင်သော ကိုလုံဘီယာနိုင်ငံ ကျဆုံးနီပါလာ?? ၂၀၀၇ ခုနှစ်ရွေးကောက်ပွဲတွင် သွီးထွက်သံယိုသတ်ဖြတ်မူတိနှင့်ခါးသီးစွာရင်ဆိုင်ခရသော ကန်ညာနိုင်ငံသည် ကမ္ဘာကျဆုံးမှုအလားအလာဟိတိုင်ပြည်ဇယား ၂၆ မှ ၂၄ သို့ ဒေနှစ်တွင်ခုံတက်လိုက်သည်။ ယဘင်ကလေ့ ပြောင်မြောက်သော ကင်ညာစီးပွားရေးလုပ်ငန်းသျှင်များ၏ထုက္ကန်မှုများသည်တိုင်းပြည်၏ အနာဂတ်ကျဆုံးမှုကိုဇာလောက်အာမခံချက်ပီးနိုင်ပါဖို့လဲ။

သတိကြီးသောတိုင်းပြည်တစ်ပြည်၏ပညာတတ်များသည် ဆီးဆောက်ကရောက်ဆုံးဖြတ်ချက်တိကို စောင့်ကြည့်နီတတ်ပါသည်။ လူအများစုသည်တိုင်းပြည်တစ်ပြည်၏ သမိုင်းကြောင်းဆိုင်ရာသဘွတ်အူပြဿနာတိကို အလွယ်ချေမိပျောက်တတ်သည်ဟု
ဟာဝါယီသက္ကသိုယ်မှ ပါမောက္ခ Mr.Tarcisius Kabutaulaka ကပြောပါသည်။ "ကမ္ဘာအင်အားအကြီးဆုံးနိုင်ငံတစ်နိုင်ငံဖြစ်တေ အမေရိကန်နိုင်ငံစွာရေ ပြည်တွင်းစစ်ဖြစ်လို့ ပြာဘုံဘ၀ကနိန် ရုံးထလာရစွာပါ၊ တစ်ခြားနိုင်ငံတိကိုလည်း အချိန်တိုအတွင်းမှာ
သွီးထွက်သံယိုမှုမဟိဘဲ အကျွန်ရို့ပိုင်နိုးထစီချင်ပါရေ။ အကျွန်ရို့မူဝါဒရေးရာတိကို မွီးစပ်ကြည့်ပြီးကေ လေးဘက်လေးစိက သုံးသပ်ကြည့်စီချင်ပါရေ" လို့ သူကထပ်ပြောခသည်။

နောက်ဆုံးဘိတ်ပြောရမည်ဆိုလျှင် နိုင်ငံတစ်နိုင်ငံကျယှုံးနိန်လာ၊မနိန်လာဆိုစွာကို ယင်းနိုင်ငံက ပြည်သူတိအဖြေက အသင့်တော်ဆုံးဖြစ်ပါလိမ့်မည်။ သူရို့မျက်လုံးတိက "ငါရို့တိစွန့်ပစ်ခံထားရယာ" သို့မဟုတ် " စီရင်ချက်တိ ရှင်သန်လာယာ" ဆိုခကတ်ကေ။

ကျေးဇုတင်ပါသည်။
2009,September လထုတ် National Geographic မှ Robert Draper ရွီးသားသော When Things Fall Apart ဆောင်းပါးကို အကျွန်၏ ကိုယ်ပိုင်အတွေးအခေါ်များနှင့်ပေါင်စပ်ဘာသာပြန်ထားခြင်းဖြစ်သည်။
(ဒေဆောင်းပါးကိုကြိုက်တေပိုင်မျှဝီနိုင်ပါသည်။)

အေးမောင်(ရင်အုံတော်ဓာတ်)
၂၈၊၀၈၊၀၉


(ဘုရင်မာရယုဘလော့မှ)

ဘီစီ ၆ ရာစုအလယ်၌တည်းထားကိုးကွယ်ခသော မဟာမြတ်မုနိကိုယ်ပွားတော်မြတ်ရာဇ၀င်ကိုရခိုင်လူမျိုးတိုင်းသိကတ်သည်။ မြတ်ဘုရားသျှင်သည် သေလာဂီရိခေါ်ကျောက်တော်တောင်ထိပ်တွင်ရပ်နားတော်မှုလျက် ရက္ခပှုရတိုင်းဓညအား ဗျာဒိတ်တော်
မွတ်ကြားသည့်အထောက်ထားတိကို ရခိုင်တောင်ပေါက်ကြီးကျောက်စာများတွင် မှတ်တမ်းတင်ထားခကတ်သည်။ မြတ်ဘုရားရောက်ခြည်တော်ကို ရခိုင်၊ ရဟန်း သျှင်လှုရို့ ကြည်ညိုမဆုံးဖြစ်နိန်ကတ်ပုံကို မျက်စိနှင့်မှန်းကြည့်လျှင်ဘင်ကြည်နှုးမူတိဖြစ်မိသည်။
ယင်းသို့သော ဟြည်လျားလှသည့်တချိန်တစ်ခါက ကြွီးသွန်းရုပ်ထုတော်ကြီးကို ရက္ခပှုရသားတိ သွန်းလုပ်ခကတ်သည့်သမိုင်းတစ်ရပ်သည်ကမ္ဘာ့လူသားများဆိုင်ရာ အသိညာဏ်တိုးတက်ပြောင်းလဲပုံနှင့်ဆက်စပ်ယူသင့်ပါသည်။ ကြွီးသွန်းအတတ်ပညာများမဟိသလောက်ယှားပါးနိန်သော ထိုခောတ်ထိုအခါက ရခိုင်လှုမျိုးများသည် ယင်းသို့သော လက်ရာမြောက်သည့်ရုပ်ထုတော်မြတ်ကြီးကို သွန်းလုပ်နိုင်သည်ကိုသုံးသပ်လေ့လာကြည့်လျှင် ရခိုင်များ၏ အသိညာဏ်တိုးတက်ပြောင်းလဲမှုသည် အံ့မခန်းပင်ဖြစ်ပါသည်။

လှုသားများ၏ အသိညာဏ်ပြောင်းလဲတိုးတက်ပုံကို ရောင်ပြန်ဟပ်နိုင်သော ကမ္ဘာပေါ်မှ အခြားသောအထောက်အထားများမှာ 2750 BC ခန့်လောက်ကတည်ထားခသော ပီးရမစ် များဖြစ်ပါသည်။ ပီးရမစ် တည်ထားမှုရို့သည် အနှပညာလက်ရာ အလွန်ပင်
အဆင့်မြင့်လှပြီး၊ဆောင်လုပ်မှုဆိုင်ရာ အတတ်ပညာမှာလည်း အသားပါလှသည်။ အဆာက်အဦးတစ်ခု ဆောင်လုပ်လျှင် ဆောက်လုပ်သည့် အတက်ပညာနှင့် အနှပညာသာမက၊ Team Work လို့ခေါ်သော အတူတကွပှုပေါင်းလုပ်ဆောင်မှုတိ ရော
ထွီးနိန်သည်။ လှုသားသဘာဝ အရ ပှုပေါင်းလုပ်ဆောင်မှ ဇာအရာမဆိုအောင်မြင်နိုင်ပါသည်။ ပှုပေါင်းလုပ်ဆောင်ကတ်ရန်လေ့လူသားများ၏အသိသဘာဝစိတ်မှ လှုံ့ဆော်ပီးတတ်သည်။ ဒေနိန့် ကမ္ဘာကြီးသည်ဒေပိုင်ခောတ်မှီတိုးတက်လာသည်မှာလူသားများ၏ပှုပေါင်းလုပ်ဆောင်ခြင်း၏တစ်ဒေသရလတ်ဟုဆိုလျှင
်ဇာသူကမှမငြင်းနိုင်ပါ။

ဘီစီ ၆ရာစုဆိုသောအချိန်သည် ကမ္ဘာပေါ်ထက်က လူသားများတိုးတက်မှုအစမဟုတ်ပါ။ ထိုအချိန်ထိုအခါက အကျွန်ရို့ကမ္ဘာကြီး၏ တစ်ခုလုံး တောနက်များဖုံးလွှမ်းနိန်လိမ့်မည်။ လူသားများအများစုသည် အမဲလိုက်ခြင်းဖြင့်အသက်ဆက်ခွင့်တာဝန်ကိုထမ်း
ဆောက်ထားကတ်လိမ့်မည်။ကမ္ဘာကြီး၏များစွာသောတိုင်းပြည် သို့မဟုတ် လှုမျိုးစုအနွယ်များသည် တသီးပုဂ္ဂလ နိန်ထိုင်လျက်ဟိကတ်လိမ့်မည်။ ယဘင်ယကေလေ့ ရခိုင်များ၏ အတူတကွ ပှုပေါင်းပါဝင်လုပ်ဆောင်ခြင်း၊ လှု့ကျင့်ဝတ်များချမှတ်ခြင်း၊
အနှပညာနှင့် ဆောက်လုပ်ရေးအတက်ပညာများသည် ထိုခေတ်ထိုအခါနှင့်နှိင်းလျှင် မယုံလောက်အောင်ဘင်တိုးတက်ပြောင်းလဲနိန်သည်။ ယင့်ချင့်တောင်မကသိမ့်ဘဲ ရခိုင်များသည် ထိုရာစုမတိုင်ခင်ခါကင် မြို့ပြနိုင်ငံများတည်ထောင်နိုင်ခကတ်သည်။ ဘီစီ၆ရာစုနှောင်းပိုင်းကာလများတွင်ရခိုင်အတွေးအခေါ်များသည် ဒေနိ ရခိုင်လူ့အဖွဲအစည်း၏နီထိုင်ပုံကိုဘင်သက်ရောက်လျက်ဟိမ့်သည်။ ဗုဒ္ဒ၀ါဒ အခြေခံသော လူ့ကျင့်ဝတ်များသည်ရခိုင်လူ့အဖွဲ့အတွင်း ဘီစီ ၆ရာစုကပင် အစပျိုးလာသည်ဆိုလျှင် အကျွန်မငြင်းပါ။

ရခိုင့်အသိစိတ်တိုးတက်ပြောင်းလဲမှုတွင်မြောက်ဦးခေတ်တွင်ထိပ်ဆုံးကိုရောက်ဟိလာသည်။မြောက်ဦးခောတ်ရခိုင်အတွေးအခေါ်များသည
်အိမ်နီးချင်နိုင်ငံများနှင့် အနောက်ဥရောပနိုင်ငံတစ်ချို့ဘင်အကိုင်းသတ်နိုင်ကြောင်းသမိုင်းတိကဖော်ပြပါသည်။
မြေက်ဦးခေတ်တွင် ရခိုင်စာပီ၊အနှပညာ၊ဂီတ စသဖြင့် ဘက်စုံက တိုးတတ်လာခသည်။ ရခိုင်စာပီနှင့် ရတု၊လင်္ကာများသည် ရိုးမကိုကျော်လျက်မြန်မာပြည်ကိုဘင်လှုပ်ကိုင်နိုင်ခသည်။ အိမ်ဟြိ့စံမင်းခမောင်း၏ အထိမ်းတော်ကြီးဖြစ်သော ဥက္ကာပျံအမတ်
အား ရခိုင်သံတမန်အနိန်ဖြင့်အင်းဝကိုရောက်စဉ် မြန်မာဘုရင်က ရာဇသင်္ကြန်နာမည်ဖြင့် မြှောက်စားဖှုးသည်။ အဂုခေတ် ဒီမိုကရေစီဟုထင်ယှားလာသော အတွေးအခေါ်စနစ်တစ်မျိုးသည် ရခိုင်မြောက်ဦးခေတ်တွင် ဟြင်သန်နီကြောင့်လေ့လာသိဟိရသည်။
ဥက္ကာပျံမှ အင်းဝပဒေသရာဇ် စနစ်ကိုမကြိုက်၍ဝေဖန်သည်ကို အမျက်ထွက်တော်မှုသော မြန်မာအင်းဝ ဘုရင်သည် ဥက္ကာပျံအား မြေက်ဦးသို့ အယင်ပြန်ခိုင်းဖှုးသည်။ ယင်းကဲ့သို့ အထောက်အထားတိကိုသုံးသပ်ခြင်းအားဖြင်း ရခိုင်ရို့အုပ်ချုပ်ပုံစနစ်
သည် တစ်ခြားအိမ်နီးချင်းနိုင်ငံများနှင့်ကွာခြားမှုဟိလိမ့်မည်။

ဆောက်လုပ်မှုဆိုင်ရာအနှပညာဘက်တွင်လည်း ရခိုင်ရို့သည်အံ့မခန်းတိုးတက်ပြောင်းလဲနိန်ကြောင်းသမိုင်းတိက ပြောပြနိန်ပါသည်။မြောက်ဦးခေတ်အဆက်ဆက်ကတည်ထားကိုးကွယ်ခသော ဘုရား၊ပုထိုး၊သိမ်တော်များ၏ ဆောက်လုပ်မှုဆိုင်ရာစွမ်းရည်သည် ကမ္ဘာတွင်စံတင်လောက်နိုင်သည်။ ကျောက်တုံး၊ကျောက်စိုင်များနှင့်တည်ထားကိုးကွယ်ခသော ထိုပုထိုးတော် အဆူဆူရို့သည် ရခိုင်များ၏ အသိစိတ်တိုးတက်ပြောင်းလဲမှုအဆင့်ဆင့်သက်သီများဖြစ်သည်။ ထုက္ကန်ပုထိုးတော်ကြီးတည်ဆောက်ပုံကိုအနောက်နိုင်ငံကပညာသျှင်တစ်ချိူ့ကပင်ချီးကျူးထားပြီးရခိုင်များ၏တိုးတက်ခပုံသည်
မခေကြောင်းမှတ်ချက်ပြုကတ်သည်။

အေးမောင်(ရင်အုံတော်ဓာတ်)
၁၁၊၀၉၊၀၉

(ဘုရင်မာရယုဘလော့မှ)

(၁)
ဇာလူက စတိုက်လိုက်တေမီးလေ့ မသိ၊ သဘောက်ဇာတော တစ်တောလုံးလောင်ပါလားသည်။ ဒေသဘောက်ဇာတော ဆုံးလျှင် မြောက်ဘက်အစွန်းက ကောက်ရိုးပုံတိကို မီးစွဲလောင်လိမ့်မည်။ ကောက်ရိုးပုံတိ မီးစွဲလောက်ကျွမ်းလျှင် ပြာပုံဘ၀ ကိုချက်
ချင်းပြောင်းလဲလားသည်။ ပြာကို မိုးခါ ကျွဲမစား၊ အခင်ကြီး သံကြီးအောင် တစ်ယောက် ချွဲတိအလုံးလိုက်ကျလျက်၊ ဇွဲမချောဘဲ အိမ်းလှေးခက်နှင့် မီးကို ငြိမ်းသတ်ရန်ကြိုးစားနိန်သည်။ ကြည့်ရစွာ ရင်ဆာဖို့ ကောင်းပါသည်။ အငြိုးတကြီးနှင့် ဟြိ့ကို တိုးတိုး လာသော ဒေ မီးဟုန်ကြီးကို အိမ်လှေးခက်ချေတစ်ခက်နှင့် ဘဇောင်ဘင် အန်တု နိုင်ပါဖို့လေ့......။ ဂကောင်းမကြာလိုက် အခင်ကြီး သံကြီးအောင် အိမ်လှေးခက်ကို မီးဟုန်ကြီးက ဒေါသတကြီးနှင့် ၀ါးမျိုးလိုက်သည်။

အခင်ကြီးသံကြီးအောင်တစ်ယောက် မိမိ အသက်ကို ဖက်နှင့်ထုပ်လျက် မီးတောကြီးထဲက ပြီးလွှားထွက်လာလိုက်ရသည်။ ကံကောင်းသည် ခန္ဒာကို မီးမစွဲလီ။ လနှင့်ကြာအောင် ကျင်ကိုင်ခရသော သူပိုင်ဆိုင်သော ကောက်ရိုးပုံကြီး ၂ လုံး ၂ မိနစ်အတွင်း ပြာဘုံအဖြစ်သို့ ပြောင်း
လဲလားသည်။ အခင်ကြီး သံကြီးအောင် တစ်ယောက် မျက်ရည်ကိုသုတ်၊ လက်သီးဆုပ်လျက် အားမတန်လို့ မာန်လျော့လိုက်ရသည်။ ဇာတ်လမ်းကို ဒေလောက်နှင့် မတန်းသိမ်ပါ။ မိသားစုကို လုပ်ကျွေးနိန်သော သူ့ကျွဲတစ်ခြံ အသက်ဆက်ရေး အခင်ကြီးတစ်ယောက် သင်္ချာတွက်ရလီသည်။

(၂)
ဘ၀သည် အလွန်ဘင်ဆန်းကြယ်ပါသည်။ နားမလည်နိုင်မှုနှင့်လဲပြည့်နိန်ပါသည်။ ကံသည် အလုပ်ဟု ဘုရားကပြောပါသည်။ ဆင်းရဲလို့ မလှုနိုင်၊ မလှုနိုင်လို့ ဆင်းရဲသည်ဟု ဘုန်းကြီးတိ ဆုံးမတတ်သည်။ တစ်ခါတလီ ကံသည် အလွန်ဘင် နားလည်ရခက်တတ်ပြီး၊ အလုပ်ကို တနားလေ့ မငြိမ်းအောင် လုပ်နိန်ရေ လှုတိကိုဘင် ခြီနှုန်းသတ်ပနာ ဆင်းရဲအောင်ဖန်တီးပါသည်။ ကံ၏ ခဗြားသတ်၊ သရော်မှုအောင်တွင် ရခိုင်ပြည်ဟိ လောင်ဗွန်းရွှာက ရွှာသားတိ အလှုးအလဲခံရသည်။ မိုးထဖ (၅) နာရီမှ ထလျက် ညနိန် ၇ နာရီ အချိန်ထိ မနားမနိန် အလုပ်လုပ်ဂေလေ့ ဒေရွှာသားတိ ထမင်းတစ်လုပ်လုပ်ကို အနို်င်နိုင်စား၍ဘ၀ ဆက်ရသော အဖြစ်ကိုကြည့်လျင် ကံဆိုသည်မှာ အလုပ်ဟု ဆိုသော ဘုရားစကားကို တစ်စိချေလောက် ဘ၀င်မကျချင်ပါ။

ကျောင်းနိန်ပျော်၍စာတော်ရမည်ဟု ကြွေးကြော်ထားသော မြန်မာအစိုးရပညာရေး ဆောင်ပိုဒ်သည် ဒါချေခိုင်ရို့ မောင်နှမနှစ်ယောက်ရို့အတွက် အဖရိကတိုက်က လှုရိုင်းတိကို စတားဘတ်(ခ်) ကော်ဖီအကြောင်းလားပြောခီစွာနှင့်တူသည်။ ကြွေးကြော်ခြင်းသည် အာဏာဟိလူတန်းစားတိအတွက် ပါးစက ပြုတ်ကျလာသော အသီကောင် သနားခါးလူ ဖော်မျူလာတစ်မျိူးဖြစ်ကောင်းဖြစ်နိုင်ပါသည်။

၃၈ဒီဂရီစင်တီဂရိတ် အပှုချိန်သည် ဖဲသာဟိ၊ပညာတတ်လူတန်းစားတိအတွက် သီအောင်ဘင်
ပှုပြင်းသော်လည်း ဒါချေခိုင်ရို့မောင်နှမရို့အတွက် အိုအေစစ်ကို ယောက်ဖခေါ်သည့် ဖော်မျူလာ တစ်မျိူးဖြစ်သည်။ တတောက်ပှုသော နီရောင်အောက်တွင် ရီခမ်းငါးဟြာရသော လူသားတစ်ယောက် ၀မ်းရေးသည် ၁ နာရီလုပ်လျှင် ၁၀ ဒေါ်လာရသော ရခိုင်သားတစ်ယောက် ၀မ်းရေးထက် ဒဿနဆန်သည်ဆိုလျင် အကျွန်မှားပါဖို့လား။ နွီရာသီ ရီခန်းငါးဟြာရသော အလုပ်သည် ကမ္ဘာလောက် အန္တရာယ်များပါသည်။ အခိုက်မတန့်လျင် မြွီကိုက်၍ရပ်စောက် ချောလားနိုင်ပါသည်။

သရီဖိနပ်ဝယ်ဝတ်ရန် မြန်မာအစိုးရမှ သတင်းစာက တိုက်တွန်းနိန်သော်လည်း သတင်းစာဆိုသည်မှာ ဒါချေခိုင်ရို့အတွက် ကုလားဘက်မှာ ပဲစိနှင့်ဖက်စားရသော အရာဝတ္ထူတစ်မျိုးသာဖြစ်ပါသည်။ Safety First ဟုဆိုသောစာတန်းသည် ထမင်းကိုထင်းနှင့်ချက်၍ ဘ၀ ဆက်ရသော လူသားတစ်ယောက်အတွက် အလုပ်မဖြစ်ပါ။
ရခိုင့်ပင်လယ်အောက်တွင်ရှိနိန်သော သဘဘ၀ ဓာတ်ငွိ့သည် ကပ်စိနည်းသဌေး တစ်မျိုးဖြစ်ပါသည်။ ရီခန်းငါးရှာ၍ အသက်ဆက်ရသော ဒါချေခိုင်ရို့ မောင်နှမတိကို ရခိုင်သဘာဝ အရင်းအမြစ်များသည် အဖတ်မလုပ်ကတ်ပါ။


ဘ၀သည် အလွန်ဘင်ဆန်းကြယ်ပါသည်။ နားမလည်နိုင်မှုနှင့်လဲပြည့်နိန်ပါသည်။ ကံသည် အလုပ်ဟု ဘုရားကပြောပါသည်။ ဆင်းရဲလို့ မလှုနိုင်၊ မလှုနိုင်လို့ ဆင်းရဲသည်ဟု ဘုန်းကြီးတိ ဆုံးမတတ်သည်။ တစ်ခါတလီ ကံသည် အလွန်ဘင် နားလည်ရခက်တတ်ပြီး၊ အလုပ်ကို တနားလေ့ မငြိမ်းအောင် လုပ်နိန်ရေ လှုတိကိုဘင် ခြီနှုန်းသတ်ပနာ ဆင်းရဲအောင်ဖန်တီးပါသည်။

(၃)
အဖိုး မောင်သံလှု တစ်ယောက် ဒီဇင်ဘာလ အချမ်းတိကို ခြီနှုန်းသတ်ပနာ သူ့လက်စွဲတော်ရင်းတန်းကြီးကို ထမ်းလျက် ကျွဲကူးမြစ်ကမ်းကို ခြီဦးတည့်လာသည်။ ဖိနပ်မစီးနိုင်သော သူခြီထောင်များသည် သံတုန်းပိုင်မာသည်။ ဆီလီစူးနှင့် ဖက်ရန်စူးတိက အဖို့ မောင်သံလှု ခြီထောက်ကို အန်မတုဝံ့ကတ်။" ဆင်လားလမ်းမလို" ဆိုသော စကားပုံသည် လှုသားစင်စစ်ဖြစ်သော အဖိုးမောင်သံလူတွက် မှန်ကန်နိန်သည်ကို အံ့သြစွာတွိရပါသည်။ယင့်လောက်ကိုမဆိုထားဂဲ့ မြစ်ကမ်းနား ကျောက်ဆောင်တိထက် ဓားရို့ပိုင်ထက်နိန်သော ဂြင်းတိကပင် အဖိုးမောင်သံလူ ခြီထောက်ကို အံမတုဝံ့ကတ်ပါ။ ဖဖြိန်းတုန်ပါအောင်ကြောက်ကတ်သည်။ အဖိုးမောင်သံလူသည် ခေါင်းထဲတွင် ရိုးစင်းသော အတွေးတစ်ခုဟိသည်။ ယင်းချင့်မှာ မြစ်ကမ်းနားရောက်လျှင် ဖြားကျလာအောင်စောင့်မည်။ ယင်းပြီးနောက် မြစ်ကမ်းနားတွင် အပြောင်းအပြန် ရင်းတန်းထိုးမည်။ ရလာသော မျိုင်ချေ၊ငါးချေ၊ ပုစွန်ချေရို့ကို သူ့အချစ်တော် ပုန်းကြီးနှင့်ထမ်းလျက်ရွှာပြန်မည်။ ရောက်လျင် ထိုရီသတ္တ၀ါတိကို ရွှာတွင်လည်ရောင်းမည်။ ရောင်းရသောဒင်္ဂါးတိကို သမီးချေရို့ ၊မြီးချေရို့အတွက် ပီးကမ်းမည်။

မီးခွန်တစ်ခု မီးစရာပေါ်လာနိုင်ပါသည်။ ဒေအသက်အရွှယ်ရောက်မှ အီးအီးချမ်းချမ်း မနိန်ဘဲနှင့်ဘဇာကြောင်း အချမ်းခံ ရင်းတန်းထိုး ဖဲ့သာဟြာနိန်ပါလေ။ လူသားတိုင်းသည် အသက်အရွှယ်ရလာလျှင် ငြိမ်းချမ်းအီးမြသော ဘ၀အာဟာရကိုခံ စားချင်ပါသည်။ ရခိုင်လူမျိုးဆိုလျှင် အချိန်တန်ဂေ ၀ပုပ်စောင့်၊သီလစောင့်၊မြီးချေ၊မြစ်ချေရို့နှင့် ပပျော်နိန်ယင်း အီးအီးချမ်းချမ်း ဘ၀ဇာတ်သိမ်းလားချင်ပါလိမ့်မည်။ ယေဘင်ဂေလေ့ ဆင်းရဲခြင်းဆိုရေ ရိနာသတ် အဖြစ်ဆိုးက အဖိုးမောင်သံလူကို မျက်နှာမကြည့်ပါ။ယင်းကဲ့သို့ ဘ၀အဟာရ ဖန်းတီးမပီးပါ။ ပဇာကြောင့်ယလောက်ပင် ဆင်းရဲကတ်ပါလေ။ မလှူနိုင်လို့လား၊ ကံကြမ္မာ ခြီနှုန်းသတ်ခြင်းကြောင်းလား၊ မလှူနိုင်လို့ ဆင်းရဲသည်ဟု ဘုန်းကြီးရို့ဆုံးမစကားတိ အကျွန်အသျှေခါကြားဖူးပါသည်။ ကံ၊ကံ ၏ အကျိုးဆက်ရို့အဖြစ် အကျွန်ရို့လူသားရို့နိန်ထိုင် လားလာမှုဖြစ်တည်နိန်သည်ဟုလည်းပြောကတ်ပါသည်။ ကံသည် အလုပ်လို့ ဘုရားကပြောပါသည်။ ကံသည် အလုပ်ဟုဆိုလျှင် တစ်သက်လုံးရရိုးသသား လက်ပေါက်ပါအောင် အလုပ်လာသော ထိုရခိုင်လူမျိုးရို့အား ဆင်းရဲအောင် ထိုကံက ဖန်တီးပါသနည်း။ ဟြိ့ဘ၀က အကျိုးဆက်ကြောင်းပါလာ။ ယပိုင်ဆိုဂေ ဒေကမ္ဘာမှာ ရခိုင်လူရို့ရာ ဟြိ့ဘ၀က မကောင်းမှုလုပ်ခမိလာ အကျွန် မစိုင်းစားတတ်ပါ။ အရိုးသားဆုံးဝန်ခံရလျှင် ထိုသီအိုရီတိကိုလည်း အကျွန်ယုံကြည်မည်မဟုတ်ပါ။ ဇာပိုင်ပင်ဆိုဆို ဒေဆင်းရဲဆင်းခြင်းသားကောင်းရို့၏ ကလာဂါ နောက်ဘက်တွင် တိကျခိုင်မာရေ အဖြေတစ်ခု အဂွင့် ဟိနိန်မည်မှာ လုံးဝ သေချာပါသည်။

အေးမောင်(ရင်အုံတော်ဓာတ်)

(ဘုရင်မာရယုဘလော့မှ)

(၁) အားကိုးရှာစွာရာမလား ။
(၂) နင့် ကို ငါ တတင့်တတယ်ထားနိုင်ရေ ။
(၃) ထိုကောင်မချေ ဆရာဝန်ချေ နန့် ရလားရေ....တစ်ဘ၀လုံးအီးချမ်းဖို့မလားရေ
(၄) ယင်းကောင်မချေ လင်သည် အိမ်ဂျိန်နီယာရေ.......
(၅) ဒေအကောင် မယားကိုလုပ်ကျွေးနိုင်ဖို့ကောင်ကမဟုတ် ။
(၆) ဟေး ....လင်ယူရေခါ ကို့ကို လုပ်ကျွေးနိုင်ဖို့ လူကို ရွီးယူရဖို့ ............

ဒေကမ္ဘာကြီးမှာ ဗုဒ္ဓမြတ်စွာဘုရားရေအမျိုးသမီးအခွင့်အရေးကို ပထမဆုံး အသိအမှတ်ပြုရေ မိတ္တာရှင်တစ်ယောက်ဖြစ်တေ။ ဇာကမ္ဘာက ဇာအကောင်ဇာပိုင်ဘင် အော်နီဘတ်ဇီ ဘုရားကို ဆရာလုပ်လို့မရ။ မြတ်စွာဘုရားရေ လူတစ်ယောက် အလားအလာဟိရေ ပင်ကိုယ်အရည်အချင်းတိကို ထိုးဖောက်မြင်နိုင်စွမ်းဟိရေ။ ကီသာဂေါတမီက ဘိက္ခုနီမ (ရဟန်းမ)

ဝတ်ခွင့်တောင်းရေခါ မြတ်ဘုရား လိုက်လျော့တော်မူရေ...ဒေချင့်ရေ ဘုရားသာသနာမှာ အမျိုးသမီးရပိုင်ခွင့်တိကို အသိအမှတ်ပြုခွင့်ပြုတော်မှုခြင်းဖြစ်တေ။ အလားအလာဟိရေ အရည်အချင်းတိကို လိုရာပန်းတိုင်ရောက်အောင် ထောင်ပံ့ကူညီခြင်းဖြစ်တေ...ဇာကောင်က ဇာပိုင် အမျိုးသမီးအခွင့်အရေး၊လူ့အခွင့်အရေး ဇာပိုင်ပင်ဖင်ခေါင်းကျယ်နိန်ဘတ်စီ ဘုရားလမ်းစိုင် သွေဖီလို့မရ...ဘုရားချတ်မှတ်ခရေ လမ်းစိုင်တိယာ............

ဒေနိန်ရာမှာ ဆက်ပြောရဖို့ဆိုကေ ထူးဆန်စွာတိလားတွိရေ၊ ဗုဒ္ဓဘာသာကို စန္ဒသူရိယမင်းလက်ထက်ကဘင်သက

်ဝင်ယုံကြည်ပါလတ်တေ ရခိုင်ပြည်မှာ အမျိုးသမီးတိရသင့်ရေ၊ ဖြစ်သင့်ရေ အခြေအနေတိ ရခိုင့်လူ့အသိုင်းအ၀န်းက ဖန်တီးမပီးနိုင်သိမ့်၊ ထောက်ပံ့မပီးနိုင်သိမ့်။ ရခိုင်အမျိုးသမီးတိ ကိုယ်တိုင်ကလေ့ လက်ဟိဖြစ်ပျက်နိန်ရေအခြေအနေအပေါ်မှာ ခြီနိန်ပုံပေါက်ကတ်တေ။ အထက်က အကျွန်ရွီးခရေ အက္ခရာ အစိုင်လိုက်စွာတိကို လေ့လာသုံးသပ်ဝေဖန်ကြည့်ကတ်ပါဖို့။

(၁) အားကိုးရှာစွာရာမလား ။

နားထောင်လို့ကောင်းရေ၊ သနားဖို့ကောင်းရေ၊ ချစ်ဖို့ကောင်းရေ အပြောချေတစ်မျိုးဖြစ်တေ၊ ယေဂေလေ့ ဒေစကားနောက်မှာ အကန့်အသတ်မိ စွမ်းအား(၀ါ) ဗီဇ တစ်ခုကို ပြောလိုက်တေ အမျိုးသမီးကိုယ်တိုင်က လက်မြှောက်အရှုံးပီလိုက်တေဆိုစွာ အရိပ်မကျလိုက်ကတ်။ ရခိုင်သမချေတစ်ယောက် မြန်မာချေ တစ်ယောက်နန့် ရလခရေခါ၊ တခြားလူမျိုးတစ်ယောက်နန့်ရလခရေခါ ထုံးစံအတိုင်းရခိုင်သားတိ အပြစ်တင်ကတ်တေ၊ ယင်းပိုင်ခါ မမချေရို့ပြန်ပြောရေ အားကိုးရှာစွာရာမလားလတ်၊ ရခိုင်သားအရက်သမားကိုယူဂေ ငါးပါးမှောက်ဖို့ပါလတ်၊ ဇာရခိုင်သမ ဇာနန့်ဘင်ရရ ၊ ယင်းချင့်ကို အကျွန်မဆိုလို၊ ယေဂေလေ့ အားကိုးရှာစွာမလားဆိုရေ စကားကို အကျွန် လားစိတ်ဝင်စားမိရေ၊ ဒေစကားလုံးရေ ရခိုင်၊ မြန်မာ လူ့အသိုင်းအ၀ိုင်းမှာ တွင်ကျယ်နိန်ရေ စွမ်းအားကြီးမားရေ စကားလုံးတစ်လုံးဖြစ်တေ၊ မမဆိုကေ အားကိုးရှာရဖို့ဆိုရေ အတွေးအခေါ်တစ်မျိုးကို သွီးထဲကို ဆီးထိုးပီးလိုက်စွာနန့်တူရေ၊ မိမိကိုယ်ကို အားကိုးမှု၊ မိမိ ခြီထောင်မိမိရပ်မှု၊ မိမိ ပင်ကိုယ်အရည်အချင်းကို ယုံးကြည်မှု၊ မိမိ ကိုယ်မိမိ လေ့လာသုံးသပ်နိုင်မှုဆိုရေ လူသားတစ်ယောက် ပင်ကုိယ်စွမ်းပကရို့ကို ဒေစကားလုံးက သံချီးစားလားရေ။ ဒေ အားကိုးရှာစွာရာမလားဆိုရေ စကားလုံးကို အခြေအနေအရ ရခိုင်ပြည်ထဲမှာ ဆဆင်းရရဲနန့် ဘ၀ ရုန်းကန်နိန်ရရေ ရခိုင်သမချေတစ်ယောက်က ပြောရေဆိုကေ တစိချေ သဟဇာတကျဖို့သိမ့်..ယေဂေလေ့ ဒေပိုင်စကားလုံးတိကို ယောင်္ကျားတိနန့်ရင်ဘောင်တန်းဖို့ကြိူးစားနိန်ကတ်တေ ရခိုင်သမတိပါ လက်ကိုင်ထားစွာရေ တစိချေ အံ့သြဖို့မကောင်းလား....

(၂) နင့် ကို ငါ တတင့်တတယ်ထားနိုင်ရေ ။

အလှပလ စိုင်းစားကြည့်ကေ ဒေအပြောရေ ကကောင်းရိုင်းစိုင်းရေ အပြောမျိုးလို့အကျွန်ထင်ရေ..ဒေချင့် အကျွန့်အထင်...စာဖတ်တေလူတိလေ့ ကိုယ်ထင်ချင်ပိုင်ထင်နိုင်ရေ။ ကိုင်...ဒေစကားလုံးကို လေ့လာသုံးသပ်ကြည့်ကတ်ပါဖို့....ဒေစကားရေ ယောင်္ကျားတိပြောဖြစ်တေစကားဖြစ်တေ....ကိုယ်ချစ်တေချစ်သူကိုဖြစ်ဇီ ကိုယ်လက်ထပ်ဖြစ်ဖို့ ရည်စူးထားရေ မမချေတစ်ယောက်ကို ယျောင်္ကျားတိကပြောရေ နင့်ကိုငါ တတင့်တတယ်ထားနိုင်ရေလတ်။ ဒေစကားရေ အပြောရလွယ်သလောက်ကကောင်း စွမ်းအားကြီးရေပိုင်..လဘားဝရေ အတွေးအခေါ်တိပါဝင်ရေ။ ရခိုင်လူမှုအသိုင်းအ၀ိုင်းမှာ အိမ်သျှင်မတိရေ အိမ်သျှင်တိနန့် ရင်ဘောင်တန်းပနာ ဘ၀ကို ရုန်းကန်ကတ်ရရေ။ ရခိုင်သမတိရေ တခြားကမ္ဘာက မမတိနိုင်းဆာဂေ ဘ၀ကို ပိုပြီးဂေ သတ္တိဟိဟိနန့် ရင်ဆိုင်နိုင်စွာတွိရရေ။ လင်သည်က ခရီးလားကေ မယားသည်က ငရုတ်ပင်ပျိုး၊ အချေတိက တစ်ဘက်နန့် အိမ်မှုကိစ္စအ၀၀ ကို ကျေပွန်အောင်ထမ်းဆောင်နိုင်ရေ သတ္တိဟိကတ်တေ။ ယေဂေလေ့ မမဆိုကေ အားနည်းသူ အားကိုးရှာရဖို့ တတင့်တတယ်ထားနိုင်ရေ ယောင်္ကျားရှာရဖို့ ဆိုရေ အတွေးအခေါ်တိဝင်လာအောင် ယင်းပိုင်စကားလုံးတိနန့် ဖိန်နှိပ်ခံနိန်ကတ်ရရေ။ ယင်းပိုင်ဖိနှိပ်ခြင်းတိရေ လူသားရို့ အကန့်အသတ်မဲ့ဖန်တီးနိုင်ရေ စွမ်းအားတိကို ဂြင်းကပ်စီရေ။ အမှန်ဆိုဂေ မမလေ့ အမိဝမ်းထဲမှာ သာမန်မျက်စိနန့်မမြင်ရေ ဆဲလ်တစ်ခုနန့်စလာရေပိုင် ယောင်္ကျားတိလေ့ ယင်းပိုင်စယင်းနန့်လူဖြစ်လာကတ်ရစွာ.......။.

ဖိုမ သဘာဝအရ အသွင်အပြင် အတွေးအခေါ် ပုံပန်းသဏ္တန် တစ်ိချေ ကွာခြားစွာကလွဲလို့ မမနန့် ယောင်္ကျားရေ ဖန်တီးနိုင်ဖို့စွမ်းအားကွာခြားခြင်းမဟိ။ ဇာလူက ဇာသူ့ကိုလေ့ တတင့်တတယ်ထားနိုင်စရာမလို.....ဗုဓ္ဒအတွေးအခေါ်အရ လင်ဝတ်၊မယားဝတ်ဟိသင့်စွာကိုအကျွန်လက်ခံရေ...သာယာချမ်းမြေ့ကြည်နှုးဖို့ကောင်းရေ အိမ်ထောင်မှုဘ၀တည်ဆောက်ဖို့အတွက် လင်ဝတ်မယားတိစွာ လိုက်နာသင့်ရေ လိုက်နာဖို့လိုအပ်တေအရာတိ ယေဂေလေ့ ဇာလင်ယျောင်္ကျားကမှ အိမ်သျှင်မကို တတယ်ထားနိုင်စရာမလို...ဒေစကားရေ သသမတ် အနိုင်ယူခြင်းတစ်မျုိးနန့်တူရေ....အ၀ီးကိုမကြည့်ခင် အကျွန့် ဘာဘာနန့်အမင်ကိုပြောပြမေ..အကျွန်ရို့တိ ကျွန်းမှာနိန်ရေလူတိ...ရခို်င်ပြည်စီးပွားရေအကြောင်းကိုအကျယ်ချဲမရွီးချင်ယာ..ရခိုင်ပြည်ရေ မြန်မာနိုင်ငံမှာ အဆင်းရဲဆုံးပြည်နယ်တစ်ခုဖြစ်တေ။ လက်တဆုပ်စာ လူတန်းစားတိကလွဲလို့ ၄ သန်းလောက်ဟိရေ ရခိုင်တိရေ အသက်တစ်ချောင်ရပ်တည်ရေ ဖြစ်တည်ပိုင်ရုန်းကန်နိန်ရရေ........အကျွန်ရို့ဘာဘာ မိုးခါ စပါးစိုက်တေ..ပွင့်လင့်ရာသီမှာ ခရီးလားရရေ တနားလေ့ အငြိမ်နိန်ဖို့မရ ယင်းပိုင် ဘာဘာ မဟိခါ အမင်တစ်ယောက် ဆောင်းရာသီ ငရုပ်ပင်စိုက် အိမ်က အချေတစ်ရွီကို ကျွေးမွေးပြုစု.....ချမ်းသာဂေလေ့ ချမ်းသာလျောက် ဆင်းရဲဂေလေ့ ဆင်းရဲရေအလျောက်ရခိုင်သမတိစွာ ပီးလာရေ တာဝန်ကို ကျွေပွန်အောင်ထမ်းဆောင်ကတ်တေ....ဒေကိစ္စမှာ အဘာကအမင်ကို တတင့်တတယ်နိန်ဇီချင်ဖို့ ယဂေလေ့ အဂွင့်လက်တွိကျလာရေခါ မမ ပါ ယောင်္ကျားပါ အိမ်ထောင်မှုတစ်ခု သာယာ အီးချမ်းအောင် တာဝန်ယူကတ်ရရေမလား....

(၃) ထိုကောင်မချေ ဆရာဝန်နန့်ရလာရေ..တသက်လုံးအီးချမ်းဖို့မလားယေ

(၄) ယင်းကောင်မချေ လင်သည် အိမ်ဂျိန်နီယာရေ


နံပါတ်စိုင်(၃) နန့် (၄) ကို တစ်ပေါင်တည်း လေ့လာသုံးသပ်ကြည့်ကတ်မေ၊ အကျွန်အထက်ကပြောခရေပိုင် မမချေဆိုဂေ အားကိုးရှာရဖို့ လင်သည်ဆရာဝန်၊ အိမ်ဂျိန်နီယာဆိုဂေ ဂုဏ်တင့်တယ်ရေ ယပိုင်အတွေးအခေါ်မျိုးတိ ရခိုင် အသိုင်းအ၀ိုင်းတိမှာ ရာစုနှစ်ဇာလောက်ထိ တွဲကတ်နိန်မေလေမသိ။ ဇာလူက စခါလေ မသိ နောက်ယိုင်ကျေးမှုတစ်မျိုးဟိသိမ့်ရေ ပညာတတ်၊ ဆရာဝန်၊ အိမ်ဂျိန်နီယာ၊ စစ်ဗိုလ်ဆိုရေ ရခိုင်တိကို ရခိုင်လူဂုဏ်တန်အသိုင်းအ၀ိုင်းတိက ဖဲသာပီးပနာဝယ်လတ်။ နှစ်ပေါင်း ၅၀၀၀ ကျော်ထိ Civilisation ဖြစ်ပါလတ်တေ ဒေလုမှုအသိုင်းအ၀ိုင်းမှာ ဒေပိုင်အတွေူးအခေါ်တိ ဆားငန်ဝင်နိန်စွာရှက်ဖို့ကောင်းရေ။ လူသားတစ်ယောက်ပင်ကိုယ်လက်ခံနိုင်လောက်တေ အမှုအကျင့်တိကို ဒေအသိုင်းအ၀ိုင်းတိကသစ္စာဖောက်ခြင်းဖြစ်တေ။ လူ့သဘ၀ ကို စိန်ခေါ်ခြင်းတစ်မျိုးဖြစ်တေ။ ထားလိုက်ကတ်မေ ခေါင်းစိုင်နန့် မအပ်စပ်လို့။ အထက်က စွာကို ဆက်ရဖို့ဆိုဂေ ရခိုင်ပြည်က ဆရာဝန်တိတော့ခါ သာမန်လူတန်းစားတစ်ယောက်ထက်အဆင်ပြေရေ၊ ဂုဏ်လေ့ ဟိရေဆိုစွာတော့ခါ လက်ခံနိုင်လောက်တေ ယေဂေလေ့ မမချေတစ်ယောက်ရေ အားကိုးရှာသင့်ရေ ဆိုရေ ဟခရီကျသီအိုရေ တစ်မျိုးနန့် ဆရာဝန်ကို လက်ထပ်ယူသင့်ရေဆိုရေ အတွေးအခေါ်မျိုးရေ မိမိကိုယ်ကိုယုံကြည့်မှုဆိုရေ မွီးရာပါလိုတရ လူသားစွမ်းအားတစ်ရပ်ကို သံချီးတက်ဇီရေ။ ဇာလူဇာဆရာဝန် အိမ်ဂျိန်နီယာ ဖြစ်ပတ်ဇီ လူသားတိုင်းမှာရေ ပင်ကိုယ်အရည်အချင်းစွမ်းအားတစ်မျိုးကိုယ်ဇီဟိကတ်တေ။ လင်ယူခါ ဆရာဝန်ကို ယူဖို့မှန်းဖို့အစား ငါဆရာ

ဝန်ဖြစ်အောင်လုပ်ဖို့ဆိုရေ ယုံကြည့်မှုစွမ်းအားတစ်မျိုးသွီးထဲထည့်ပီးသင့်ရေ

ဒေလောကမှာ အောင်မြင်မှုပါ ဆုံးရှုံးမှုပါ ယုံကြည်မှုနန့်စရေဆိုစွာကို ရခိုင်မျိုးဆက်သစ်တိ သဘောပေါက်သင့်ရေ။ တစ်ခုခုကို လုပ်နိုင်၊မလုပ်နိုင်လို့ ယုံကြည်မှုနှစ်ခုလုံး မှန်ရေ။ တစ်ခုခုကို မလုပ်နိုင်လို့ ယုံကြည်လိုက်စွာရေ ကိုယ်သွီးကြောကို ကိုယ်ပိတ်လိုက်စွာနန့်တူရေ။ အန်ထော်နီရိုဘိန်း(စ်) က ပြောဖူးရေ.... လူတိစွာလတ် ငပျင်ထွေတိမဟုတ်လတ် လူသားကိုယ်ဇီမှာ ပုန်းနိန် ငုံနိန် မြုံနိန်ရေ ပန်းတိုင်တိဟိရေလတ်၊ ယင်းပန်းတိုင်တိကရာ သူရို့ကို မလှုပ်နိုင်ကတ်ခြင်းဖြစ်တေလတ်။ ရခိုင်မသချေတိပထမဆုံးသိထားရဖို့စွာက လုပ်နိုင်စွာ အားလုံးကို အကန့်အသတ်မဲ့လုပ်နိုင်ခြင်းနန့် အကောင်းဆုံးမိတ္တူပွားနိုင်ခြင်းဆိုစွာတိဖြစ်တေ။ ရှိတ်စပီးယား စကားကို ဖောက်သည်ချရဖို့ဂေ အကျွန်ရို့ခန္ဒာကိုယ်စွာ အကျွန်ရို့ဥယာဉ်တိဖြစ်ပြီးကေ အကျွန်ရို့ စိတ်ဆိုစွာ အကျွန်ရို့ ဥယျာဉ်မှုးတိ ပါလတ်..........။

(၅) ဒေအကောင်မယားကိုလုပ်ကျွေးနိုင်ဖို့ကောင်ကမဟုတ်။

(၆) ဟေး ........လင်ယူရေခါ ကိုယ့်ကိုလုပ်ကျွေးနိုင်ဖို့လူကို ရွီးယူရဖို့။


ရခိုင်လူမျိုးဆိုဂေ ဒေစကားတိနန့်စိမ်းဖို့မဟုတ်။ အကျွန်ဆိုဂေ အချေကဘင်ကြားဖူးနိန်ကျ အကျွန်က ပပိန်ချေဖြစ်လို့အချေခါကပင် မယားလုပ်ကျွေးနိုင်ဖို့လူမဟုတ်လတ် ယပိုင်ကစပ်ခံဖူးရေ..အကျွန်လေ့ အချေဘာသာဘာဝ ပြန်ပြောဖူးရေ မယားလုပ်ကျွေးဖို့လူဖြစ်လာစွာမဟုတ်လို့........အချေဘာသာဘာဝအနိုင်လိုချင်ရေစိတ်နန့်ပြောမိခရေ စကားချေကို ပြန်သုံးသပ်မိဂေ မှန်ရေပိုင်တွိရေ....လင်လုပ်ကျွေးကိုမျော်ပနာ ခိုင်းစွာကိုရာလုပ်တတ်တေ မမမျိုးကိုလေ့ရှောင်သင့်ရေ။ မမချေတိလေ့ လင်လုပ်ကျွေးမှ အီးချမ်းဖို့ လုပ်ကျွေးနိုင်ဖို့လူကိုမှ ရွီးယူရဖို့ဆိုရေ ကြာအိုကျ အတွေးအခေါ်တိကို ခြီပြားသတ်သင့်ရေ။ ကမ္ဘာကို မကြည့်ဂေ့ ရခိုင်ပြည်အနီးတ၀ှိက်ကိုကြည့်.။ အာသျှတိုက်နိုင်ငံသမ္မတတိမှာ အမျိုးသမီးတိ အများကြီးပါဝင်လာရေ...နိုင်ငံတကာက သမ္မတအကြံပီးတိ၊ နိုင်ငံခြားရေးရာဝန်ကြီးတိ၊ လှုံခြုံရေအကြံပီးဝန်ကြီးတိ၊ တော်လှန်ရေးသမား၊အတွေးအခေါ်သမားအဆုံး အမျိုးသမီးတိ ထိပ်ဆုံးကပါဝင်လာရေ...။ရခိုင်သမတိနိုင်ငံသမ္မဖြစ်ရဖို့ပြောနိန်စွာမဟုတ်။ ရခိုင်ပြည်မှာ ဟိရေ ရခိုင်သမတိစွာ တခြားနိုင်ငံက အမျိုးသမီးသမ္မတ ထိထက် တာဝန်တိများကတ်တေ.....ယင်းချင့်ကို အကျွန်နားလည်ရေ..ယေဂေလေ့ ရခိုင်အသိုင်းအ၀ိုင်းတိ ထဲမှာ စကားလုံးတိနန့်ဖိနှိပ်မခံရဖို့အကျွန်အကြုံပြုနိန်ခြင်ဖြစ်တေ။ သားကိုသခင် လင်ကိုဘုရားဆိုရေ ဟခရီ စကားပုံတိကို ရခိုင်သမတိစွဲကိုင်ထားဖို့မလို...အကျွန်အချေခါ အမင်က ထဘီရုပ်ခိုင်းရေ အကျွန်ကပြောရေ မရုပ်နိုင် နိတ်လတ်မေကြောက်တေလို့ ယေခါအဘောင်သျှင် နင်ဇာအခေါင်းကထွက်လာစွာလေလတ်...အဘောင်သျှင်ပြောစွာ အလှပလမှန်ရေ...

လျှာတစ်ချောင်းရေ အရာရာ အမျိုးမျိုးကို ဖန်တီးနိုင်ရေ၊ ငြိမ်းချမ်းရေကမ်းလှမ်းရေလေ့ လျှာဖြစ်တေပိုင်၊ စိန်ခေါ်စွာလေ့ လျှာဖြစ်တေ၊ ချစ်စကားဆိုဂေလေ့ ဒေလျှာ အမုန်းစကားဆိုဂေလေ့ ဒေလျှာ၊ လျှာကြောင်းဖြစ်လာရေ အသံရေ လူ့အတွင်းစိတ်၊ အတွင်းရုပ်ကိုထင်ဟပ်စီနိုင်ရေ။ ယင်းပိုင်ဆိုကေ အဂုလက်ဟိပြောဆိုသုံးနှုန်းနိန်ကတ်တေ အကျွန်ရို့အသိုင်းအ၀ိုင်းကစကားလုံးတိစွာ ကိုယ်ရို့အမျိုးသမီးထုကို ဖိနှိပ်နိန်ခြင်းလားလို့ အကျွန်မီးခွန်းထုတ်ချင်လာရေ။ ယင်းပိုင်စကားလုံးတိနန့် သွန်သင်သည်ဖြစ်စီ၊ယိုင်ကျေးမှု၊ လူဘောင်တန်ဖိုးတစ်ခုအနိန်နန့် ကျင့်သုံးသည်ဖြစ်စီ လူ့သားတစ်ဦးတစ်ယောက်အတွက်အကျိုးမဟိရေ ဆားမရ ရီမရ အပြောအဆိုအသုံးအနှုန်းတိကို အကျွန်ရို့ လေးဘက်လေးစိက သုံးသပ်ဖို့အချိန်ကျဗျာယ်ကြောင်းအကျွန်ရွီးသားတင်ပြလိုက်ပါရေ။



မှတ်ချက်။......။ အကျွန်ရေ ၀ါသနာသျှင်စာရွီးရေလူတစ်ယောက်ဖြစ်ပါရေ။ မှန်မမှန်ပပွင့်လလင့်ဝေဖန်ဆွေးနွေးနိုင်ပါရေ။ လိုနိန်စွာတိဟိကေလေ့ ဝေဖန်အကြုံပြုကတ်ပါရန်တောင်းခံအပ်ပါရေ။ လိုရာပန်းတိုင်ကိုရောက်နိုင်ကတ်ဇီ။



အေးမောင်(ရင်အုံတော်ဓာတ်)
၂၀ ဇူလိုင် ၂၀၁၀(၀၉း၂၂)


(ဘုရင်မာရယုဘလော့မှ)

အယင်ခေါက်ခါ အကျွန်ရို. ရက္ခတိုင်းက ကျွန်းရွာချေ တစ်ရွာမှာ ကလေချေ တစ်ယောက် ကစပ်ကစပ်နီယင်း ရင်ရဲစိ တစ်စိ ကောက်ရပါရေလတ်။ ယင်း ရင်ရဲစိကို မြင်ရေခါ ယင်းကလေချေစွာ ရင်ရဲစိပိုင် လှရေ မမချေ တစ်ယောက်လိုချင်စိတ်ပေါက်ပါလတ်
တေလတ်။ယေခါ အမိ ဘက်ကိုလားဘနာ " အော...အမိ အမိ သားချေကို ဒေရင်ရဲစိ နန်.တူရေ မယားအလှပချေ တစ်ယောက်ရှာပီးဘလင်" လို.တောင်းရေလတ်။ ယကေအမိသယ်က " အော် သားချေ သားချေ.....အမိက မဟြာ(ရှာ) ပီးနိုင်ဂါ.. နင့် အဖ
ဘားက လားတောင်းခီဘလင်"လို. ဆိုရေလတ်။ ယင်းပိုင်ဆိုခါ သားချေကလည်း အဖသယ်ဘက်ကို လားဘနာ" အော်.....အဘာ အဘာ သားချေကို ဒေရင်ရဲစိ နန်.တူရေ မယားအလှပချေ တစ်ယောက်ရှာပီးဘလင်" လို.တောင်းပြန်ရေလတ်။ ယပိုင်နတ်
အဖသယ်က " ဘာဘာမှာက မဟိကာဝေ၊ မင်း အဘိုးသျှင် ဘားကို လားတောင်းခီ" လို.ပြောလိုက်ပါရေလတ်။ ယင်းတွက်တာနတ် ထိုသားချေကလည်း အဖိုးသျှင်ဘားကို လားဘနာ တောင်းပြန်ရေ။ အဘိုးသည်က အဘောင်မသယ်ဘားက တောင်းခီလို.
အကြံပြုလိုက်တေ။ ယင်းတွက် ယင်းကလေချေ နောက်ဆုံးအနီနတ် အဘောင်းမဘားကို လာရေလတ်။ယေခါ အဘောင်မသည်က " မပူကေ့ ငါ့မြီးချေ၊ အဘောင်သျှင်ဟြာပီးမေ" လို.ဆိုရေ။ အဘောင်မသည်က " မင်းရေ ငရို.ရွာ အရှိဘက် ၃ နာရီလောက်
လမ်းလျှောက်ကေ နပျိုးခြင်း တစ်ခြင်းတွိလိမ့်မေ။ ယင်း နပျိုးခြင်းက ယာသျှင် ၀ါကြီးမ လင်မယား ဘားက တောင်းခီ" ယင်းပိုင် မှာလိုက်တေလတ်။ ယင်းပိုင်နတ် ကလေသျှေရေ သူ.ခရီးကို စတင်လိုက်တေ။ ၃နာရီလောက်လမ်းလျှောက်ပြီးရေမှာ သူ.အဘောင်
မသယ်ပြောရေပိုင် နပျိုးခြင်း အကြီးမသန် တစ်ခြင်းတွိရေလတ်။ ယကေ ယင်းယာခင်းထဲကိုဝင်ဘနာ ၀ါကြီးမလင်မယားကို ထိုရင်ရဲစိ ကိုပြရေလတ်။ ယပြီးကေ သူ.ကို ယင်း ရင်ရဲစိ ပိုင်လှရေ မယားတစ်ယောက်ဟြှာပီးဖို. တောင်းပန်ရေလတ်။ ယင်းပိုင်
ဆိုခါ ၀ါကြီးက " အော် မောင်ချေ၊ မောင်ချေ .....ငရို.အိမ် နောက်မှာ နပျိုးပင် ၇ ပင်ဟိရေ။ ယင်းခုနစ်ပင် ထဲက မင်းကြိုက်တေ တစ်ပင် ခွတ်လို.ယူလီ" လို.ပြောရေလတ်။ ထပ်ပြီးကေ မှာလိုက်စွာက ယင်းကလေချေ ရေ ယင်းနပျိုးပင်ကို ထမ်းလို. ရွာကို
ပြန်ရေခါ ဇာလောက်ပင် လီးလီး ရွာက သူ.အိမ်ကို မရောက်မချင်း ယင်းနပျိုးပင်က အပတ်တိကို လုံးဝမခွါရ လတ်။ယင်းကလေချေ လည်းကတိပီးဘနာ ကြိုက်တေ နပျိုးပင်တစ်ပင်ခွတ်လို. ရွာကို ထမ်းပြန်လာရေလတ်။ယင်းပိုင် ထမ်းယင်းထမ်းယင်း
နပျိုးပင်လေး ကကောင်းလီးလတ်တေ။ တစ်ခုပိုင် ထမ်းလိုမပါရေခါ ကလေချေ စဉ်းစားရေလတ် " အော် အပတ်တစ်ပတ် ခွာလိုက်လို. ဇာဖြစ်ဖို.လဲ့ဂု" ဆိုပနာ တစ်ပတ်စခွာ ဘလိုက်တေ။ တစ်ခုလေ့ မဖြစ်ရေခါ ယင်းနပျိုးပင် ကို ထမ်းပနာ ဆက်လျှေက်တေ
လတ်။ ထူးဆန်းစွာက နပျိုးပင်ရေ ပေါ့လားဖို.အစား ပိုပြီးယာ လီးပါလတ်တေလတ်။ ယင်းပိုင် လီးယင်းခွာ ယင်း လီးယင်းခွာ ယင်းနန်. ရွာနားကန်ဘောင်နားအရောက်မှာ ကလေချေ ရေ အားလုံးကို ခွာသတ်ဘလိုက်တေလတ်။ ယင်းပိုင်အားလုံးကိုခွာသတ်
ဘလိုက်တေခါ ယင်းနပျိုးပင်က မိုးကျနတ်သမီးချေတစ်ပါးပိုင် လှပချောမောရေ မင်းသမီးချေ တစ်ယောက်ထွက်ကျရေလတ်။ ယင်းပိုင်ဆိုခါ ထိုကလေ့မေချေက " အော်..မောင်တော်..မောင်တော်...အကျွန် ခြီနန်.လားကေလေ့ ခြီပေါက်ပါရေ၊ လက်နား တွား
ကေလေ့ လက်ပေါက်ပါရေ" လို.ပြောရေလတ်။ ကလေချေလေ့ ကြံစရာဖြစ်နိန်ရေခါ ကန်ဘောင်ထက် ပေါက်နိန်ရေ ညောင်ပင်ကြီးတစ်ပင်ထက်မှာတင်ဖို.ပျင်ရေလတ်။ ယပြီးကေ ကလေချေက "အော်.. မောင်ကြီး ချစ်နှမ ...ဒေ ညောင်ပင်ကြီထက်မှာ
တနားချေနီ၊ မောင်ကြီးအိမ်က မြင်းဂါရီ လားယူဘိုက်ခီမေ" လို.ဆိုပနာထွက်လားရေလတ်။ ကလေချေ မြင်းဂါရီ လားယူနိန်တုန်းမှာ သူဌေးအိမ်က အရုပ်ဆိုး ပြည့်ဝန်းမ လည်း ကကောင်းဆင်ပနာ ထိုကန်ကို ရီခတ်ဖို.ဆင်းလာရေလတ်။ ကန်ဘောင်ကို
ရောက်တေခါ တစ်ကန်လုံး ထထိန်လင်းနိန်စွာကို ပြည့်ဝန်းမ မြင်ရေလတ်။ ယေခါ ကိုယ့်ဘားက အရောင်ထွက်တေထင်ဘနာ " သူဌေးအိမ်က ပြည့်ဝန်းမ အရောင် ကန်လုံးပြောင် ဒိန်နနောင် ဒိန်နနောင်" ဆိုပြီးနာ ရီခွက်ကို ချလို. ကရာ ကယာလတ်။ ယင်း
ပိုင် ကနိန်စွာကို ညောင်ပင်ထက် ကလိန်.မေချေ မြင်ရေခါ အအူပိန်ပါအောင် ရယ်မိရေလတ်။ပြည့်ဝန်းမလည်း အရောင်တိလာရာဘက်ကို ကြည့်လိုက်တေမှာ... အရောင်တိစွာ သူ.ဘားကလာစွာကမဟုတ် ဒေကလိန်.မေချေ ဘားက လာစွာရာမလားဆိုပနာ
မနာလို ၀န်တိုစိတ်တိ ဖြစ်မိရေလတ်။ ပြည့်ဝန်းမ လည်းညောင်ပင်အောက်ကို လားဘနာ ယင်းကလိန်.မေချေဘားက ကွမ်းယာ တစ်ယာ တောင်းရေလတ်။ မမချေက ကွမ်းယာ မဟိလို.ပြောရေခါ " မချေ မချေ....ကွမ်းမဟိကေ ညောင်ရွက်ကို ကွမ်းလုပ်၊
ကွမ်းသီးမဟိကေ ညောင်သီးကို ကွမ်းသီးလုပ်၊ ထုံးမဟိကေ ညောင်စိကို ထုံးလုပ်" လို.ပြောရေလတ်။ ယင်းပိုင်ဆိုခါ ကလိန်.မေချေ ကလည်း " ဟုတ်ပါယင့် မမ ယင်းပိုင်ဆိုကေ အကျွန်လုပ်တက်ပါရေ ဆိုပါနာ ကွမ်းတစ်ယာ ယာလို. ကမ်းပီးရေလတ်။
ယင်းပိုင် ကမ်းပီးစွာနန်. ပြည့်ဝန်းမရေ ယင်းကလိန်.မေချေ လက်ကို ဆွဲဘနာ ကန်ထဲမှာ မြှပ်သတ်ဘိုက်တေလတ်။ ယပြီးကေ သူမရေ ညောင်ပင်ထက်မှာပပိုက်နနစ်ထိုင်နိန်ရေလတ်။ ထို ကလိန်.မေချေ လည်း ကန်ထဲမှာ ကြာပန်းချေ ဖြစ်လားရေလတ်။

ယပိုင်နတ် ကလေချေ မြင်းလှည်းနန်. ပြန်လာရေခါ သူ.မယားရေ ကကောင်းအရုပ်ဆိုးလားစွာကို စဉ်းစားလို.မရဖြစ်နိန်ရေလတ်။ ယေဘင်ယေဂေလေ့ ငါမယားဆိုးဆိုး လှလှ ငါယူရဖို.ဆိုပနာ ပြည့်ဝန်းမကို မြင်းဂါရီထက် တင်ပြီးကေ အိမ်ကို ခေါ်လားရေလတ်။
ယင်းပိုင် ယင်းကလေချေ လည်းပြည့်ဝန်းမနန်. ပေါင်းသင်းနီထိုင်လီယာလတ်။ တနိ ယင်းကလေချေ ကန်ကို ရီ ခတ်ဖို.ဆင်းလာရေခါ တန်းထ(တံတား) နားမှာ ကြာပန်းချေတစ်ပွင့်မြင်ရေလတ်။ ယင်းကြာပန်းရေ အရာလူတိ ရီခတ်လာကေ ကန်အလယ်ဂေါင်
မှာဇီ နိန်ပြီးကေ ယင်းကလေချေ ရီခတ်လာယာဆိုကေ တန်းထ နားမှာဇီလာနိန်ရေလတ်။ ယင်းပိုင် တစ်ရက်မဟုတ် နှစ်ရက် ရက်ပြတ် မြင်ရေခါ ယင်းကလေချေ ယင်းကြာပန်းကို အိမ်ကိုခူးယူလာရေလတ်။ ယပြီးကေ သူရို.လင်းမယားအိမ်တေ ဂေါင်းရင်း
မှာထိုးထားရေလတ်။ ယင်းပိုင် ပြည့်ဝန်းမ လင်မယားအိပ်ယာဆိုကေ ထိုကလိန်.မေချေရေ ကြာပန်းကထွက်ပနာဇီ ပြည့်ဝန်းမ အဂေါင်းကို ကျောက်တေလတ်။ ပြည့်ဝန်းနိုးကျလာကေ ကြာပန်းထဲကို ပြန်ဝင်ပြီးလာရေလတ်။ ယင်းပိုင်နတ် ပြည့်ဝန်မ လည်း
ဂေါင်းမူဝေဒနာ ခံစားရရေလတ်။ ပြည့်ဝန်းမရေ ကြာလာခါ ယင်းကြာပန်းကို သံသယ ၀င်လာရေလတ်။ ဒေပန်းရောင်ခါတည်းကပင် ငါဂေါင်းမူးရေ ဆိုပနာ ယင်းကြာပန်းကို ဓားနန်. အပိုင်းပိုင်း စိုင်းဘလိုက်တေလတ်။ ယပြီးကေ ရွာကြားက ၀ါကြီးမလင်မယား
တပ်နားမှာ ၀ဲပိုက်ဘိုက်ခီရေ။ ကကောင်းမကြာ ယင်းကြာတိုကြာဇ တိက ၀ရစ် ပင် တစ်ပင်ပေါက်လာရေလတ်။ ယင်း ၀ရစ်ပင်ကြီးလာရေခါ ၀ရစ်သီးတိ အပြွတ်ပြွတ်အခိုင်ခိုင်သီးရေလတ်။ ၀ါကြီးလင်မယားလည့် ၀ရစ်သီးတိကို ဆွတ်ပနာ စားကိုစား ရောင်း
စွာကိုရောင်း ပီးစွာကိုပီး ပီးဘလိုက်တေခါ တပင်လုံးကုန်ရေလတ်။ ယကေလေ့ အပင်ထိပ်ဆုံးမှာ ၀ရစ်သီးတစ်လုံးကျန်လိုက်တေလတ်။ ၀ါကြီးလင်မယားလည်း ထို နောက်ဆုံးအသီးကို မစားဝံ့ဘဲ ထမင်းချက်ခန်းက ကြတ်စင်မှာ တင်ထားရေလတ်။

ယင်းဝါကြီးမ လင်မယားရေ ဆင်းရဲလို. တောထဲက ထင်းခွီပနာ ဇီ အသက်မွီးဝမ်းကျောင်းပြူရလေလတ်။ယင်းပိုင် ၀ါကြီးမ လင်းမယားထင်ခွီဖို.လားနီစဉ် ယင်းကလိန်.မေချေရေ ၀ရစ်သီးက ထွက်ပနာ ထမင်းဟင်းချက်ရေလတ်။ ပြီးယာဆိုကေ ၀ရစ်သီးထဲကို ပြန်
ဝင်လားရေလတ်။ ၀ါကြီး၊၀ါကြီးမ လင်မယားပြန်လာရေခါ ထမင်းတိ ဟင်းတိ အဆင်သင့်ချက်ပြီးနိန်စွာကိုဇီ တွိရေလတ်။ ယင်းပိုင် နိတိုင်းဖြစ်လာရေခါ ၀ါကြီးမက " ၀ါကြီး ......အိမ်မှာစောင့်ကျန်လိုက် အသူထမင်းလာချက်လေကြည့်ထား ငါထင်းခွီလား
လိုက်မေ" ဆိုရေလတ်။ ၀ါကြီးလည်း အိမ်မှာ စောင့်နိန်ယင်း စောင်နိန်ယင်း ဖဖူရောင်ပါအောင် အိပ်ပါလားရေလတ်။ ထိုကလိန်.မေချေ လည်း ၀ရစ်သီးကထွက်ပနာ ထမင်းတိ ယင်းတိ ချက်ပြီးရေခါ၊ အိပ်နီရေ ၀ါကြီး ဖင်ဝမှာ ကွမ်းတစ်ယာညှပ် ဘခသိမ့်ရေ
လတ်။ ၀ါကြီးမပြန်လာရေခါ ကွမ်းတစ်ရာ ဖင်ဝဆို.လို. အိပ်နီရေ ၀ါကြီးကို နိုးဘနာ တ၀ ဒေါသထွက်တေလတ်။ ယပြီးကေ ၀ါကြီးမက " ထင်းခွီဖို. လားလီ ငါစောင်းမေ မိုးထခါ ဆိုပြီးနာ" ၀ါကြီးကိုထင်းခွီလွတ်လိုက်တေလတ်။ ယင်းပိုင် ၀ါကြီးမလည်းထိုင်
စောင့်နိန်ရေခါ အိပ်ချင်ပါလတ်တေလတ်။ ယကေလေ့ မအိပ်ပါအောင် လက်ကို စက်ဓားချ နန်.ဇီလှီပနာ နံသာခွတ်မှာဇီစိမ်ရေလတ်။ ယင်းပိုင်နန်. ကလိန်.မေချေ ကလည်း ၀ါကြီးမ အိပ်ပါလားရေ အထင်နန်. ၀ရစ်သီးထဲက ထမင်းချက်ဖို.ထွက်ပါလတ်တေလတ်။
အကွက်ချောင်းနီရေ ၀ါကြီးမလည်း ဇာသူလေ နင်ဆိုပနာ သူမလက်ကို ဆွဲဖမ်းလိုက်ရေလတ်။ ကလိန်.မေချေကလည်း သူမအကြောင်းကိုချင်းပြလိုက်တေလတ်။ ၀ါကြီးမလည်း သနားဂရုနာ သက်ဘနာ သူ.ရို.မလည်း သား သမီးမဟိရေ အတွက်နန်. ယင်း
ကလိန်.မေချေကို အိမ်မှာ မွီးစားလိုက်တေလတ်။

ယင်ပိုင် ရက်တိ၊လတိ ကုန်လားရေခါ ပြည့်ဝန်းမလည်း ကိုယ်ဝန်ရင်းပါလတ်တေလတ်။ မွီးဖို.နိခါ ၀ါကြီးမ က မီးစောင့်ဖို.လားဖို.ပျင်နိန်ရေခါ ထိုကလိန်.မေချေက ယင်းပြည့်ဝန်းမ အိမ်ကို သူမလည်းလိုက်ချင်ကြောင်းပူဆာရေလတ်။ ယင်းအိမ်သို.ရောက်ရေ
ခါ လူတိနန်. ရရောင်သတ်လို. မီစောင့်ဖို.ရောက်နီကတ်တေလတ်။ ရွာထုံစံအတိုင်း ယင်းကလိန်.မေချေ က ၀တ္ထူ တစ်ပုဒ် ပြောပြချင်ကြောင့် ယင်းလူတိကို ခွင့်တောင်းရေလတ်။ လူတိက ခွင့်ပြူရေခါ ယင်းကလိန်.မေချေစွာ သူမ၀တ္ထူကို စပြောပြရေလတ်။
"အယင်ခေါက်ခါ အကျွန်ရို. ရက္ခတိုင်းက ကျွန်းရွာချေ တစ်ရွာမှာ ကလေချေ တစ်ယောက် ကစပ်ကစပ်နီယင်း ရင်ရဲစိ တစ်စိ ကောက်ရပါရေလတ်။ ယင်း ရင်ရဲစိကို မြင်ရေခါ ယင်းကလေချေစွာ ရင်ရဲစိပိုင် လှရေ မမချေ တစ်ယောက်လိုချင်စိတ်ပေါက်ပါလတ်
တေလတ်။ယေခါ အမိ ဘက်ကိုလားဘနာ " အော...အမိ အမိ သားချေကို ဒေရင်ရဲစိ နန်.တူရေ မယားအလှပချေ တစ်ယောက်ရှာပီးဘလင်" လို.တောင်းရေလတ်" ယင်းပိုင် ၀တ္ထူ ကို အစ အဆုံးပြောပြလိုက်တေခါ ယင်းဝတ္ထူ ကို နားထောင်နိန်ရေ ထိုကလေချေ လေ့ ပြည့်ဝန်းမလိမ်စွာတိကို ချက်ချင်း သဘောပေါက်လားရေလတ်။ ၀တ္ထူ အဆုံးမှာ ယင်းကလေချေနန်. ကလိန်.မေချေ ချစ်သူနှုစ်ယောက် ၀မ်းနည်းဘနာ ဖတ်လို.ငိုကတ်တေလတ်........ယကေ ရင်ရဲစိ ၀တ္ထူ နားထောင်ကတ်တေ ပရိတ်သတ်ရို. ပြည့်ဝန်းမ ကို ဇာလုပ်ဇီချင်ပါလေ အကြံပီးကတ်ပါ................။


အချေခါ နားထောင်ဖူးခရေ ၀တ္ထူကို ပြန်ရွီးထားခြင်းဖြစ်ပါသည်။ ပြည်တွင် ပြည်ပရောက် ရခိုင်မိဘတိ အနိန်ဖြင့် ဒေပိုင် ရခိုင်ဝတ္ထူချေတိ ကို မိမိ ချစ်သားချေ သမီးချေ တိကို ပြောပြဘနာ ပျော်ရွင်နိုင်ကတ်ပါဇီ။ ဒေ၀တ္ထူတွင် ယင်းကလိန်.မေချေက ထမင်းချက်ပြီးခါ အိမ်က ကြက်ဖား ကြီးကို မှာစွာတိလည်းပါ ပါရေ။ မမှတ်မိလို. မရွီးလိုက်ပါ။ သိရေဆိုကေ မျှဝီပီးဇီချင်ပါသည်။


အေးမောင်(ရင်အုံတော်ဓာတ်)
၂၉၊၀၆၊၀၉(၂၀:၂၅)


(ဘုရင်မာရယုဘလော့မှ)

(၁)


နိရက်။........ ။ ၁၉၉၀ ခုနှစ်၊ ဒီဇင်ဘာလ ၂၉ ရက်

အချိန်။...... ။ရခိုင်စံတော်ချိန် မိုးထဖက် ၁၁:၀၀ နာရီ

နီရာ ။...... ။ ရခိုင်ပြည်၊ ဖရုံကာကျွန်း


" ဘာဘာ, မြောက်ဦးကို ဘုရားဖူးလားဖို့ ဆိုကေ သားချေလေ့ လိုက်ချင်ပါရေ။" ၁၀ နှုစ်သားအရွယ် မြတ်မင်ဦး သည် သူ့အဖကို အားကိုးတကြီးနှင့် ခွင့်တောင်းလိုက်သည်။

မြတ်မင်းဦးသည် ရခိုင်ပြည်ဟိ ဖရုံကာကျွန်းထက်ရွာတစ်ရွာတွင် ၁၉၈၀ ခုနှုစ်က
မွီးဖွားသည်။ ၁၉၉၀ ခုနှစ်၊ဒီဇင်ဘာလ ၃၁ ရက်နိသည် သူ၏ ဆယ်နှစ်ပြည့် မွီးနိဖြစ်သည်။ ဒီဇင်ဘာလ၊ ၃၁ နိတွင် မြောက်ဦးကို ဘုရားဖူးလားမည်ဖြစ်ကြောင့် ရွာလယ်ကောင်ဟိစံပယ်ပင်ကြီးတွင် ကပ်ထားသော ကြော်ငြာစာကို မြတ်မင်းဦးတစ်ယောက်
အခေါက်ခေါက်ဖတ်နီမိသည်။

သူသည် " မြောက်ဦး" ဟုသည့် နာမည်ကြားသည်နှင့် ကြက်သီးတိထလာကာ ရင်ထဲတွင်နာမည်မသိသော ဝေဒနာတစ်ခု ခံစားမိသည်။ မြောက်ဦး ဟုသည့်နာမည်သည် မြတ်မင်ဦး ၆ နှစ်သားလောက်က စကြားဖူးသည်။
ထိုအချိန်က မြတ်မင်းဦး ရို.ရွာတွင် စာဟောဆရာများလာလျက် ရခိုင်သမိုင်းကြောင်းများ ဟောပြောပြလေ့ဟိသည်။

"မြောက်ဦး" ဟုသောမြို့နာမည်ကို ပထမ ဆုံးကြားစနိတွင် မြတ်မင်းဦးသည် အမိသယ်ရင်ခွင်ထက်တွင် ဆို့အောင်ငိုသဖြင့် သူ့အမိသည်
ရခိုင်သမိုင်းကြောင်းဆုံးအောင်နားမထောင်နိုင်ဘဲ ထလားလိုက်ရသည်။ယင်းနောက် ၄၊၅ နှုစ်အတွင်း မြောက်ဦး ဆိုသည်နာမည်နှင့် မြတ်မင်းဦး အသားကျလာသည်။ ရွာသို့ စာဟောဆရာများလာလျှင် မြတ်မင်းဦးသည် သူငယ်ချင်းကစပ်ဖက်တိကို စွန့်ခွာလျက်ဟြိ့ဆုံးမှာထိုင်ကာ နားရွက်မခတ်နိုင်အောင်နားထောင်တတ်သည်။ သူသည် တခြားအသျှေတိနှင့်ကွာခြားသည်မှာ ရခိုင်သမိုင်းအကြောင်းတိပြောလျှင် မျက်လုံးနှစ်လုံးတည်လျှက် ထမင်းမိ ဟင်းမိ နားထောင်လေ့ဟိသည်။ အဂုလေး မြောက်ဦး ဘုရားဖူး ဆိုသည်အသံကိုကြားသည်နှင့် ၁၀နှစ်သားအရွယ် မြတ်မင်းဦးသည် လားဘိုက်ချင်သည့်စိတ်တိနှင့်ကျင်ကိုင်နီရသည်။

" သားချေလေ့ ၁၀ နှစ်ပြည့်ယာ၊ ယင်းနိဆိုကေ၊ အထိမ်းအမှတ်အနီနန့် လာပြဘိုက်ခီ၊ အဖသယ်။" မြတ်မင်းဦးအမိက ၀င်ထောက်ပီးသည်။

မြတ်မင်းဦးအမိသည် သူ့ကို ကိုယ်ဝန်လွယ်ခါက ဆန်းကြယ်သောအိမ်မက်တိမက်ဖူးသည်။ သွီးအိုင်များ၊လူသီ
အလောင်းတိကြားထဲက မင်းဝတ်တံဆာနှင့် မြင်းထက်ကလူတစ်ယောက်၊ ကြီးမားသော ဘုရားပုထိုးတိထဲက လူတိရယ်သံ စသော နိမိတ်တိမြင်မက်သည်။ ယင်းကြောင့်မြတ်မင်းဦးအမိသည်သူမ၏သားတွင်မြောက်ဦးနှင့်ဆက်စပ်မူတစ်ခုခုဟိလိမ့်မည်ဟုယုံကြည်နီသည်။

ယေဘင်ယေကေလေ့ မြတ်မင်းဦး အဖသယ်သည် သူ့သားအတွက်စိုးရိမ်သည်။ မြောက်ဦးရောက်သည်နှင့်
တစ်ခုခုဖြစ်လားမှာကြောက်သည်။ ဘဇာကြောင့်ဆိုသော် သူသည် သူ့သား၏ မူမမှန်သော အသျှေစရိုက်ကို အကဲခတ်လာခြင်းကြောင့်ဖြစ်သည်။အမိသယ်နှင့် မြတ်မင်းဦး နှစ်ယောက်ပေါင်း ပူဆာမူကြောင့်နောက်ဆုံး သူ့သားအဆိုကို သူခွင့်ပြုလိုက်ရသည်။

" အေး ... အေး .. သားချေလေ့ ၁၀ နှုစ်ပြည့်အထိမ်းအမှတ်အနီနန့် ဘာဘာ ခေါ်လားပါမေ ဝေ..သားချေကို" ဆိုသော ခွင့်ပြုချက်ရပြီးနောက်
မြတ်မင်းဦးသည် အလွန်ပျော်လျက် ရွာကြားထဲကို ဖင်ပုပါအောင်ပြီးလားလေသည်။ သူ့ အမိနှင့် အဖသယ်ကလေ့ သားချေကိုကြည့်လိုက် အပြုံးတိကိုယ်စီနှင့်။

မြတ်မင်းဦးရို.ဘုရားဖူးဘုတ်သည် ဂစ္စပနဒီမြစ်ကြောင်းအတိုင်းစုံဆင်းလာသည်။ ဘုတ်ထက် ကလ၀(လော်စပီကာ) က ဦးမောင်သိန်း တေးခြင်းသံ ညံ့ထွက်နီသည်။ ဘုတ်ထက်တွင် ဘုရားဖူးခရီးသယ်တိသည် သူစွာနှင့်သူ အလုပ်သျှပ်နီကတ်သည်။ အသျှေတိ
လည်းဘာသာဘာဝ ကစပ်နီကတ်သည်။

မြတ်မင်းဦသည် ဦးရစ်တောင် စေတီကို မြင်သည်နှင့် ဘုတ်ဦးဘက်ကို ထွက်လာပြီး တမိတမောကြည့်နီမိသည်။ သူ၏စိတ်ထဲမှာလည်း အယင်ကဒေနီရောက်ကိုရောက်ဖူးပိုင်ခံစားနီရသည်။ မြတ်မင်းဦ ဦးရစ်တော်
စေတီတော်မြတ်ကြီးကို ဦးခိုက်လိုက်ပြီး အဖော်တိဘက်ကို ပြန်လာသည်။ မြို့ဟောင်း ချောင်းကို စ၀င်မိသည်နှင့် မြတ်မင်ဦး ဂနာမငြိမ်ဖြစ်လာသည်။ မြောက်ဦးကို အယင်ရောက်အောင်မြတ်မင်းဦး ခုန်ဆင်းဘလိုက်ချင်သည်။ မြောက်ဦးဆိပ်ကမ်းကိုဘုတ်
ကပ်သည်နှင့် မြင်မင်းဦးစိတ်ထဲတွင် အိမ်မက်မက်နီပိုင်တွိသည်။

တစ်ခုခုတော့ခါ တစ်ခုခု။

ဆိုက်ကားတိနှင့် ဗန္ဒူလကျောင်းအလား လမ်းတစ်လျောက်လုံးကို မြတ်မင်းဦးအယင် ကရောက်ဖူးနီပိုင်တွိသည်။ ယကေလေ့ သူအတွေးများသည် ရောင်ဝီရောင်ဝါးများသာဖြစ်သည်။ တစ်ခုကိုတတိကကျမပြောပြနိုင်။ သူစိတ်ထဲမှာလေ့ ငိုချင်ပိုင်တွိသည်။ဘုန်းကြီးကျောင်းအရောက်တွင် မြတ်မင်ဦးသည် ကျောင်းတစ်ပတ် ပတ်ကြည့်နီမိသည်။ ရီးကန်ဘေးတွင် မြက်စားနီသောမြင်းနီကြီးအပါးကိုကတ်လျက် လက်နှင့်ပွတ်သတ်နီမိသည်။ မြင်းနီကြီးသည် မြတ်မင်းဦးကို သူနှခေါင်းနှင့်လာနမ်းပြီးချစ်ချင်ဖွယ်အမူအရာပြသည်။

မြတ်မင်းဦး၏ ထူးဆန်းသောအမူအရာတိကို သူအဖက ဓမ္မာရုံကနီအကဲခတ်နီသည်။ မြတ်မင်းဦး၏ မျက်နှာတွင် ကြည်နူးမိအရိပ်တိသန်းနီသည်။
အပြစ်ကင်းသောသူ၏နှမ်းခမ်းချေတိသည် ကန်ရီပြင်ကို ငေးလျက် အပြုံးပန်းချေတိဝီဆာနီသည်။ ကစပ်မက်သော မြတ်မင်းဦးသည် မြောက်ဦးရောက်သည်နှင့် အလွန်ပင်တိတ်ဆိတ်နီသည်။ စကားလေ့ မီးမှပြောသည်။ ယင်းအပြင် တစ်ယောက်တည်နီ
ရစွာကို ခုံမင်တတ်လာသည်။ သူအဖသည် မြတ်မင်းဦတွက် စိုးရိမ်လာမိသည်။

" သားချေ.. မင်းဦး ... ညဇာထမင်းစားဖို့ ပါလတ်ဖိ။ ယာ..ဒေမှာ ငါးခြောက်ချေနန့် ခရမ်းသီးရောချက်စား ကြိုးဘိုက်ခလိုက်ကား.....။ ယေပြီးကေ ညဇာဘက် လမ်းလျှေက်ထွက်ကတ်ဖို့။"

အဖသည်လှမ်းခေါ်သောကြောင့် မြတ်မင်းဦး ဓမ္မာရုံဘက် ခြီဦးလှည့်လာသည်။ ညဇာ ထမင်းစားလိုက်ပြီး မြတ်မင်းဦး သူ့အဖနှင့် မြို့ထဲလှမ်းလျှောက်ထွက်လာသည်။ ဘုရားပုထိုးတိဟြိ့နားရောက်လျှင် မြတ်မင်ဦးသည် ခြီစုံရပ်လျက် ငှေးကြည့်နီခြင်းကြောင့် သူ့အဖက လက်ဆွဲလျှေက်နီရသည်။ ညဈီး၌တနားပတ်ကြည့်လျက်အမှောင်ထုကြီးစိုးလာခြင်းကြောင့် သူရို.သားအဖ ဘုန်းကြီးကျောင်းသို့ပြန်လာကတ်သည်။ မိုးထခါ ဘုရားဖူဖို့ အစောကြီးထရဖို့ဟိသိမ့်သည်။

မြတ်မင်းဦးသည် ဓမ္မာရုံေ၇ာက်သည်နှင့် အသျှေပီပီ ချက်ချင်းအိပ်ပါလားသည်။ ညဥ့်မသန်းခေါင် အရောက်တွင်

"နှမချေ၊ နှမချေ...။ မောင်ကြီး.. မောင်ကြီး.. လိုက်လာဖို့"

ဟုအော်ယောင်လီရာ ဓမ္မာရုံတစ်ခုလုံးနိုးကျသည်။မိုးလင်းသည်နှင့် ခြီကျင်ဘုရားဖူးအစီစဉ်စသည်။ မြတ်မင်းဦးသည် သူ့အဖော်တိနှင့်မနီဘဲ ဟြိ့က ဦးဆောင်လျှောက်နီသည်။ သူ၏စိတ်
ထဲတွင် ဒေနီရာ ဒေလမ်းတိကို ရောက်ဖူးနီပိုင်တွိသည်။

ဘုရားဖူးခရီးသည်များသည် ပထမဆုံး သျှစ်သောင်းပုထိုးတော်ကြီးမှစကာ၊ ရခိုင်တန်ခိုးကြီးများဖြစ်သော ထုက္ကသိမ်၊ အံတော်၊လေးမျက်နှာ၊ လောင်ပွန်းပြောက်၊အနော်မာ၊ ဓာတ်ရွေဂူ၊ နှင့်မာန်ငါးပါး
အစုံဖူးကတ်သည်။ သူရို.သည် ဘားမီး ဘားကရား ဂူကိုလေ့ရောက်သည်။ ဖိုးခေါင်တောင်ထက်သို့တတ်လျက် မြောက်ဦးရှုခင်းကို ခံစားကတ်သည်။ ညနီ ၃ နာရီ ၄၀ မိနစ်အချိန်တွင် ဘုရားဖူးအဖွဲဘုတ်ဆိတ်ကိုဆင်းဖို့ ဘုန်ကြီးကျောင်းကို ပြန်လာကတ်ရန် ပြင်ကတ်သည်။ တစ်ညအိပ်ဘုရားဖူးခရီးစဉ်ဖြစ်သဖြင့် ည ၅နာရီတွင်ဘုတ်စထွက်မည်ဖြစ်သည်။ယင်းအချိန်တွင် မြတ်မင်းဦးသည် ဗြန်းနှင့် အဖသည်ကို တောင်းဆိုမူတစ်ခုပြုလာသည်။

" ဘာဘာ ..သားချေ.. ကိုးသောင်းဘုရားကို လားချင်ရေ။ သားချေကို ကျေးဇုပြုပြီးလိုက်ပို့ပီးပါ" ။

ဟုတ်ပါသည်။ ဒေဘုရားဖူးအဖွဲ ကိုးသောင်းပုထိုးတော်ကြီးကို လားမဖူးကတ်ပါ။ ပဇာကြောင်းဆိုသော် ယင်းပုထိုးတော်ကြီးတွင်တောတိယောက်လျက်ဟိပြီး ကင်းမြွီများပင် ခိုကောင်းနီသည်ဟု မြို့ခံများကပြောကတ်ပါသည်။ " အဝေး သားချေ မဖြစ်၊ ဘာဘာရို ရွာကို ပြန်ဖို့ရာ၊ သားချေ ကြီးလာခါ အရာ တစ်ခါလာ၊ ယင်းမှာ မြွီတိ၊ကင်းကြီးတိဟိရေလတ်"။ ယေကေလေ့ မြတ်မင်းဦ နားမထောင်။ ငိုလျက်

်" ဘာဘာ..အဟီး ဟီး .. သားကို လိုက်ပို့ပီးပါ.. သားချေကို လိုက်ပို့ ပီးပါ။ သားချေ အ၀ီးက မြင်ရကေလေ့ ကျေနပ်ပါရေ..ဟီးဟီး သားချေကို လာပြပါ ဘာဘာ..သားချေ တောင်းပန်ပါရေ.."

ယင်းပိုင် ဆို့ပါအောင် မြေမှာလူးငိုသောကြောင့် အဖသယ်လည်း အဖော်တစ်ယောက် နှစ်ယောက်ခေါ်လျက် မြင်းလှည်းတစ်စီးနှင့် အပြင်းလိုက်ပို့ရသည်။ မြတ်မင်းဦးရို.မြင်းလှည်းသည် ကိုးသျှောင်းပုထိုးတော်ကြီး အနောက်ဘက်တစ်နီရာတွင်ရပ်သည်။

ကိုးသောင်းပုထိုးတော်ကြီးကား တောတိနှင့်အုံဆိုင်းနီသည်။

မြတ်မင်ဦးသည် သူဟြိ့က ကန်းချေနားသို့ ဦးတည်လိုက်သည်။ ထိုကန်ဘောင်ထက်မှ သူ ပုထိုးတော်ကြီးကို ကြည့်ချင်ပုံပေါက်သည်။ သူကန်ဘောက်ထက်တက်လိုက်ချိန်တွင် သူအဖက မြတ်မင်းဦး အနားမှ လာရပ်သည်။ မြတ်မင်းဦးသည် ကန်ထဲတွင် ဖူးပွင့်နီသော ကြာနီပန်း၊ကြာဖြူပန်းတိ ကိုကြည့်နီစဉ်တွင် မျက်လုံးမှ မျက်ရည်တိ စီးကျလာပြီး ရပ်စောက် မူးလဲကျလားသည်။ မြတ်မင်းဦး အာရုံတွင် အမှောင်ကမ္ဘာကြီးစိုးလားလီသည်။

(၂)

နိရက်။......... ။ ၂၀၀၀ခုနှစ်၊ ဒီဇင်ဘာလ ၃၁

အချိန်။........ ။ရခိုင်စံတော်ချိန် နိခြင်းဖက် ၂ နာရီ

နီရာ ။ ..........။ ရခိုင်ပြည်၊ စစ်တွေ


" ဟေး ..ကောင်မ သန်ဦးခိုင်၊ သူငယ်ချင်း ကကောင်းပင်လေ့ မိုင်ရေကာ"

ပွိင့်ကမ်းခြီတွင် အညောင်းလာဖြေကတ်သော သန်းဦးခိုင်ရို.သူငယ်ချင်းတစ်စု တစ်ချိန်လုံးမှိုင်နီသော သန်းဦးခိုင်ကြောင့် ခေါင်းခြောက်လျက်ဟိသည်။

သူမ သူငယ်ချင်းတိက ဆက်လို့ " နင် ဇာဖြစ်နီလေ သန်းဦးခိုင်၊ ငါရို့ နင်ရို.တိစွာ ဘ၀ တူ သူငယ်ချင်းတိရာမလား ။နင်ဇာဖြစ်နီလေ ငါရို.ကို ပြော၊" ယင်းပိုင် တောင်းဆိုလာကတ်သည်။ သန်းဦးခိုင်လဲ ဆုံးဖြတ်ချက် ချက်လာသည့်အတိုင်း

" ဟုတ်တေဟေ ငါလေ ငါချစ်တေ အဖရခိုင်ပြည်ကြီးနန့် ငါချစ်တေ နင်ရို.တိကို စွန်.လို့ ရန်ကုန် ကို တစ်ပတ်အတွင်း ငါပြောင်းဖို့ယာ...... ငရို.မိသားစု တစ်စုလုံး ဘာဘာ အလုပ်ကိစ္စ နန့် ရန်ကုန်ကို ပြောင်းဖို့လို့ ဆုံးဖြတ်လိုက်ကတ်ဗျာယ်။"

ယင်းသို့ပြောပြီး သန်းဦးခိုင် မထိန်းနိုင်ဘဲ ခေါင်းငုံငိုနီသည်။ ယင်းစကားအဆုံးတွင် သူမ သူငယ်ချင်းတိလည်း တိတ်ဆိတ်လားသည်။ ငယ်ပေါင်းသူငယ်ချင်းတိ တစ်ယောက်နှင့်တစ်ယောက် တစ်သက်လုံးလက်တွဲကတ်ဖို့ပြောခကတ်တေစကားတိ အဂု ဂစ္စပနဒီ
မြစ်ထက်က မိုးရိပ်တိ လွင့်လားပိုင်။

" နင့်ရို.ကို ငါသီအောင်ချစ်တေ ဆိုစွာကို ဒေဘင်္ဂလားပင်လယ်အော်ကြီးကို ငါသက်သေတည်ရေ၊ ငါ ရင်ထဲမှာဟိနီရေ ခင်မင်မူတိကို ငါမဟိရေ နိ တစ်နိမှာ ဒေ ပွိင့်ခရင်းက သဲသောင်းချေတိ နန့် လိူင်လုံးချေတိ နင့်ရို.ကို ပြောပြကတ်လိမ့်မေ၊"

တိတ်ဆိတ်နီသော သန်းဦးခိုင်သူငယ်ချင်းတိ မျက်နှာပြင်တွင် မျက်ရည်မိုးတိရွာကျလာသည်။ သူရို.၏ရင်တွင်း၌ နာမည်ဖော်မပြနိုင်သောအရာတစ်ခု ဆုံးချုံး လားပိုင်ခံစားနီရသည်။ ပွိင့်ခရင်း က လှိုင်းချေတိနှင့် သဲသောင်ပြင်ချေတိက သန်းဦခိုင်ရို.ခံစားချက်တိကို နားမလည်နိုင်ရေ မျက်လုံးတိနှင့် ငေးလျက်.......။ သန်းဦခိုင် ဆက်ပြောသည်။

" နင်ရို.ငါ့ကို စာရွီးကတ်နန်း၊ ငါ အဖပြည်ကို လုံးဝ မခွဲချင်၊ယကေလေ့ ဘ၀ အခြေအနေအရ.. ဟီး ဟီး"သန်းဦးခိုင်ငိုယင်းဆက်ပြောသည်။

" အချိန်တန်ကေ ပင်လယ်လီကို သျှူဖို့ ငါရို.တိပြန်ဆုံတွိကတ်ဖို့"

စစ်တွေလီဆိပ်သည် ခရီသည်နှင့်ပြည်လည်နိုးထလာသည်။ လီဆိပ်ကဗာဒံပင်ချေတိ ပင်လယ်လီညုင်းချေတိနှင့်အတူယိမ်းနွဲကလျက်။ လီဆိပ်အတွင်း မြူနှင်းချေတိတ၀ီဝီ။ တအင့်ချေ အကြာတွင် သန်းဦးခိုင်နှင့် သူငယ်ချင်းတစ်စုလီဆိပ်သို့ရောက်ဟိလာ
ကတ်သည်။ ဒေနိသည် သသက်လုံးတတူလား တတူစား ဆိုးတူကောင်းဘက် ပေါင်းလာသော အချစ်ဆုံးသူငယ်ချင်းတစ်ယောက်ကို လက်လွတ် ဆုံးသျုံးခံရမည့်နိဖြစ်သည်။

ဟုတ်ပါသည်။ သန်းဦးခိုင် မကြာခင် ရန်ကုန်မြိူ့ကို အဲယားမန်း နှင့် ထွက်ခွာလားဖို့ဖြစ်သည်။ စစ်တွေလီဆိပ်မှ မြူချေတိ အ၀ီကိုလွင့်လားချိန်တွင် အာကာကနီရောင်ဖြာကျလာသည်။ လီဆိပ်သည်လည်း လူစကားပြောသံတိနှင့်ဆူညံ့လာသည်။ စကားတစ်လုံးမှမပြောနိုင်ကတ်သူများမှာ သန်းဦခိုင်ရို.ဘော်ဒါအုပ်စုဖြစ်သည်။သူရိုဝမ်းနည်းနီကတ်သည်။ လူတိဟြိ့တွင်မငိုမိအောင် မနည်းအားတင်းထားရသည်။ လီယဉ်နောက်ကျနီသည်ကိုပင် သူရို.ကျေးဇူးတင်နီကတ်သည်။ သူရို.ချစ်ရသောသူငယ်ချင်းတိနှင့်နောက်ဆုံးတစ်စက္ကန့်ထိသူရို. အတူဟိနီချင်သည်။

လီယဉ်အသံတတုန်းတုန်းကြားရပြီ။ သန်းဦးခိုင် မျက်ရည်ပေါက်တိ တင်းထားသည့်ကြားကစီးကျလာသည်။ ဟန်မဆောင်နိုင်ဘဲ တစ်ငယ်ချင်းတိကိုဖက်လို့ငိုမိသည်။ လီယဉ်ဆိုက်သည်နှင့် အကြာကြီးအလွမ်သယ်လို့မဖြစ် ကောင်တာတွင်တန်းစီရမည်။ ခရီးသယ်သီသန်းခန်း အ၀င်တွင်သန်းဦးခိုင် လက်ကို သူ.သူငယ်ချင်းတိဆွဲထားသည်။ သူငယ်ချင်းအားလုံးဖက်ငိုကတ်သည်။

" သူငယ်ချင်း၊ ငါရို.ကို မမိလားလီကေ့ နန်း၊ နင် အချိန်ရကေ ငရိုဘက်ကို အလည်လာနန်း၊" " နင်ပြောခရေပိုင် အဖရခိုင်ပြည်ကြီးနန့် ရခိုင်လူမျိုးတိ မမိလီပါကေ့ သူငယ်ချင်း၊ နင် ပြန်လာဖို့နိကို ငါရို.စောင့်နလီဖို့။"

လူအပြည့်ပါသောလီယဉ်ထက်၌ သန်းဦးခိုင်တစ်ယောက် ရင်လုံးဆို့ငိုနီသည်။ သူမ သူငယ်ချင်းမျက်နှာတိ သူမမျုက်လုံးထဲတွင်တဖြိန်းဖြိန်းမြင်ယောင်နီသည်။ ပတ်ဝန်းကျင်ကိုဂရုမစိုက်နိုင်ဘဲသူမ ငိုနီမိသည်။ လီယဉ်ပျံ ပျံတတ်ချိန်တွင် ပွိင့်သဲသောင်တန်းရို.၀ီးကျန်ခသည်။ ချစ်သောမြီ မြို့စစ်တွေ မှုံဝါးလားသည်။

စိမ်းပြာရောင် ဂစ္စပမြစ်ရီပြင်ကို မျက်ရည်ပေါက်တိနှင့် လီယဉ်ပေါ်က သန်းဦခိုင် လက်ကာပြမိသည်။ စိမ်းညိုမိုင်းပြနီရေ ရခိုင်တောင်တန်းတိ နှင့် အဖရခိုင်ပြည်ကြီးသူမအနားမှဝီးကျန်ရစ်သည်။
လီယဉ်ပျံကြီး နွယ်ချိုဖိုးခေါင်၊ရခိုင်ရိုးမတောင်တန်းတိကို အကျော်တွင် သန်းဦးခိုင်ချစ်ရသော အဖရခိုင်ပြည်ကြီးသူမှနားမှလုံးဝ ပျောက်ကွယ်လားသည်။

(၃)



နိရက်။........ ။ ရခိုင်သက္ကရာဇ် ၁၁၄၁-၁၁၄၂ ၊ ပြာသိုလဆန်း (၁၀) ရက်၊ အင်္ဂလိပ်သက္ကရာဇ်: 1780AD ဒီဇင်ဘာလ။

အချိန်။........ ။ (၂) လာ စနီ မိုးထဖက်ချိန်

နီရာ ။ ..........။ ရခိုင်နိုင်ငံ၊ မြောက်ဦးရွီမြို့တော်၊ သျှစ်သောင်းပုထိုး နှင့် ကိုးသောင်း ပုထိုးတော်ကြား ၊


"မောင်ကြီး ..မောင်ကြီး ...ဒေမှာကြည့်စမ်၊ ဒေကြက်မောက်ပန်းချေ ဇာလောက် ချစ်ဖို့ကေင်းလေ၊" ဆိုကာ မင်းသမီးချေ မြကြာညိုက သူမ အကိုကြီးကို ခူးပနာပြသည်။

"အေး အေး.. နှမတော်၊ ပန်းချေတိ အများကြီးခူးထား၊ ပန်းတိအများကြီးရလာကေ နှမချေနန့်မောင်ကြီး.. ဒေ မောက်နှမ နှစ်မ နှုစ်ယောက် ဒေ ကိုးသောင်းပုထိုးတော်ကြီးမှာ လှူကတ်ဖို့ ၊ ယပြီးကေ နှမချေ ချစ်ရရေ မောင်ကြီးနန်. မောင်ကြီးချစ်ရရေ နှမချေ.. ဒေမောင်နှမနှစ်ယောက် ဘ၀ ဘ၀ ဆက်တိုင်းဆက်တိုင်းမှာ ဆုံတွိကတ်ဖို့ ဆုတောင်းကတ်ဖိုးနန်း နှမတော်" မင်းသားချေ မင်းစော စကားအဆုံးတွင် မြကြာညိုမျက်နှာပါ အပြုံးပန်းချေတိ သန်းလာသည်။

"အော်..မောင်ကြီး မောင်ကြီး..အဂုတော့ခါ ငါ့နှမ၊ငါ့နှမနန့် ၊မြကြာညို ကကောင်းမပြောချင်..၊ ထိုတစ်ရက်နိက နန်းတွင်းအနောက်ဆောင်က အမတ်ကြီးထွန်းအောင်ကျော်သမီးတော် မြစောညိုတွက် စောင်းတော်တီးလို့ ဂီတသံစဉ်တိ လားဆက်သက်တေ လို့ နှမချေ ပြောသံကြားရေ.......။ ကြင်ဖော်ရကေ မောင်ကြီးက ချစ်ရရေ ဒေနှမချေကို မိလီဖို့စွာယာ....ဟိဟိ.." ဟုမောင်သယ်ကို သွန်းလိုက်သည်။ မင်းသားမင်းစောသည် ဟြက်(ရှက်) စိတ်ဝင်လားပြီး ....

" ဟေး ....ဒေသူတစ်ယောက် အထူးထူး မပြောရ မောင်ကြီးကို ငရဲကြီးဖို့ယေ" ဟုဆိုကာ စကား ပိတ်လိုက်သည်။

မင်းသားမင်းစောနှင့်မင်းသမီး မြကြာညိုရို.သည် မြောက်ဦးမြို့တော်ကို အုပ်ချုပ်ရေးပိုင်းတာဝန်ယူထားသော အမတ်ကြီးသာထွန်းအောင်၏ သမီးတော်၊သားတော်များဖြစ်သည်။ မင်းသားမင်စောသည် အသက်အရွယ်အားဖြင့် ၂၄နှစ်ခန့်ဖြစ်ပြီး ၊သူနှမချေမြကြာညိုမှာအသက် ၂၀အရွယ်ဖြစ်သည်။ မင်းသားမင်းစောသည် မြောက်ဦးဘုရင်သမ္မတရာဇာမင်း၏ ကိုယ်ရံတော်တပ်၌ တပ်မူးတစ်ယောက်လည်းဖြစ်သည်။ မင်းစောသည် တိုက်ရီး၊ခိုက်ရီးကျွမ်းကျင်ပြီး၊မြင်းများကိုအလွန်ပင်ချစ်တတ်သည်။ သူသည် အသက် ၂၀ခန့် အရွယ်တွင် အိန္ဒိယနိုင်ငံသို့ စစ်ရေးပညာသင်ရန်စေလွတ်ခံရဖူးသည်။ စာပီ၊ဂီတ အနှပညာကိုလည်းအလွန်ပင် ခုံမင်သည်။ အချိန်ရလျှင် ရတု၊ကဗျာ များအပျော်တမ်းစပ်လေ့ဟိသည်။

မင်းသမီးချေ မြကြာညိုမှာ နန်းတွင်း အထူးဆောင်၌ ရခိုင်စာပီ ဂီတ အနှပညာများ သင်ကြားနီဆဲဖြစ်သည်။ သူမသည်ဘ၀ကို ရတုကဗျာတိစပ်ယင်းနှင့်ပင်ကုန်ဆုံးစီချင်သည်။ သူရိုမောင်နှမနှစ်ယောက်သည်တစ်ယောက်ကိုတစ်ယောက်လွန်စွာချစ်ကတ်ပြီး ၊ ၀ါသနာတူ၊ အကျင့်တူများးဖြစ်သည်။ ဘာသာတရားကိုလည်း အလွန်ပင်ကိုင်းချိုင်းကတ်ပြီး ဘုရားမြတ်စွာအား သက်ဝင်ယုံကြည်သူများဖြစ်ပါသည်။ အဂုလည်း အခြွေအရံတိနှင့် ပန်းများခူးကာ ဘုရားမှာလှူရန်ကိုသောင်းဘုရား အနောက်ဘက်တစ်နီရာကိုရောက်ဟိလာကတ်ခြင်းဖြစ်သည်။ သူရို.သည် အခြွေအရံတိကို အ၀ီးမှ စောင့်ကတ်ရန် မှာလိုက်ပြီး မောင်နှမနှစ်ယောက် လလွတ်လလပ်ပန်းများခူးကာ ကိုးသောင်းပုထိုးတော်ကြီးတွင်ကပ်လှူပှုဇော်ကတ်မည်ဖြစ်သည်။


" နှမတော် ...ဒေမှာ တစ်နားချေနီလိုက်..ပန်းတိခူးထား၊ မောင်ကြီး ထိုဟြိ့က ကန်ကြီးကိုလားကြည့်ချင်ရေ၊ ယင်းကန်ထဲက ကြာဖြူ၊ ကြာနီ ချေတိကို မောင်ကြီး ကြည့်ချင်လို့" ဟု မင်းစောလှမ်းပြောလိုက်သည်။

" နှမချေလေ့ လိုက်ပါရဇီ မောင်ကြီး၊ ဒေနားမှာ တစ်ယောက်တည်း မနီဝံ့၊ နှမချေ ကြောက်တေ" ဟုမြကြာညိုပြန်ပြောသည်။

"ဇာကို ကြောက်စရာလိုလေ နှမတော်၊ ထော.. ဒေက အနောက်ဘက်ကိုကြည့်လိုက် ငါရို. အဘိုးတိတည်ထားခရေ သျှစ်သောင်း၊ထုက္ကသိမ်၊ လေးမျက်နှာဘုရားပုထိုးတိ ဟိန်းလို့၊ ထော.. အဟြိ့(ရှိ) ဘက်ကိုကြည့်လိုက်စမ်......။ ဘုရင် မင်းခမောင်တည်ခရေ ကိုးတော်ပုထိုတော်ကြီး တိ မမားမမတ်နန့်၊ အခြွေအရံတိလည်း မပါးမ၀ီးမှာ ဟိကတ်တေ မလား" ပြောသာပြောလိုက်ရသည် သူညီမ နားထောင်ဖို့လို့ မင်းစောမထင်။

" အာ.. မောင်ကြီး၊ မရ နှမတော်ကြောက်တေ" ဟုဆိုကာ ပန်းရိုင်း ခြုံပုတ်တိ ကြားထဲက ပြီးထွက်လာသည်။ မင်းစောလေ့ တားဖို့အချိန်တောင်မရလိုက်။ " အေး ၊"အေး" နှင့် သဘောတူလိုက်ရသည်။

"နှမတော် ကန်ထဲမှာ ပေါက်နီကတ်တေ၊ ကြာဖြူ ကြာနီပန်းချေတိကိုကြည့်စမ်၊ ဇာလောက်ချစ်ဖို့ကောင်းလေ၊ နှမတော် မောင်တော်တစ်ခု ပြောပြမေ၊ ကြာပန်းဆိုစွာ လောကကို သူ့အလှတစ်ခုတည်းနန့် အလှဆင်စွာမဟုတ်၊ ဘ၀ ကိုလုံးဝ အရှုံးမပီးရေ ပန်းတိထဲမှာ ကြာပန်းရေ သတ္တိအဟိဆုံးဖြစ်တေ နှမတော်" မြကြာညို သူ့မောင်သယ်စကားကို နားမလည် ဖြစ်နီသည်။

" နှမတော်.. ကြာပန်း အလှတစ်ခုတည်းကို မကြည့်ကေ့ ၊ ကြာပန်း အောက်မှာ ရီဟိရေ၊ ယင်းရီအောက်မှာ ကျူပ်တိ ဘိတ်နန့် ပေါင်းစပ်ထားရေ ဒေကမ္ဘာမြေကြီး ၊ ယင်းပိုင် အခက်အခဲ့တိကြားထဲတိ အားလုံးကို ကျော်ဖြတ်ပြီးကေ လောကအလှဆင်ဖို့အတွက် ရုန်းထွက်ပါလတ်တေ ဒေပန်းချေတိကို ဘလောက်ချီးကျူးဖို့ကောင်းလေ ကြည့်စမ်"။ မင်းစောတစ်ယောက် အသျှေတစ်ယောက်ပိုင် နားထောင်နီသော သူ့နှမချေကို ဥပမာတိ နှင့် ချင်းပြနီသည်။

"မောင်ကြီးလည်း ကို့နှမချေကို ဒေကြာပန်းချေတိပိုင် အဖရခိုင်ပြည်ကြီးကို အလှဆင်ဖို့ မောင်ကြီး တိုက်တွန်းချင်ရေ နှမတော်"

မြကြာညိုကလည်း မောင်သယ်ကို သူမ တတ်စွမ်းသော စာပီ၊ဂီတ အနှပညာနှင့် အဖရခိုင်ပြည်ကြီးကိုအလှဆင်မည်ဖြစ်ကြောင့်ကတိပီး
လိုက်သည်။ မင်စော စကားပြန်စလာသည်။ သူသည် သူ့နှမချေအား သူကြိုက်တေ သုဝဏ္ဏဒေ၀ီ (စောပြည့်ညို) ရွီးစပ်ခသော သိန်ကန်မိန်တွင်ရတု ကို ကြားချင်ကြောင်းပြောပြသည်။ မြကြာညိုလည် သူမမှတ်မိသလောက်မှ

"လျှောက်တင်ခါပန်း၊ ရာသီဆန်းလျင်၊ နန်းမြင့်အောင်မြီ၊ ဆယ့်နှစ်လီရစ်သန်းမြူး၊ မောက်သူဇာကေ၊ ဒက္ကာဆိပ်ကမ်းဦးက၊

ကျေးဇူးဂုဏ်သျှစ်တန်၊ အမတ်လိမ္မာ၊ ထိုမြို့ရွာတွင်၊ အာဏာသုံးခယ့်ပြန်မှ၊ ပြောင်ဆဒ္ဒန်မာတင်ရိုး၊ ထွက်လျှင်မပြန်၊

မလှန်ကိုယ့်မင်းမျိုးတည့်။ ဆိုးကောင်းနှစ်ပါးတွင်၊ ရိပ်ခြည်အမျှင်၊ အသျှင်သိလျှင်းပင်တည့်။ ပညာသျှင်အုပ်ထိန်းမှ၊ မြို့ပြပြည်ရွာ၊

သာယာစည်ကားလှအယ့်။ မင်းယောက်ျားဓမ္မတာ၊ ပညာမဲ့ကွက်၊ ညာဏ်မစွက်သော်၊ ပြည်ထက်မထားရာတည့်။

ရှိယ့်ကျမ်းလာထုံးစာဟောင်း၊ ကျိုးကြောင်းသိပြန်၊ ဘွဲ့မွန်အမတ်ကောင်းကို၊ နောက်တကြောင်းကုလားရွာ၊ အပိုင်အပ်ပြီး၊ စစ်သူကြီးဟု၊ ................"

မင်းစောလည်းလွန်စွာအားရကျေနပ်လျက် နှမချေအား ချီးကျူးစကားဆိုသည်။ ယင်းနောက် မင်းသားမင်းစောနှင့်မင်သမီးချေရို.သည် ကိုးတော်ပုထိုးတော်ကြီးသို့ ပန်းစည်းတိကိုင်ပနာ လျောက်လာကတ်သည်။ ထိုနောက် ပန်းတိကို ဘုရားတွင်ကပ်လှူပှုဇော်လျက် မောင်နှမနှုစ်ယောက် ဘ၀ဆက်တိုင်းဆက်တိုင်းဆုံတွိရပါလို.၏ဟုဆုတောင်းကတ်သည်။

"အသျှင်ဘုရား ...တပည့်တော်၊တပည့်တော်မရို. မောင်နှမနှုစ်ယောက် ဘ၀ဘ၀ ဆက်တိုင်းဆက်တိုင်းမှာ ဆုံတွိရပါဇီ ဘုရား ....."

မောင်နှမနှစ်ယောက်ဆုတောင်းသံတိ ကိုးတော်ပုထိုးတော်ကြီးလှိုင်ဂူတိထဲတွင် ပဲ့အထပ်ထပ်တင်လျက်..........။

(၄)



နိရက်။........ ။ ရခိုင်သက္ကရာဇ် ၁၁၄၄-၁၁၄၅ ၊ တန်းဆောင်မုန်း လဆန်း(၅) ရက်၊ အင်္ဂလိပ်သက္ကရာဇ်: 1783AD အောက်တိုဘာ။

အချိန်။........ ။ (၂) လာ အင်္ဂါနခြင်းဖက်ချိန်

နီရာ ။..........။ မြောက်ဦး ရွီနန်းတော်

နန်းတွင်းညီလာခံကျင်းပနီသည်။ ရခိုင်နိုင်ငံရေး အတိမ်းအစောင့်မခံနိုင်သော အနီအထားဟိသည်။ သမ္မတရာဇာဘုရင်အား အရည်အချင်းမဟိဟုဆိုကာ ခွဲထွက်အဖွဲများပေါ်လာပြီး ဘုရင်၏ထီးနန်းကို ပုန်ကန်ခြားနားမူတိ ပေါ်ပေါက်လာသည်။

ရခိုင်နိုင်ငံ၏ စီးပွားရေး၊လူမူရေး၊နိုင်ငံရေး အဘက်ဘက်မှရီဝင်လာသည်။ ရခိုင့်ပြည့်သျှင်ဘုရင်မင်းမြတ်သည့် ပြည်တွင်းပုန်ကန်ခြားနားမူ၊ ပြည်တွင်း မိုးခေါ်မှု၊ အစာ၊ရီစာ သျှားပါးမူ၊ ၀မ်းရောဂါ ဖြစ်မူစသည့် ပြဿနာ ပေါင်းစုံနှင့်ကျင်ကိုင်နီရသည်။ စိုင်းတင်မြို့စား ငသံဒွေသည် ဘုရင်အား ဗြောင်စိန်ခေါ်မူများပြုလုပ်လာပြီး ရခိုင်ထီးနန်းကို ခြိမ်းခြောက်သည်။

နန်းတွင်း ညီလာခံ၌ ဌာန ပေါင်းစုံမှ မြို့စား၊ ၀န်ကြီး၊ မူမတ်အပေါင်းစုံရို.သည် ရင်မအီးနိုင်သော ရခိုင့်အနာဂတ်တွက် ဘုရင်ကြီးနှင့် အကြိတ်အနှယ် ဆွဲနွဲလျက်ဟိသည်။ မူးကြီး၊မတ်ကြီးရို.သည် ရာထူးအဆင့်၊အတန်းလိုက် ငွေ ကုတင်(ကုလားထိုင်) ထက်များ
တွင် သမာဓိအပြည့်နှင့်ထိုင်နီကတ်သည်။တချို.သော နန်းတွင်းသူ၊နန်းတွင်သားများသာ ဘုရင်ကြီးကို ထိုင်လျက်ခစားနီကတ်သည်။

" အေး ... အဂု ပိုင် အကြံဥာဏ်တော်တိနန့်၊ အားတိုက် အင်တိုင် ဆွေးနွေးပီးကတ်တေ ၊ မူးကြီး၊ မတ်ကြီး၊ ၀န်ကြီး၊ အမတ်ပညာဟိ ရို.ကို ငါ ကိုယ်တော်မြတ် ကျေးဇုတင်ဟိတော်မူရေ၊ စိုင်းတင်မြိူ့စား ငသံတွေ ခြီလှမ်းတိကို သတိထား စောင့်ကြည့်ပြီးကေ
၊ ရင်ဆိုင်နီရရေ အခက်အခဲ့ တိကို ပူပေါင်း ဖြေသျှင်းကတ်ရဖို့ ၊ အမတ်ကြီးအပေါင်ရို." နန်းတွင်ညီလာခံ ပလ္လင်ထက်က ဘုရားကြီးအသံ ဟိန်းထွက်လာသည်။

" အမတ်ကြီးသာထွန်းအောင်၊ စကားမစပ် မြောက်ဦး ရွီမြို့တော် လုံခြုံရေးကိစ္စ ငါကိုယ်တော့်မြတ် သိချင်ရေ၊" အမတ်ကြီး သာထွန်းအောင်အား ဘုရင်ကြီး မီးတော်မူသည်။

" မှန်လှပါ အသျှင်မင်ကြီး၊ မြောက်ဦးမြို့တော် လုံခြူံရေးကိုပါ ငသံဒွေ နန့်
အဖွဲ ဗြောင် စိန်ခေါ်နီကြောင့်ပါ၊ ယေဘင်ယေကေလေ့ အကျွန်မျိုး အသျှင့်သစ္စာတော် စောင့်သိတော်မူလျက် အခြေအနီပုံမှန်ရောက်အောင် ကြိုးစား နီပါရေ အသျှင် မင်းကြီး၊" ။

ဘုရင်ကြီး မျက်နှာမသာမယာဟိသည်။ ဘုရင်ကြီးသည်တိုင်းသူ၊ပြည်သားတိတွက် စိတ်မသာမယာ ဖြစ်နီဟန်ဟိသည်။

" အေး.. အေး .. အစစ အရာရာ သတိတော်ထား ၊ဆင်ခြင်တော်မူလျက် သူတော်ကောင်းထုံး နှလုံးမူပြီး ဆက်လက်လုပ်ဆောင်ကတ်ပါ အမတ်ကြီး ။ ငါ ကိုယ်တော်မြတ်၊ ဒေနိဖို့ ညီလာခံ ရပ်တော်မူမည်။ ကိုယ့်တာဝန် ကိုယ်ကို ကျေပွန်အောင် ထမ်းဆောင်နိုင်ကတ်စီ၊
အမတ်ကြီးအပေါင်း ရို." " မှန်လှပါ အသျှင်မင်ကြီး၊ အသျှင်မင်းကြီး သက်တော် ရာကျော် ဟြည်ပါဇီ။" နန်တွင်းသူ၊ နန်းတွင်းသား အပေါင်းရို၏ ဆုတောင်းသံ နန်းတော်တစ်လုံး ဟိန်းလားသည်။

ဘုရင်မင်းမြတ်လည်း များစွာသော အခြွေအရံတိနှင့်မိမိ ရွှေနန်းဆောင်းသို့ ကြွမြန်းတော်မူသည်။



1784AD (တစ်နှစ်တိတိ ကြာပြီးနောက်)



" ဒုန်း၊ ဒုန်း၊ ဒုန်း၊ အသျှင်မင်းသား၊ အသျှင်းမင်းသား အယင်ထတော်မူပါ၊အယင်ထတော်မူပါ၊ အောက်ပြည်က ဗမာတပ်တိ မြောက်ဦး မြို့တော်ကို ၀င်သိမ်းနီပါကြေင့်ပါ။"

ကိုယ်ရံတော် တံခါးခေါက်နိုးမူကြောင့် မင်းသားမင်းစောသည်ဗြန်းဆိုလန့်နိုးချိန်တွင် မြောက်ဦးမြို့တော်မှ အလွန်တရာမှ ကြောက်မွက် ထိတ်လန့်ဖွယ်ကောင်းသော အသံများဆက်တိုင်ကြားလိုက်ရသည်။ လူကျွီးသံ၊ အချေတိငိုသံ၊ မြင်းကျွီးသံတိ ဆက်တိုက်ထွက်ပေါ်လာသည်။ နန်းတော်အချက်ပီးနန်းဆောင်တော်မှလည်း အချက်ပီးရခိုင်စည်သံမိုးကြိုးပစ်ပိုင်ပေါ်ထွက်လာသည်။

မင်းစောသည် သူ၏ လက်စွဲတော်ဓားကို ကျစ်ပါအောင်ဆုပ်လိုက်ပြီး ၊

" တောက်... ရာဇ၀င် ရိုင်းလိုက်လေ ဝေ.. တိုင်းပြည် တစ်ပြည်ကို စစ်မကြေငြာဘဲ မဆမပိုင် အငိုက်ကျုးကျော်ဝင်သိမ်းရရေလို့၊ ကဲ...အချိန်မဟိ၊ တပ်မူး ဘုရင့်လူခြုံရေး အရေးကြီးရေအဂုချက်ချင်းလာကတ်မေ".......။

ထိုအချိန်တွင် မင်စောနှမတော် မြကြာညိုသည် အခြွေအရံတိနှင့် ရောက်ဟိလာသည်။

" မောင်ကြီး၊ မောင်ကြီး .... မြောက်ဦ ရွီးမြို့တော်ကို ဗမာတပ်တိ ၀င်သိမ်းထားပါယာ... အဂု နန်းတော်ကို ချီတက်လာနီကတ်တေ"
မြကြာညို ဆို့နစ်ငိုကြွေးလျက် ယှောက်တင်သည်။


"အေး နှမတော်.. ဘုရင်မင်းမြတ်လုံခြုံ အရေးကြီးရေ၊ မောင်ကြီး အဂုချက်ချင်းလားလိုက်မေ၊ နှမတော်လေ့ အစစ အရာရာ ဂရုစိုက်ပါ၊" မင်းစောသည် မျက်ရည်မကျမိအောင်း အားတင်းထားရသည်။ တာဝန်အရသာ လားရသည်။ သူချစ်နှမတော်နှင့် ဒေပိုင်
အန္တရာယ်တိနှင့်ကြုံတွိနီချိန်တွင် မင်းစော အတူဟိနီချင်သည်။

" မောင်ကြီး , မောင်ကြီး အစစ အရာရာ သတိထားဆောင်ရွက်တော်မူပါ၊ နှမတော် ဇာပင်ရောက်ရောက် မောင်ကြီးကို စောင့်နလီဖို့" ဆိုးနစ်ငိုကြွီးသံနှင့် အတူထွက်ပေါ်လာသော နှမတော် စကားသံ မင်းစောနား ပဲတင်ထပ်လားသည်။

မင်းစောသည် ဗမာကျူးကျော်တပ်ကို အသက်နှင့်လဲ ရင်ဆိုင်ဖို့ ဆုံးဖြတ်လိုက်သည်။ သူ၏မျက်နှာတွင် ရဲစိတ်ရဲမာန်တိတတ်ကြွလျက်ဟိသည်။ သူသည် သူ၏ မြင်နီကြီးကို စီးလျက် တပ်သား ၂၀၀ ခန့်ဟိသော ဘုရင်ကိုယ်ရံတော်တပ်ကို အဖပြည်တွက် အသက်ကိုစွန့်လွတ်ရန် အသံကျယ်ကြီးနှင့် အမိန့်ပီဆော်သြနီသည်။

ယင်းအချိန်တွင် သွီးရဲရဲနှင့် စစ်သားတစ်ယောက် မြင်းနီကြီးနှင့် အပြီးရောက်ဟိလာသည်။

" အသျှင်မင်းသာ၊ မြောက်ဦး ရွီးမြို့တော်ကြီး မီးဟုန်းဟုန်းတောက်နီကြောင့်ပါ၊ ရခိုင်သူ၊ရခိုင်သားတိမှာလဲ ဘေးလွတ်ရာသို့ ထွက်ပြီးနီကတ်ကြောင့်ပါ အသျှင်မင်းသား၊ အကျွန်မျိုးအား ခွင့်လွတ်တော်မူပါ"။ ယင်းသို့ ပြောကြားပြိးနောက် ထိုစစ်သားသည် မိမိ လည်ပင်းကို လျင်မြန်စွာ လှီးဖြတ်လိုက်သည်။

အသက်မဲ့ ခန္ဒာကိုယ်ကြီး မင်စော ဟြိ့အရိုးပြတ်လဲကျလားသည်။ မင်းစောသည် ထိုစစ်သားကို မြင်းထက်ကခုန်ဆင်း ဂါရသ၀ ပြုလိုက်သည်။ ယင်းနောက် မြင်းနီကြီးထက် ခုန်တက်လိုက်ပြီးနောက်

"ရခိုင်နွယ်ဖွား အမျိုးစစ်တေ ရဲမက်အပေါင်းရို. သင့်ရို.သွီးဇာလောက်ရဲလေဆိုစွာကို အဖပြည်တွက် ဒေနိ ဒေအချိန် ပြဖို့ အချိန်ရောက်ဗျယ်..။ငါ့ရို. ရခိုင်ပြည်၊ရွီနန်းတော်ကို ငါရို. အသက်နန့်လဲ ကာကွယ်မည်" မင်းစော ရာဇမာန်အပြည့်နှင့် ကြုံးဝါးလိုက်ချိန်တွင် ရဲမက် အပေါင်ရို. ပြိုင်တူလိုက်ဆိုကတ်သည်

" ငါ့ရို. ရခိုင်ပြည်၊ ငါရို.ရွီနန်းတော်ကို ငါရို. အသက်နန့်လဲ ကာကွယ်မည်"

ကြုံးဝါးသံတိ နန်းတော်တစ်ခုလုံး ဆူညံလားသည်။ မင်းစောသည် တပ်မူးတစ်ချို.နှင့် ဟြိ့က ချီတက်လျက် နန်းတော် အပြင်ဘက်တံတိုင်းအရောက်တွင် မြောက်ဦးတစ်ခုလုံး မီးဟုန်းဟုတ်းတောက်နီသည်။ ရဲမက်အချိုမျက်လုံးမှ မျက်ရည်တိ ယိုစီးကျလာသည်။

ဝမ်းနည်းအချိန်မဟိပါ။ နန်းတော်နှင့် အသျှင်အား အသက်နှင့်လဲ ကာကွယ်ရမည့်ဖြစ်သည်။ မင်းစောရို. အဟြိ့ တဂါဝုဒ်ခန့် အကွာမှ ဗမာစစ်သည်များသည် နန်းတော်သို့ချီတက်လာနီသည်။ အချိန်ကား သန်းခေါင်အချိန်။ ကွမ်းတယာအညုက်ခန့်အကြာတွင် ဗမာကျူးကျော်တပ်နှင့် ရခိုင်မင်းစောတပ်ရို. ရင်ဆိုင်တိုးသည်။ တိုက်ပွဲသည် အလွန်ပင်ပြင်းထန်လှသည်။ လူကျီးသံများ၊ မြင်းကျီးသံနှင့် ကမ္ဘာပြိုလားဟန်ဟိသည်။

မင်းစောရိုတပ်ဖွဲ့သည် ဗမာတိကိုအားမန်အပြည့်နှင့်ရင်ဆိုင်ခုခံသည်။ ရဲမက် ၂၀၀ ခန့်ဟိသော မင်းစောရို့တပ်သည် အလူးအလဲခံနီရသည်။ မင်းစောစစ်သည်များသည် အတုံးအရုံးကျဆုံးကတ်သည်။

အင်အားချင်းမမျှ၍ တစ်နာရီခန့်အကြာတွင် နန်းတွင်းအ၀င် တံခါးမကြီးလုံးဝပွင့်လားသည်။ ဗမာစစ်သည်များသည် ရွီးနန်းတော်ကြီးထဲသို့ ဒုံးစိုင်းဝင်လားချိန်တွင် နန်းတွင်းမှ ကျွကျွတ်ရိုက်သံများဆက်တိုက်ထွက်ပေါ်လာသည်။ မင်းစောသည် မျက်ရည်ကိုသုတ် ဓားနှင့်ခွတ်ရင်း ရန်သူအငုတ်ကို သျှင်းနီချိန်တွင် သူ့စစ်သည်များ အတုံးအရုံး သူဟြိ့တွင်ကျဆုံးလားသည်။

မင်းစော၏စိတ်အာရုံတွင် သူ့နှမတော် မျက်နှာ မြင်ယောင်လာသည်။ ကယ်သူမဲ့နန်းတွင်းသူ၊နန်းတွင်သားများ၏ ကျွီးသံ၊ငိုသံတိ မင်းစောကြားနီရသည်။ ယင်းနောက် ရွီနန်းတော်မှမီးခိုးလုံးကြီးတိထွက်ပေါ်လာသည်။မင်းစောသည် နန်းတွင်းထဲကိုဝင်၍ နှမတော်ကို ကယ်ထုတ်ချင်သည်။ ယေပိုင်ယေကေလေ့ ထိုအကြံသည်အလွန်ပင်နောက်ကျနီကြောင့် မင်းစော သဘောပေါ်သည်။ များပြားလှစွာသော ဗမာစစ်သည်များသည် နန်းတော်တံတိုင်း တန်းခါး ပေါက်ကြီးကိုအသီပိတ်ဆိုးလိုက်ကတ်သည်။

"အား ............ " ယင်းသို့ တွေးတောနီစဉ်တွင် မမျော်လင့် လှံတစ်ချောင်း မင်းစော၏ လက်မောင်းတော်အောက်သို့စိုက်ဝင်လာသည်။ မင်းစောသည် နာကြင်လွန်းသောဝေဒနာ ခံစားလိုက်ရပြီး၊ သူဂေါင်းရိုင်လားသည်။ သတိတစ်ချက်ပြန်သွင်းလျက် မြင်းထက်က လူးမကျအောင် မင်းစောထိန်းလိုက်သည်။

ယင်းနောက် ထိုဗမာစစ်သည်အား မိမိ လက်စွဲတော်ဓားဟြည်ဖြင့် မင်းစော လျင်မြန်စွာခေါင်းဖြတ်သတ်လိုက်သည်။

လှံချက်ပြင်းထန်သောကြောင့် မင်းစော ဒယိန်းဒယိုင်ဖြစ်လာသည်။ သွီးစက်များ လက်မောင်းအောက်က ဒလဟော စီးချင်းလာသည်။ သူ့ရဲမက်အားလုံးနီပါးသည်သူဟြိ့တွင် အပုံပုံလဲသီလျက်.....။

" ငါ ......ဗမာလက်မှာ အသီမခံနိုင်"

မင်းစောစိတ်တင်းလိုက်သည်။ ယင်းနောက် ထိုတိုက်ပွဲအတွင်းမှ မင်စော အောင်မြင်စွာဆုတ်ခွာလိုက်သည်။မင်းသားမင်းစောသည် ကြွီကွဲ မျက်ရည်ယိုစီးလျက် မြင်းနီကြီးနှင့် နန်းတော် အဟြိ့ဘက်သို့ ဒုန်းစိုင်းပြီးလာသည်။

လမ်းတစ်လျောက်လုံးတွင် အနိဌာရုံတိ ဆီးကြိုသည်။ မီးလောင်နီသော ဘုရားပုထိုးများ၊ သွီးအိုင်များလဲကျသီဆုံနီသော လူတိအလောင်းများ၊ ကယ်သူမိ ပြီးလွားနီကတ်သော အဖပြည်သူများ၊ အချေ ငိုကျွီးသံများ .....။

သူ့နှမတော်နှင့် ပန်းအတူခူးခသော တောပုတ်နားတွင် မင်းစော မြင်းနီကြီးကိုတန်လျက် ပန်းတဆုပ်ခူးလိုက်သည်။ ယင်းနောက် ကိုးသောင်းပုထိုးတော်ကြီးထဲသို့မင်းစော ဒုန်းစိုင်းဝင်လိုက်သည်။

လိုက်ဂှုကြီးအထဲမှ မြတ်စွာဘုရားဆင်းတုတော်ကြီးတိဟြိ့တွင်မင်းစောဒူးထောက်လိုက်သည်။

"အသျှင်ဘုရား ဘ၀ ဘ၀ ဆိုက်တိုက် ဆက်တိုက်မှာ တပည့်တော် နှမတော်နန့် တပည့်တော် ဆုံတွိရပါလို၏။"

မင်းစောမျက်နှာမှမျက်ရည်တိမိုးရွာရေပိုင် စီးကျလာသည်။ ယင်းနောက် မင်းစောသည် သွီးတိနှင့် စည်းနီသောသူ၏လက်စွဲတော်ဓားကို
အထက်သို့မြောက်လိုက်ပြီး မိမိ ရင်ဘက်ထဲကို ထိုးစိုက်လိုက်သည်။ နှလုံးထဲမှ သွီးတိ ဒလယောစီးချင်းလာပြီး မင်းစောအာရုံတွင် အမှောင်ထုသည်ဖုံးလွှမ်းလားသည်။ ၀ိညဉ်လွင့်လားသော မင်းစော၏အသက်မိကိုယ်ခန္ဒာကြီး ကိုးတော်ပုထိုးတော်ကြီးထဲတွင် အထီးကျန်လျက်....။



တစ်လခန့် ကြာပြီးနောက်.............................။



မင်းသမီးချေ မြကြာညိုသည်အလွန်ပင်ပိန်ခန်းလားသည်။ သူမသည်အဖပြည်နှင့်သူ့မောင်ကြီးကို
လွမ်းရသောစိတ်တိနှင့်ဒုက္ခဆင်းရဲရောက် လျက်ဟိသည်။ မောင်ကြီးမင်းစောတစ်ယောက် သီလို့ဟိလီလာ၊ဟြင်လို့ဟိလီလာ မြကြာညိူသတင်းအစအနပင်မရပါ။ ရခိုင်ပြည်စစ်သျှုံး၍ရခိုင်ဘုရင်နှင့်ဘုရင်မအပါအ၀င် နန်းတွင်သူ နန်းတော်သားတိကို အင်းဝသို့ ဖမ်းဆီးခေါ်ဆေင်ခခါက မင်းသမီးချေ မြကြာညိုပါ ပါလာသည်။

သူမသည် ဗမာထမင်းကိုမသီအောင်စားလျက် အဖရခိုင်ပြည်နှင့်မြောက်ဦးရွီမြို့တော်အကြောင်းကို ကဗျာစာတိ ရွီးလျက် အချိန်တိကိုကျော်ဖြတ်လျက်ဟိသည်။ စကားမတူ၊ စရိုက်မတူ၊အသွင်မတူသောလူရပ် လူပြည်၌အသက်ဟြန်သန်နီရခြင်းကို မြကြာညို စိတ်ပျက်လျက်ဟိသည်။

တစ်လခန့်အကြာမှာပင် သတင်းအစအနပျောက်နီသောသူမမောင်ကြီးတွက် ငိုရသည့်ရက်တိ မရွီနိုင်တော့ပါ။မင်းသမီးချေ မျက်လုံးတွင်မျက်ရည်များပင်ခန့်ခြောက်လီသည်။ သူမမောင်ကြီးတွက် မျော်လင့်ချက်တိ ကုန်ခန်းလာသည်။

"အသျှင်မဘုရား၊အသျှင်မဘုရား၊" သူမအဆောင်အခန်းတော်မှ အပြင်ကိုငေးနီစဉ်တွင် အခြွေရံမချေတစ်ယောက်ငိုယိုပြီးဝင်လာသည်။

"ဟေ... အညို,..........နင် ဇာဖြစ်လေ ငါ့ကို အဂု လျှောက်တင်စမ်" မြကြာညို စိုးရိမ်စိတ်နှင့်မီးလိုက်လေသည်။ " အသျှင်မဘုရား ........အကျွန်မျိုးရို. အသျှင် မုနိသျှင်တော်မြတ်ကို ဗမာပြည်ကို ယူဆောင်လာဖို့ ၊ ဘုရင်က အမိန့်တော်ချလိုက် ပါယာဘုရား......."

မြကြာညို နဖူးကသွီး ခြီမတက်လျက် မျက်ရည်မိုးတိရွာကျလာသည်။ ရင်ထဲမှလည် အလွန်မှနာကြင်သောဝေဒနာတစ်ရပ်ခံစားလိုက်ရသည်။

"တောက်.........., ရိုင်းလိုက်လေ.. အညို.......လူကြားလို့မကောင်း....... ငရို.ပြည်ကိုမတရားသိမ်း......ငရိုလူမျိူးတိကိုသတ်..အဂုငါရို.အသျှင်ကို မတရားယူပြန်ယာ မလားဂု........" မြကြာညိုတတ်သီးခေါက်သံ အခြွေအရံတိ ဆို့နစ်ငိုသံတိနှင့် ရောထွီးလားသည်။......................

မြကြာညို အဆောင်ဟြိ့တွင် နန်းတွင်းတိနန်းတွင်းသားတိ ကျကျိတ်တိုးနီသည်။ "ရခိုင်..မင်းသမီးလေး....မြကြာညို.....သနားပါတယ်" စသည့်အသံတိ ထွက်ပေါ်လာသည်။ " အသျှင်မ....အသျှင်မ...ဟီး..ဟီးး..အကျွန်မျိုးမ ရို.ကို ထားခယာလာ....ထကြည့်ပါ..အဖပြည်ကို တနိပြန်ဖို့ဆို....ဟီး..ဟီးး..." စသည့် ဆို့နစ်ငိုကြွီးသံတိကြားထဲတွင် မင်းသမီးချေ မြကြာညို ၀ိညဉ်ကင်းမဲ့လျက်.......။


(၅)

နိရက်။.......... ။ ၁၉၉၃ ခုနှစ်၊ နိုဝင်ဘာလ၊ ၃၀ ရက်

အချိန်။.........။ ရခိုင်စံတော်ချိန် မိုးထဖက် (၁၀) နာရီ

နီရာ။.......... ။ တောင်ရင်းကျွန်း၊ လည်ရိုးတော်ဓာတ်၊ ပေါက်တောမြို့၊ ရခိုင်ပြည်


ဓာတ်တောင်အောက်တွင် ညင်ညင်သာသာ တိုက်ခိုက်နီသောလီဗီချေသည် အင်ဂရားပန်းအနံ့ချေတ်ိကို မြတ်မင်းဦး နှခေါင်းသို့ယူဆောင်လာသည်။


အပိုင်း(၅)စောင့်ဖတ်ကတ်ပါ

The best is yet to come.....
ကျမ္မာကတ်ပါဇီ
အေးမောင်(ရင်အုံတော်ဓာတ်)
၂၉၊၀၇၊၀၉

(ဘုရင်မာရယုဘလော့မှ)